ކައުންސިލުން ގަސްކާނާ ގަނޑުކޮަށް ގެނެސްދިނުން - ދަނޑުވެެރިންނަށް ބޮޑު ލުޔެއް

26 ފެބްރުއަރީ 2020, ބުދަ, 23:51

ފައިނުގެ ދަނޑުވެރިންނަށް ބޭނުންވާ ގަސްކާނާއާއި ބޭސް ގަނޑުކޮށް ގެނެސް ދަނޑުވެރިންނަށް ފޯރުކޮށްދިނުމުގެ މަސައްކަތަކީ ދަނޑުވެރިކަން ކުރުމަށް ދަނޑުވެރިންނަށް ފަސޭހަ ކޮށްދިނުމުގެ ގޮތުން ކައުންސިލުން ދޭ ޚިދުމަތްތަކުގެ ތެރެއިން ޚިދުމަތެވެ.

އެގޮތުން، އިއްޔެވަނީ ގިނަ ޢަދަދެއްގެ ގަސްކާނާއާއި ބޭސް ގެނެސް ދަނޑުވެެރިންނަށް ދޫކުރުމުގެ މަސައްކަތް ކައުންސިލުން ކޮށްފައެވެ. ދަނޑުވެރިންނަށް ބޭނުންވާ ގަސްކާނާ ކައުންސިލުން ގެނެސް ފޯރުކޮށްދެމުން ގެންދަނީ އެކަމަށް އެދި ދަނޑުވެރިން ފޯމަކުން ހުށަހެޅުމުންނެވެ. މަޢުލޫމާތު ލިބިފައިވާގޮތުގައި ފާއިތުވި އަހަރުތަކުގައިވެސް ގަސްކާނާއާއި ބޭސް ފޯރުކޮަށްދީފައިވަނީ، ބާޒާރުގައި އެތަކެތި ލިބެން ހުންނަ އަގަށްވުރެ ވަރަށް ބޮޑުތަން ހެޔޮކޮށެވެ. މިގޮތަށް ކާނާއާއި ބޭސް ފަނޑުކޮށް ގަތުމުން, ބާޒާރުގެ އަގުތަކަށްވުރެ 20% އާއި 30% އާއި ދެމެދުގައި އަގުހެޔޮ ވާކަމަށް ވަނީ މަޢުލޫމާތު ލިބިފައެވެ.

ގަސްކާނާ އާއި ބޭސް ދަނޑުވެރިންނަށް ދޫކުރަނީ - ފޮޓޯ: އިސްމާޢީލް ޝަފީޢު

ދަނޑުވެރިންނަށް ފޯރުކޮށްދޭ ކާނާއާއި ބޭހުގެ އަގު ޢަދާ ކުރުމަށް އެފަރާތްތަކަށް 3 މަސް ދުވަހުގެ މުއްދަތެއް ކައުންސިލުން ދެއްވައެވެ. އެހެންކަމުން، ކާނާއާއި ބޭސް ހޯދަން ދަތިވެ ދަނޑު ނުހެއްދި ތިބެން ނުޖެހޭކަން ދަނޑުވެރިން ފާހަގަކުރެއެވެ. އެހެންކަމުން، މިޚިދުމަތަކި ދަނޑުވެރިން ވަރަށް ބޮޑަށް ބަލައިގެންފައިވާ ޚިދުމަތެކެވެ.

ފާއިތުވި 3 އަހަރުވެސް ކައުންސިލުން ވަނީ ފައިނުގެ ދަނޑުވެރިންނަށް ގަސްކާނާއާއި ބޭސް ފޯރުކޮށްދީފައެވެ.

އިތުރު ލިޔުންތައް ފައިނު ކައުންސިލް

1 day ago

މިލިޔުން ކިޔާލުމުން

އުފާވި

ދެރަވި

ހިނިއައި

ރުޅިއައި

7 ކޮމެންޓް ކެންސަލް

ދަނޑުވެރިޔާ 4 years ago

ވޯޓަށް ޖަހާލި މަޅިއެއް