މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41

2028 ގެ ކެމްޕޭނަށް ރައީސް ފައިނަށް ވަޑައިގަންނަވާނީ ފައިނު އެއާޕޯޓުން: ފަލާހް

2028 ވަނަ އަހަރު ރިޔާސީ އިންތިހާބުގެ ކެމްޕޭނަށް ރައީސް ޑރ. މުޙައްމަދު މުޢިއްޒު ފައިނަށް ވަޑައިގަންނަވާނީ ފައިނު އެއާޕޯޓުންކަމަށް އިނގުރައިދޫ ދާއިރާގެ މެންބަރު އިބްރާހީމް ފަލާޙް ވިދާޅުވެއްޖެއެވެ.

ފަލާޙް މިހެން ވިދާޅުވީ، ޕީއެންސީ އިނގުރައިދޫ ދާއިރާގެ ކެމްޕޭން އިފްތިތާހު ކުރުމަށް މިރޭ ކިނޮޅަހުގައި ބޭއްވި ޖަލްސާގައި ވާހަކަ ދައްކަވަމުންނެވެ. 

މި ޖަލްސާގައި ވާހަކަ ދައްކަވަމުން ފަލާޙް ވިދާޅުވީ، އަތޮޅުގެ ރަށްތަކުގައި ކުރަން މުހިންމު މަސައްކަތްތަކެއް އެބަހުރިކަމަށެވެ. އަދި އެ ކަންކަން ކުރިއަށް ގެންދަން ފަސޭހަވާނީ ސަރުކާރު ކެންޑިޑޭޓުން ހޮވައިގެންކަމަށް ފަލާޙް ވިދާޅުވިއެވެ. 

ފައިނުގައި އެޅުމަށް ސަރުކާރުން ނިންމާފައިވާ އެއާޕޯޓާ ގުޅޭގޮތުން ފަލާޙް ވިދާޅުވީ، އެއާޕޯޓާ ގުޅޭގޮތުން ފައިނުން ބައެއް ބޭފުޅުން ގުޅުއްވާ ހައްދަވާކަމަށެވެ. އަދި އެ ބޭފުޅުންނަށް ދަންނަވާން އޮތީ، 2028 ވަނަ އަހަރުގެ ރިޔާސީ އިންތިހާބުގެ ކެމްޕޭނަށް ރައީސް ޑރ. މުޢިއްޒު ފައިނަށް ވަޑައިގަންނަވާނީ ފައިނު އެއާޕޯޓުންކަމަށެވެ. 

އަޅުގަނޑު އިބްރާހީމް ޙުސައިނަށް ދަންނަވާލަން އޮތީ، ރައިސް ޑރ. މުޙައްމަދު މުޢިއްޒު، ފައިނަށް ކެމްޕޭނަށް ވަޑައިގަންނަވާނީ ފައިނަށް ޖައްސާނީ ފްލައިޓްގައޭ. އިރާދަފުޅުކުރެއްވީޔާ!

ފައިނުން އެކަމުގައި ގުޅުއްވާކަން ފާހަގަކުރައްވަމުން ފަލާޙް ވިދާޅުވިއެވެ. 

ފަލާޙް މިހެން ވިދާޅުވެފައިވާއިރު، ކުރިއަށްއޮތް ދުވަސްތަކުގައި ކުރިއަށް ދާނެ އެއާޕޯޓުތަކުގެ ލިސްޓް ވިދާޅުވިއިރު ސިޔާސީ ބަޔާނުގައި ވެސް ރައީސް ވަނީ ފައިނު އެއާޕޯޓުގެ ވާހަކަ ވިދާޅުވެފައެވެ. 

ފައިނު އެއާޕޯޓުގެ މަސައްކަތާ ގުޅިގެން އެކިފަހަރު އެކި މަސައްކަތްތައް ކުރިއަށްގޮސްފައިވާއިރު، އެންމެފަހުން ކުރިއަށް ގޮސްފައިވަނީ ކޮންސެޕްޓް ކައުންސިލާ ހިއްސާ ކުރުމުގެ މަސައްކަތެވެ. މިދިޔަ ނޮވެންބަރު މަހުގެ ތެރޭ އެމްއޭސީއެލްގެ ބޭފުޅުންތަކެއް ވަޑައިގެން ފަހުގެ ކޮންސެޕްޓް ކައުންސިލާ ހިއްސާ ކުރައްވާފައިވާއިރު، އޭގެފަހުން ކައުންސިލުންވަނީ ޓެކްނިކަލް މައުލޫމާތު ރައްޔިތުންނާ ހިއްސާކުރުމަށް އެމްއޭސީއެލްގެ ބޭފުޅުންނާ އެކު ރައްޔިތުންގެ ބައްދަލުވުމެއް ބޭއްވުމަށް ރައްޔިތުންނަށް ބައްދަލުވުމަށް ދައުވަތު ވެސް ފޮނުވާފައެވެ. ނަމަވެސް، އެމްއޭސީއެލްގެ ބޭފުޅުންނަށް ވަޑައިނުގެންނެވުމުން އެ ބައްދަލުވުން މިހާތަނަށް ބާއްވާފައެއް ނުވެއެވެ. 

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ