މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: އިންޓަރނެޓް

މުވައްޒަފުންގެ ސަސްޕެންޝަނުގެ މައްސަލައިގައި ކޮމިޝަނުން ކޯޓަށް

އިބްރާހިމް ފަހީމް

ލޯކަލް ކައުންސިލްގެ އިންތިޚާބު ފަސްކުރުމުގެ ސަބަބުން އިންތިޚާބަށް ކުރިމަތި ލާފައިވާ ފަރާތްތަކުގެ ތެރެއިން ސަސްޕެންޑް ކުރެވިފައިވާ ސިވިލް ސަރވިސްގެ މުވައްޒަފުންނަށް ލިބެމުންދާ ގެއްލުންތަކަށް ޤާނޫނީ ހައްލެއް ހޯދުމަށްޓަކައި މި މައްސަލަ ޝަރުޢީ މަރުހަލާއަށް ހުށަހެޅުމަށް ސިވިލްސާވިސް ކޮމިޝަނުން ނިންމައިފިއެވެ.

ސިވިލްސާވިސް ކޮމިޝަނުން ނެރެފައިވާ ބަޔާނެއްގައި ބުނެފައިވަނީ، ލޯކަލް ކައުންސިލްގެ އިންތިޚާބު ފަސްކުރުމުގެ ސަބަބުން އިންތިޚާބަށް ކުރިމަތިލާފައިވާ ފަރާތްތަކުގެ ތެރެއިން ސަސްޕެންޑް ކުރެވިފައިވާ ސިވިލް ސަރވިސްގެ މުވައްޒަފުންގެ ސަސްޕެންޝަންގެ މުއްދަތު އިތުރުވެގެންދާކަމާއި، މި ކަމުގެ ސަބަބުން އެ އިންތިޚާބަށް ކުރިމަތިލާފައިވާ ސިވިލް ސަރވިސްގެ މުވައްޒަފުންނަށް ނުހަނު ގިނަ ގެއްލުންތަކާއި ދަތިތަކެއް ކުރިމަތިވަމުންދާކަމާ މެދު އެ ކޮމިޝަނުން އިންތިހާއަށް ކަންބޮޑުވާ ކަމަށެވެ.

މުވައްޒަފުންނަށް ލިބެމުންދާ ގެއްލުން ކުޑަކޮށް އެ ކަމަށް ޙައްލެއް ހޯދުމަށްޓަކައި ރައްޔިތުންގެ މަޖިލީހަށް ހުށަހެޅިފައިވާ ލޯކަލް ކައުންސިލްތަކުގެ އިންތިޚާބުގެ ޚާއްސަ ބިލް 2020 ފާސްކުރެވިގެންދާ އިރު، ދެން އިންތިޚާބު ބޭއްވުމާ ހަމައަށް ފާއިތުވެގެންވާ މުއްދަތަށް މި މުވައްޒަފުންގެ ޙައްޤުތައް ކަށަވަރުވާ ގޮތަށް ޙައްލު ހޯއްދަވައި ދެއްވުމަށާއި، ލޯކަލް ކައުންސިލްތަކުގެ އިންތިޚާބު ނުބޭއްވި ދިގުލައިގެންދާ ނަމަ، އިންތިޚާބަށް ކުރިމަތިލީ ފަރާތްތަކުގެ ތެރެއިން ސަސްޕެންޑް ކުރެވިފައިވާ ސިވިލް ސަރވިސްގެ މުވައްޒަފުންނަށް މުސާރައާއި އިނާޔަތްތައް ނުލިބި ގިނަ ދުވަސްވެގެންދާ ދިއުމަކީ ކޮމިޝަނުން ނުހަނު ކަންބޮޑުވާކަމެއް ކަން ބަޔާންކޮށް، މަޖިލީހަށް އެ ކޮމިޝަނުން ސިޓީ ފޮނުވާފައިވާ ކަމަށާއި، މީގެ އިތުރުން ލޯކަލް ކައުންސިލްގެ އިންތިޚާބު ފަސްކުރުމުގެ ސަބަބުން އިންތިޚާބަށް ކުރިމަތިލީ ފަރާތްތަކުގެ ތެރެއިން ސަސްޕެންޑް ކުރެވިފައިވާ ސިވިލް ސަރވިސްގެ މުވައްޒަފުންގެ ސަސްޕެންޝަންގެ މުއްދަތު އިތުރުވެގެންދާ ދިއުމަށް ހައްލެއް ގެނެވޭނެ ގޮތްތަކެއް ހޯދުމަށްޓަކައި އިލެކްޝަންސް ކޮމިޝަނާ މަޝްވަރާކުރުމަށް ސިވިލްސާވިސް ކޮމިޝަނުން ނިންމާފައިވާކަމަށްވެސް ކޮމިޝަންގެ ބަޔާނުގައި ބުނެފައިވެއެވެ.

މީގެ އިތުރުން، ލޯކަލް ކައުންސިލްތަކުގެ އިންތިޚާބަށް ކުރިމަތިލުމުން، ޤާނޫނު ނަންބަރު 10/2010 (ލޯކަލް ކައުންސިލްތަކުގެ އިންތިޚާބުގެ ޤާނޫނު) ގެ 13 ވަނަ މާއްދާގެ (ނ) ގެ ދަށުން މުސާރައާއި ޢިނާޔަތްތައް ނުލިބޭގޮތަށް ސަސްޕެންޑްވެފައިވާ ސިވިލް ސަރވިސްގެ މުވައްޒަފުންނަށް މި ހިނގާ 1441 ވަނަ އަހަރުގެ ރަމަޟާން މަހުގެ ޢިނާޔަތް ލިބިދިނުމާ ގުޅޭގޮތުން މިނިސްޓްރީ އޮފް ފިނޭންސާއެކު މަޝްވަރާކުރެވެމުންދާކަމަށާއި ސިވިލް ސަރވިސް ކޮމިޝަނުން އަބަދުވެސް މަސައްކަތް ކުރަމުންދަނީ، ދިވެހި ސިވިލް ސަރވިސްގެ ޤާނޫނުން ކޮމިޝަނާ މަތިކޮށްފައިވާ ޒިންމާއާއި ޤާނޫނީ މަސްއޫލިއްޔަތުތައް ދިވެހިރާއްޖޭގެ ޖުމްހޫރިއްޔާގެ ޤާނޫނުއަސާސީއާއި ކޮމިޝަނާ ގުޅުންހުރި ޤާނޫނުތަކުގައި ކަނޑައަޅާފައިވާ ހުދޫދުގެ ތެރެއިން ކަމާއި، ސިވިލް ސަރވިސްގެ މުވައްޒަފުންނަށް ޤާނޫނުން ލިބިދީފައިވާ އެންމެހާ ހައްޤުތައް ކަށަވަރުކުރުމަށްޓަކައި ކޮމިޝަނުން އަބަދުވެސް މަސައްކަތް ކުރަމުން ގެންދާނެ ކަމުގައި ވިދާޅުވެފައިވެއެވެ.

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ