އެމްޓީސީސީ ފެރީއެއް - ފޮޓޯ އިންޓަނެޓް

ފައިނު ޒުވާނެއްގެ ހަދިޔާ - ރ. އަތޮޅު ފެރީ ދަތުރުކުރާގޮތް ވަގުތުން ބެލޭ ވައިބަރ ބޮޓެއް

އިބްރާހިމް ފަހީމް 12 ސެޕްޓެމްބަރު 2020, ހޮނިހިރު, 21:00

ރ. އަތޮޅުގައި ހިންގާ އަތޮޅު ފެރީގެ ދެކުނު ފެރީ ދަތުރުކުރާ ގޮތް ވަގުތުން އަންގައިދޭ ވައިބަރ ބޮޓެއް ތަޢާރަފް ކޮށްފިއެވެ.

ރ. ފައިނު ޒުވާނެއް ކަމަށްވާ މުޙައްމަދު ޝިފާން ތައްޔާރުކޮށްފައިވާ މި ބޮޓުން، ފެރީ ދަތުރު ފެށުމުން އަންގައިދޭނެއެވެ. އަދި ދަތުރު ކުރާ ރަށް ބުނެދެއެވެ. އަދި އެންމެ ކައިރިން ދެން ބަނދަރުކުރާ ރަށުގެ މަޢުލޫމާތާއި އެރަށަށް ލަފަން ކައިރިވުމުން ފެރީ އެރަށަކަށް ގާތްކުރަން ހޭދަވާނެ ވަގުތުވެސް އޮޓޮމެޓިކުން އަންގައިދޭނެއެވެ. އަދި އެރަށަކުން ފެރީ ފުރުމުންވެސް އަންގައިދެއެވެ. މީގެ އިތުރުން، ބޭނުންވާ ރަށަކަށް ކައިރި ކުރާއިރު އެކަނި ނޮޓިފިކޭޝަން ލިބޭގޮތަށްވެސް ހެދެއެވެ. އަދި ހުރިހާ ރަށަކަށް ގާތްކުރާއިރު ނޮޓިފިކޭޝަން ލިބޭގޮތަށްވެސް ބަދަލު ކުރެވެއެވެ. ބޮޓްގައި ބޭނުންކޮށްފައިވަނީ ފޮލޯމީ ޓްރެކިންގ ސަރވިސްގެ ޕަބްލިކް ޑާޓާއެވެ.

ބޮޓްގެ ބައެއް ފޮޓޯތައް

ބޮޓް ޑިވެލޮޕްކުރި ފަރާތުން ބުނިގޮތުގައި، މިއީ ފެރީގެ އޮންނަތަން ހޯދުމުގައި ދިމާވާ ދަތިތަކާއި، ރަށްރަށަށް ކައިރި ކުރާނެ ގަޑިތައް ހޯދަން ދަތިވާ މައްސަލައަށް ހައްލެއް ހޯދައިދިނުމުގެ ގޮތުން އިޖުތިމާޢީ ޚިދުމަތެއްގެ ގޮތުން ތައްޔާރުކުރި ބޮޓެކެވެ. އަދި މިވަގުތު ރ. އަތޮޅު ފެރީގެ ދެކުނު ފެރީ އެކަނި މި ބޮޓްގައި ހިމެނުނު ނަމަވެސް ކުރިމަގުގައި ތަފާތު ފީޗަރސްތަކާއިއެކު މި ބޮޓް އިތުރަށް ތަރައްގީ ކުރަމުން ގެންދާނެކަމަށް އެފަރާތުން މަޢުލޫމާތު ދެއެވެ. އެގޮތުން، ފެރީގެ ދަތުރު ފަށާއިރު ދުވަހުގެ މޫސުންވެސް އޮޓޮމެޓިކުން ބޮޓުން އަންގައިދޭގޮތަށް މި ފެށޭ ހަފްތާގެ ތެރޭގައި ބޮޓް ތަރައްޤީ ކުރެވިގެން ދާނެކަމަށްވެސް މަޢުލޫމާތު ދެއެވެ.

ރ. އަތޮޅަކީ، އަތޮޅު ފެރީގެ ޚިދުމަތަށް ރައްޔިތުން ވަރަށް ބޮޑަށް ބަރޯސާވެފައިވާ އަތޮޅެކެވެ. މިޚިދުމަތް މިހާރު ރ. އަތޮޅުގައި ދެމުންދަނީ އެމް.ޓީ.ސީ.ސީ އިންނެވެ.

[ބޮޓްގައި ސަބްސްކުރައިބްކުރެއްވުމަށް މި ލިންކަށް ފިތާލައްވާ]

އިތުރު ލިޔުންތައް

މިލިޔުން ކިޔާލުމުން

69%

އުފާވި

ދެރަވި

15%

ހިނިއައި

ރުޅިއައި

8 ކޮމެންޓް ކެންސަލް

އަނާ 2 weeks ago

ނަންބަރު ދީބަލަ