މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
މިރޭ ބޭއްވި ޖަލްސާގެ ތެރެއިން

އުފެއްދުންތެރިކަމުގެ މައުރަޒުގެ ފަހުރުވެރި ވަނަތަކެއް ފައިނު ޢަބްދުއްސަމަދު މުޙައްމަދަށް

ދިވެހީންގެ އުފެއްދުންތެރިކަމުގެ މައުރަޒުގެ ގިނަ ވަނަތަކެއް ފައިނުގެ ރައްޔިތެއްކަމަށްވާ ޢަބްދުއްސަމަދު މުޙައްމަދު (ސަމަދުބެ) ހޯދައިފިއެވެ.

ގިނަ އަހަރުތަކަކަށްފަހު ފެށި މި މައުރަޒުގައި ސަމަދުބެ ބައިވެރިކޮށްފައިވަނީ އިހުޒަމާނުގައި ދިވެހީން ކަނޑުގައި ދުއްވި ހާއްސަ އުޅަނދެއްކަމަށްވާ ދެ އޮޑިއެއްގެ ނަމޫނާއެކެވެ. ސަމަދުބެ އަމިއްލައަށް ބަނދެފައިވާ އެ އުޅަނދުތަކަށް ފަސް އިނާމެއް ލިބިގެންގޮސްފައިވެއެވެ. 

މާދަމާ އާންމުކޮށް ހުޅުވާލަން ހަމަޖެހިފައިވާ އުފެއްދުންތެރިކަމުގެ މައުރަޒުގެ ވާދަކުރާ ބައިގެ ވަނަތަކަށްދިޔަ ފަރާތްތަކަށް އިނާމު ދިނުމަށް މިރޭ ހާއްސަ ޖަލްސާއެއް ބާއްވާފައިވާއިރު އެ ޖަލްސާގައި އިއުލާނުކޮށްފައިވާ ދަށު ގިންތިތަކުގެ ބައިން ކަނޑުދަތުރުގައި ބޭނުންކުރާ އުޅަނދުގެ ކެޓަގަރީން ސަމަދުބެގެ އުފެއްދުންވަނީ 3 ވަނަ ހޯދާފައެވެ. 
ސަމަދުބެ ތައްޔާރުކުރި ބައްތެލީގެ މަސައްކަތުގައި-
އޭގެ އިތުރުން، ކަނޑުދަތުރުގައި ބޭނުންކުރާ އުޅަނދުގެ މޮޑެލްތަކުގެ ކެޓަގަރީން ، ދަށު ގިންތިތަކުން 1 ވަނަ ލިބިފައިވެއެވެ. އަދި މައިގިންތިތަކުން، ދަތުރުފަތުރުގެ ދާއިރާއިން 3 ވަނަ ސަމަދުބެ ބަނދެފައިވާ އޮޑިއަށް ލިބިފައިވެއެވެ. 

އަދި މުޅި އެކްސްޕޯގެ މައި ގިންތިތަކުން ދަތުރުފަތުރުގެ ކެޓަގަރީން 1 ވަނަ އާއި އަމިއްލަ ފަރުދުންގެ ބައިން ދަތުރުފަތުރުގެެ ކެޓަގަރީން 3 ވަނަ ވެސް ސަމަދުބެ ހޯދާފައިވެއެވެ. 

ސަމަދުބެ ބަނދެފައިވަނީ ރަތްލަކުޑި ބޭނުންކޮށްގެން ބަނދެފައިވާ އިހު ޒަމާނުގެ އޮޑިއަކާއި ހައިވަކަރު ބޭނުންކޮށްގެން ބަނދެފައިވާ އޮޑިއެކެވެ. މި އޮޑިތަކުގައި ބޭނުންކޮށްފައިވަނީ ވެސް އިހުޒަމާނުގައި އެތަކެތި ބަނުމަށް ބޭނުންކޮށްފައިވާ ތަކެއްޗެވެ، އޭގެ އިތުރުން އޮޑިތަކުގައި ހިފާގެންގުޅޭ ސާމާނު ވެސް އިހުޒަމާނުގައި ހުންނަގޮތަށް ތައްޔާރުކޮށް ހުށަހަޅާފައިވެއެވެ.
ސަމަދުބެއަށް ލިބުނު އިނާމުތަކާ އެކު - ފޮޓޯ: ފޭސްބޫކް
ޢަބްދުއްސަމަދު މުޙައްމަދަކީ، ޝަރުޢީ ދާއިރާގައި ގިނަ ދުވަސްތަކެއްވަންދެން މަސައްކަތްކުރައްވާފައިވާ ބޭފުޅެކެވެ. އެގޮތުން އެންމެ ދިގުމުއްދަތެއްގައި މަސައްކަތް ކުރައްވާފައިވަނީ ފައިނު މެޖިސްޓްރޭޓް ކޯޓުގައި ގާޒީއެއްގެ ގޮތުގައެވެ. ޢަބްދުއްޞަމަދު މުޙައްމަދު ފާހަގަ ކުރެވިފައިވަނީ އަތްތެރި މަސައްކަތްތަކަށް ކުޅަދާނަ، އަދި އިހުޒަމާނުގެ ސަގާފީ އެކި އުފެއްދުންތައް އުފެއްދުމުގައި ހުނަރުވެރި ބޭފުޅެއްގެ ގޮތުގައެވެ.

ގުޅޭ ލިޔުންތައް

މިލިޔުން ކިޔާލުމުން

100%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ