މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: ފޭސްބޫކް

އެމްޓީސީސީ ނޯތު ލީގު: އުނގޫފާރާއި ދުވާފަރު ބައްދަލުކުރި މެޗްވެސް އެއްވަރު

އެފްއޭއެމްއިން ކުރިއަށް ގެންދާ، އެމްޓީސީސީ ނޯތު ލީގުގެ ދެ ވަނަ ޑިވިޝަނުގެ ގްރޫޕް ޑީގައި މިއަދު ރ. އުނގޫފާރާއި ރ. ދުވާފަރު ފުޓްބޯޅަ ޓީމު ބައްދަލުކުރި މެޗު 2-2 އިން އެއްވަރު ވެއްޖެއެވެ.

އަލިފުށީ ޓާފް ދަނޑުގައި މިއަދު ހަވީރު ކުޅުނު މެޗުގައި ލީޑުނެގީ މުހައްމަދު ޝިޔާޒް (މޯހަން)ގެ ކޯޗުކަމުގައި ކުޅެމުން އަންނަ އުނގޫފާރު ޓީމުންނެވެ. އެ ޓީމުން މެޗުގެ 26 ވަނަ މިނިޓްގައި މެޗްގެ ފުރަތަމަ ގޯލް ޖެހިއެވެ. އެ ގޯލް ޖަހައިދިނީ، އުޒްބެކިސްތާންގެ މިޑްފީލްޑަރު އުމަރުޔޯނޯފް އަހްރޯރްއެވެ. 

ނަމަވެސް، މެޗުގެ 34 ވަނަ މިނިޓްގައި ދުވާފަރުން ނަތީޖާ ހަަމަހަމަ މި ގޯލް ޖަހާފައިވަނީ އެ ޓީމުގެ މުޙައްމަދު ޢަލީއެވެ.  އީގަލްސްގެ ހެޑް ކޯޗުގެ ޒިންމާ މި ސީޒަނުގައި އަދާކުރި އަޙްމަދު ނިމާދު (ނިމާ)ގެ ކޯޗުކަމުގައި ކުޅޭ ދުވާފަރުން ވަނީ މެޗުގެ 57 ވަނަ މިނިޓްގައި ލީޑުނަގައިފައެވެ. މި ގޯލް ޖަހައިދިނީ އެ ޓީމުގެ މުޙައްމަދު ޖުމާނެވެ.

އޭގެފަހުން، މެޗުގެ 69 ވަނަ މިނިޓްގައި އުނގޫފާރުން ވަނީ ގޯލެއް ޖަހައި ނަތީޖާ ހަަަަމަހަމަކޮށްފައެވެ. މި ގޯލް އުނގޫފާރަށް ޖަހައިދިނީ  އާތިފް އިގްބާލެވެ. 

ތިން ޓީމުގެ މެދުގައި ރ. އަލިފުށީގައި ކުރިއަށްދާ ނޯތު ލީގު ދެ ވަނަ ޑިވިޝަނުގެ ގްރޫޕް ޑީގެ ފުރަތަމަ މެޗުން އަލިފުށްޓާއި ދުވާފަރުގެ މެޗު ވެސް ވަނީ 2-2 އިން އެއްވަރުވެފައެވެ. 

އަލިފުށްޓާއި ދުވާފަރު އަދި އުނގޫފާރު، ކޮންމެ ޓީމެއް ކޮންމެ ޓީމެއް ދެ ފަހަރު ކުޅެގެން އެންމެ ގިނަ ޕޮއިންޓް ހޯދާ ދެ ޓީމަކަށް ނޯތު ލީގު ފުރަތަމަ ޑިވިޝަނުގެ ބާކީ ދެ ޖާގަ ލިބޭނެއެވެ.

ނޯތު ލީގުގެ ދެ ވަނަ ޑިވިޝަނުގެ ގްރޫޕް ޑީގައި ދެން ކުޅޭ މެޗުގައި ބައްދަލުކުރާނީ އަލިފުށްޓާއި އުނގޫފާރެވެ. އެ މެޗު އޮންނާނީ އަންނަ އާދިއްތަ ދުވަހު ހަވީރެވެ.

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ