މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: ޔޫތު ސްޓަރ

އުނގޫފާރު ކްލަބް ޔޫތު ސްޓަރއިން ތަރައްގީކުރި ދެވަނަ ބެލެނިވެރިންގެ ހިޔާ ހުޅުވައިފި

އުނގޫފާރު އަމިއްލަ ޖަމްޢިއްޔާއެއްކަމަށްވާ ކްލަބް ޔޫތް ސްޓަރގެ ފަރާތުން ތަރައްޤީކުރި ދެވަނަ “ބެލެނިވެރިންގެ ހިޔާ” ރޭ ހުޅުވައިފިއެވެ.

މި ބެލެނިވެރިންގެ ހިޔާއަކީ އުނގޫފާރު ސްކޫލަށްދާ ދަރިވަރުންނާއި، އެދަރިވަރުންގެ ބެލެނި ވެރިން މަޑުކޮށްލުމަށް ހަދާފައިވާ ވަރަށްވެސް ޒަމާނީ، ހިތް ގައިމު އަދި އަގުހުރި ބިނާއެކެވެ. ކްލަބް ޔޫތް ސްޓަރގެ ރައީސް މުޙައްމަދު ޙުސައިން މަނިކު (މަނިކު) ވިދާޅުވިގޮތުގައި މިފަދަ ތަނެއް ހެދުމުގެ ޚިޔާލުއައީ ރަށުގެ މަގުތައް ރަނގަޅު ފެންވަރަކަށް ހެދި ޓްރެފިކް އިތުރުވުމާއި، ބެލެނިވެރިންނާއި، ދަރިވަރުން އަވީގައި ތިބޭ މަންޒަރަކީ ބަލަން އެހާ ފަސޭހަ މަންޒަރަކަށް ނުވުމުންނެވެ.

އެ ޖަމިއްޔާގެ މާލިއްޔަތުން 315،000 އަށްވުރެ ގިނަ ރުފިޔާ ޚަރަދުކޮށްގެން ހަދާފައިވާ މި ހިޔާއަކީ ސްކޫލަށް ދާ ދަރިވަރުންނާއި، ބެލެނިވެރިންގެ އިތުރުން އެރަށު ހިނަވާގެއަށް މައްޔިތާގެ މޫނު ދެކިލުމަށާއި، ގުޅުންހުރި ކަންކަމު ޒިޔާރަތްކުރާ ފަރާތްތަކަށް ޚާއްޞަކޮށްގެން ތަރައްޤީކޮށްފައިވާ ހިޔާއެއްކަމަށް މަނިކު ވިދާޅުވިއެވެ.

އެ ޖަމިއްޔާގެ މަސައްކަތުން މިދިއަ އަހަރުގެ ޖުލައި މަހުވެސް ވަނީ އުނގޫފާރުގައި މިފަދަ ހިޔާއެއް ތަރައްޤީކޮށްފައެވެ. އެ ހިޔަލުގައި އިށި އިނދެލައިގެން ތިބެވޭނެ އިންތިޒާމް މި ހިޔާގައި ހަމަޖެހިފައިވާއިރު، ފާހަގަކުރެވޭފަދަ ކާމިޔާބީ ހޯދާ ދަރިވަރުންގެ ފޮޓޯއާއި ނަން އެތަނުގައި ފެންނަން ހުންނާނޭ އިންތިޒާމް ވަނީ ހަމަޖައްސާފައެވެ. އެއީ ދަރިވަރުންގެ ހިތުގައި އެފަދަ ކާމިޔާބީތަކަށް ޝައުގު އުފެއްދުމަށް ކުރިކަމެއްކަމަށް މަނިކު ވިދާޅުވިއެވެ. ހަމަ އެއާއެކު 1991 ވަނަ އަހަރުން ފެށީގެން 2021 އަށް އުނގޫފާރު ސްކޫލްގެ ޕްރިންސިޕަލް ކަން ކުރެއްވި ފަރާތްތަކުގެ ފޮޓޯއާއި، އެރަށުގައި ހުރި މުވައްސަސާތަކުގެ ފޮޓޯތައް އަދި އެ ތަންތަން އުފެދިގެން އައި ތާރީޚްތަށް ފެންނަން އެ ބިނާގައި ހުރެއެވެ.

މިފަހަރުގެ ހިޔަލުގައި ޓީވީ ބަހައްޓައި، ޑިޖިޓަލްކޮށް ޑިސްޕްލޭ ކުރެވޭނެ އިންތިޒާމް ވަނީ ހަމަޖައްސާފައެވެ.

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

2 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ދުވާފަރު އަލީ 1 year ago

މާޝާﷲ ވަރަށްވެސް ފުރިހަމަ ރީތި އަގުހުރި މަސައްކަތެއް.. ކުލަބް ޔޫތުސްޓާރގެ ހިންގުންތެރި ވެރިންނަށާއި ދިޔަކަމުގައި އަމަލީގޮތުން ބައިވެރިވި އެންމެންނަށް ހެޔޮރަހުމަތްލައްވާ ބަރަކާތްލައްވާށިއެވެ. އާމީން

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ކޮޕީ 1 year ago

މިއީ ފުރަތަމަ އިން ކޮޕީކޮށްފައި އޮތް ހަބަރެއް

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ