މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: އިންނަމާދޫ ކައުންސިލް

އިންނަމާދޫ ކައުންސިލްގެ ނާއިބު ރައީސްގެ އިތުބާރު ނެތްކަމަށް ފާސްކޮށްފި

ރ. އިންނަމާދޫ ކައުންސިލްގެ ނާއިބު ރައީސްގެ މަގާމުގައި ހުންނެވި އިބްރާހީމް ނުހާނުގެ މައްޗަށް އިތުބާރު ނެތްކަމަށް އެ ކައުންސިލުން ފާސްކޮށްފިއެވެ.

އެ ކައުންސިލްގެ ނާއިބު ރައީސްގެ ފަރާތުން ރަނގަޅުކުރަން ޖެހޭ ކަންތައްތަކެއް ފާހަގަ ކުރެވޭތީ އެކަންކަން ރަނގަޅުކުރަން އަންގާ ރަނގަޅު ކުރަން ފުރުސަތު ދިނުމާ ގުޅޭގޮތުން މިދިޔަ މަހުގެ 16 ވަނަ ދުވަހުވަނީ ކައުންސިލްގެ ޖަލްސާއެއްގައި މަޝްވަރާކޮށްފައެވެ. 

އަދި އެ ޖަލްސާއިން ވަނީ، ނާއިބު ރައީސް ނުހާނު އިސްލާހުކުރަންޖެހޭ ކަންކަން އިސްލާހު ކުރުމަށް 30 ދުވަހުގެ މުއްދަތެއް ދޭން ފާސްކޮށްފައެވެ. އަދި 30 ދުވަސް ހަމަވުމުން، މިމަހުގެ 17 ވަނަ ދުވަހު ބޭއްވި އެ ކައުންސިލްގެ 4 ވަނަ ދައުރުގެ 17 ވަނަ ޖަލްސާގައިވަނީ ނުހާނު އިސްލާހުކުރަން ޖެހޭކަމަށް ކައުންސިލުން ފާހަގަ ކުރި ކަންކަން އިސްލާހު ކޮށްފައިނުވާތީ، އޭނާގެ އިތުބާރު ނެތްކަމަށް ފާސްކޮށްފައެވެ. 

ނާއިބު ރައީސްގެ އިތުބާރު ނެތްކަމަށް ފާސްކުރެއްވި ނަމަވެސް، އޭނާ އިސްލާހުކުރަން އެންގީ ކޮންކަމެއްކަމެއް ކައުންސިލުން ހާމަކޮށްފައެއް ނުވެއެވެ. 

އިތުބާރު ނެތްކަމުގެ ވޯޓާއި ހަމައަށް ދާންޖެހުނު ސަބަބެއް ސާފުކޮށްލުމަށް، އެ ކައުންސިލްގެ ސެކްރެޓަރީ ޖެނެރަލް އާއިޝަތު ފަރަހަނާޒްއާއި ގުޅާލުމުން "ފައިނު އޮންލައިން" އަށް ވިދާޅުވީ، ކައުންސިލްގެ ނިންމުން މިހާރުވަނީ ލޯކަލްގަވަރމަންޓް އޮތޯރިޓީ (އެލްޖީއޭ) އަށް ފޮނުވާފައިކަމަށާއި، އެކަމާއި ގުޅޭ އިތުރު ތަފުސީލު ދެވެން އަންނަނީ އެލްޖީއޭއިން އެކަމުގައި ނިންމާގޮތަކަށް ބައްލަވާފައި ކަމަށެވެ. 

މިކަމާއި ގުޅިގެން ނާއިބު ރައީސްގެ މަގާމުގައި ހުންނެވި ނުހާނުއާއިވެސް ގުޅާލުމުން އޭނާވެސް ވިދާޅުވީ، އެއީ ކޮންސަބަބަކާއިހުރެ ނެގި ވޯޓެއްކަންވެސް ވިދާޅުވެވެން އޮތީ އެލްޖީއޭއިން އެކަމަށް ގޮތެއް ނިންމެވުމުން ކަމަށެވެ. 

ނަމަވެސް، އިތުބާރުހުރި މަސްދަރަކުން މައުލޫމާތު ލިބިފައިވާގޮތުގައި، އޭނާގެ އިތުބާރު ނެތްކަމުގެ ވޯޓާއި ހަމައަށް ގޮސްފައިވަނީ، ކައުންސިލްގެ ބަހެއްނެތި ބައެއް ކަންކަން އަމިއްލައަށް ނިންމެވުމާއި ބައެއް އެހެނިހެން ސުލޫކީ މައްސަލަތަކާއި ހުރެއެވެ. 

ލޯކަލް ކައުންސިލްތަކުގެ އިޖުރާއީ ގަވާއިދުގައި ބުނަނީ، ކައުންސިލްގެ ނާއިބު ރައީސްގެ އިތުބާރު ނެތްކަމަށް ފާސްކުރުމުގެކުރިން އެނާގެ ކިބައިން އިސްލާހުކުރަންޖެހޭ ކަންތައްތައް އިސްލާހު ކުރުމަށް 30 ދުވަހުގެ މުއްދަތެއް ދޭން ޖެހޭނެކަމަށެވެ. އަދި އިތުބާރު ނެތްކަމަށް ފާސްކޮށްފިނަމަ ރަސްމީ 3 ދުވަހުގެ ތެރޭގައި އެކަމާއި ގުޅޭ ލިޔެކިޔުންތައް އެލްޖީއޭއަށް ފޮނުވަންޖެހެއެވެ. އެކަން ކޮށްފައިވަނީ ހުރިހާ މަރުހަލާތަކެއް ކަޑައްތުކޮށްފައިކަން ޔަގީން ކުރުމަށްފަހު އެލްޖީއޭއިން އެއަށް ރަސްމީ 14 ދުވަސްތެރޭ ޖަވާބެއް ދޭންޖެހެއެވެ. އަދި އެލްޖީއޭއިން އެ ވޯޓު ކަށަވަރުކުރުމުގެ މަރުހަލާގައި ވެސް ނާއިބު ރައީސުން އޭނާގެ ޒިންމާތަކުން އެކަހެރިވާންޖެހެއެވެ. 

މިފަދަ ވޯޓެއް ނެގިނަމަވެސް، ކައުންސިލަރުގެ ގޮނޑި ނުގެއްލޭނެކަމަށާއި ގެއްލޭނީ ނާއިބު ރައީސްކަމުގެ މަގާމުކަމަށް އެ ގަވާއިދުގައި ބުނެފައިވެއެވެ. 

އިންނަމާދޫ ކައުންސިލްގައި ހިމެނެނީ، އެމްޑީޕީގެ 2 މެންބަރުންނާއި އަމިއްލަގޮތުން ވާދަކުރައްވައިގެން ހޮވިވަޑައިގެން ތިއްބެވި 3 މެންބަރުންނެވެ. އެގޮތުން ނުހާނުއަކީ އަމިއްލަ މެންބަރެއްކަން ފާހަގަކޮށްލެވެއެވެ. 

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
100%
ދެރަވި
0%
ހިނިއައި
0%
ރުޅިއައި

3 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

އަހުމަދު 1 year ago

ފައިނު އޮންލައިންގައި މިފަދަ ކަންކަން ގެނެސްދޭއިރު ބޮޑެތި ނޫސްތަކުގައި ހުންނަފެންވަރުގައި ގެނެސްދީފައިހުންނަކަންފާހަގަކުރަން

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

އިސްމާއީލް މަޖްދީ 1 year ago

ކޮން ޕާޓީ އެއްގެ ބޭފުޅެއް؟

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ހުސޭނު 1 year ago

ވީގޮތް ސާފުކޮށްދޭން މަސައްކަތްކޮށްފާ ހުރިކަން ފާހަގަކުރަން. ސަޅި

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ