މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: ޕީއެސްއެމް

ގާނޫނުގައި ބުނާ މުއްދަތުގައި ރ. އަތޮޅުގެ ހުރިހާ ރަށަކުން ވެސް ވަނީ ބަޖެޓް ފާސްކޮށްފައި

ގާނޫނު ނަންބަރު 07/2010 ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުގެ 93 ވަނަ މާއްދާގައިވާ ގޮތުގެމަތީން، ރ. އަތޮޅުގެ ހުރިހާ ކައުންސިލަކުން ވެސް އެ ކައުންސިލެއްގެ 2022 ވަނަ އަހަރުގެ ބަޖެޓް މުއްދަތުގައި ފާސްކޮށްފައިވާ ކަމަށް ރ. އަތޮޅު ކައުންސިލުން ބުނެފިއެވެ.

މުއްދަތުގައި ބަޖެޓު ފާސްކުރި ކައުންސިލްތަކުގެ ލިސްޓް ހާމަ ކުރުމަށް އިއްޔެ ރ. އަތޮޅު ކައުންސިލުން ނެރުނު ބަޔާނެއްގައި ފުރަތަމަ ބުނެފައިވަނީ، އަތޮޅުގައި ހިމެނޭ މީހުން ދިރިއުޅޭ 15 ރަށުގެ ތެރެއިން 14 ރަށަކުން 15 ޖެނުއަރީ 2022 ގެ ކުރިން ބަޖެޓު ފާސްކޮށްފައިވާ ކަމަަށެވެ. 

އެ ލިސްޓްގައި ރ. މާކުރަތު ހިމެނިފައެއް ނުވެއެވެ. ނަމަވެސް އަތޮޅު ކައުންސިލުން ފޭސްބޫކްގައި ކުރި ޕޯސްޓެއްގައި ފަހުން ބުނެފައިވަނީ، މުއްދަތުގައި ބަޖެޓް ފާސްކުރި ރަށު ކައުންސިލުތަކުގެ ލިސްޓުން މާކުރަތު ކައުންސިލުގެ ނަން އުނިކޮށްފައި ވަނީ މާކުރަތު ކައުންސިލްގެ ބަޖެޓް ފާސްކުރުމުގައި އިދާރީ ގޮތުން އަރާފައިވާ އޮޅުމެއް އިސްލާހު ކުރަން އަންގާފައިވާތީ ކަމަށެވެ. 

ނަމަވެސް، މާކުރަތު ކައުންސިލުން ވެސް މުއްދަތުގައި ބަޖެޓް ފާސްކޮށްފައިވާކަން އަތޮޅު ކައުންސިލުން ފަހުން ފާހަގަ ކޮށްފައިވެއެވެ.

މިކަމާއި ގުޅޭގޮތުން މާކުރަތު ކައުންސިލްގެ ރައީސް މުޙައްމަދު ރަމީޒު "ފައިނު އޮންލައިން" އަށް ވިދާޅުވީ، ކައުންސިލުން އަދާކުރަން ޖެހޭ އެންމެހާ ޒިންމާތައް އެންމެ ފުރިހަމައަށް އަދާކުރުމަށް ގިނަ މަސައްކަތްތަކެއް މިހާރުވެސް ކުރަމުން ގެންދާ ކަމަށެވެ. 

އެގޮތުން، މިމަހުގެ 13 ވަނަ ދުވަހު އެ ކައުންސިލްގެ ބަޖެޓް ފާސްކޮށްފައިވާނޭ ކަމަށާއި ނަމަވެސް އިދާރީ އޮޅުމެއްގެ ސަބަބުން އެއާއި ގުޅޭ ކަމެއް އިސްލާހު ކުރަން ޖެހިފައި އޮތީ ކަމަށެވެ. 

ރަމީޒު އިތުރަށް ވިދާޅުވީ، އެފަދަ އޮޅުމެއް އެރިނަމަވެސް މުއްދަތުގައި ބަޖެޓު ފާސްކުރި ކައުންސިލްތަކުގެ ލިސްޓްގައި މާކުރަތު ނުހިމަނާ ލިސްޓް އާންމު ކޮށްފައިވާތީ ކަންބޮޑުވާ ކަމަށެވެ. 

އަދި ފާއިތުވި 2021 ވަނަ އަހަރު ކައުންސިލުން ހިންގި ހަރަކާތްތަކުގެ ތަފުސީލު ރިޕޯރޓް އެންމެ ފުރަތަމަ އަތޮޅު ކައުންސިލަށް ހުށަހެޅީވެސް މާކުރަތު ކައުންސިލުން ކަމަށް އޭނާ ވިދާޅުވިއެވެ. 

ކައުންސިލްތަކުގެ ބަޖެޓަކީ، ކައުންސިލްތަކަށް ދައުލަތުން ދޭ ބްލޮކް ގްރާންޓާއި އެނޫންވެސް ގޮތްގޮތުން ލިބޭނެ ކަމަށް ލަފާކުރާ އާމްދަނީ ހިމަނައިގެން، އެ ފައިސާ ހަރަދު ކުރާނެ ގޮތް ބަޔާންކޮށް ތައްޔާރު ކުރާ ބަޖެޓެކެވެ. 

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ