މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41

އުނގުލަށް އެންމެންނަށް އެެރޭ ގޮތަށް ބަދަލުކުރަން އަންގައިފި

ރ. އުނގުލަށް އަރައި ފޭބޭނީ ހަމައެކަނި އުނގޫފާރުގެ ރަށްވެހިންނާއި އެރަށު މީހުންނާ ކައިވެނިކޮށްގެން އުޅޭ މީހުންނާއި އެމީހުންގެ ދަރިންނަށް ކަމަށް ކަނޑައަޅައި އުނގޫފާރު ކައުންސިލުން ނިންމި ނިންމުން ބަދަލުކުރަން އަންގައިފިއެވެ.

ރައީސުލްޖުމްހޫރިއްޔާގެ ގަރާރަކުން އުނގޫފާރު ކައުންސިލުގެ ބެލުމުގެ ދަށަށް އުނގުލު ބަދަލުކުރުމާ ގުޅިގެން، އެ ރަށަށް އަރައި ފޭބުމުގައި ވަކި އުސޫލުތަކެއް ކަނޑައަޅަންދެން ހަމައެކަނި އުނގޫފާރު މީހުންނަށް އެ ރަށަށް އެރޭ ގޮތަށް އެ ކައުންސިލުން އިއްޔެ އިއުލާނު ކުރިއެވެ. 

ނަމަވެސް މި ނިންމުމާ ގުޅިގެން އާންމުންގެ ފާޑުކިޔުންތައް އަމާޒުވެފައި ވަނިކޮށް، ލޯކަލް ގަވަނެންސް މިނިސްޓަރު އާދަމް ޝަރީފް އުމަރު މިހާރު ނޫހަށް ވިދާޅުވީ އެހެން ރަށްރަށުގެ މީހުންނަށް އެ ރަށަށް ނޭރޭ ގޮތަށް ހަމަޖެއްސުމަކީ ކުރެވޭނެ ކަމެއް ނޫން ކަމަށެވެ.

މިނިސްޓަރު ވިދާޅުވި ގޮތުގައި ރަށް ބެލެހެއްޓުމަށްޓަކައި ކައުންސިލުން އުސޫލުތަކެއް އެކުލަވައިލަން ޖެހުނު ނަމަވެސް، އެއީ އެންމެނަށް ވެސް ބޭނުންކުރެވޭނެ ފަދަ އުސޫލަކަށް ވާންޖެހޭނެއެވެ. މިކަމާ ގުޅިގެން އުނގޫފާރު ކައުންސިލުގެ ރައީސާ ވާހަކަދައްކަވައި، އެ ނިންމުން އިސްލާހު ކުރުމަށް މިހާރު އަންގަވާފައިވާ ކަމަށް ވެސް އޭނާ ވިދާޅުވިއެވެ. މިނިސްޓަރު ލަފާކުރައްވާ ގޮތުގައި ކައުންސިލުން މިފަދަ ފިޔަވަޅެއް އެޅީ، އެއީ ފަޅު ރަށަކަށް ވެފައި ކޮންމެ މީހަކު ބޭނުންހާ ގޮތަކަށް އަރައި ފައިބާނަމަ ރަށް ބެލެހެއްޓުމަށް ދަތިތަކެއް ކުރިމަތިވެދާނެތީއެވެ.

އުނގުލުގެ އަސްލު ވަޒަންވެރިން މިހާރު ދިރިއުޅެނީ ހުޅުދުއްފާރުގައި ކަމަށްވާއިރު، އެ ރަށުގެ މީހުންނަށް ވެސް ނޭރޭ ގޮތަށް އުނގޫފާރު ކައުންސިލުން ނިންމުމުން ސޯޝަލް މީޑިއާގައި ގިނަ ބަޔަކު ވަނީ ކަންބޮޑުވުން ފާޅުކޮށްފައެވެ. ކައުންސިލުން ކުރިން އިއުލާނުކޮށްފައިވާ ގޮތުން، އެ ރަށަށް ދާން ބޭނުންވާ ފަރާތްތަކުން ކޮންމެ ބުރާސްފަތި ދުވަހެއްގެ މެންދުރު 12:00 ގެ ކުރިން ގޫގުލް ފޯމެއް މެދުވެރިކޮށް ހުއްދައަށް އެދެން ޖެހެއެވެ.

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
100%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ