މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
މިނިސްޓަރ އަޙްމަދު މަޙްލޫފް

މާކުރަތު ފުޓްބޯޅަ ދަނޑުގެ މައްސަލާގައި މަހްލޫފާއި ސުވާލުކޮށްފި

ރ. މާކުރަތުގެ ފުޓްބޯޅަ ދަނޑުގެ މަސައްކަތް ލަސްވާތީ ޔޫތު މިނިސްޓަރު އަޙްމަދު މަޚްލޫފާއި މަޖިލީހުގައި ސުވާލު ކޮށްފިއެވެ.

މާކުރަތު ހިމެނޭ އުނގޫފާރު ދާއިރާގެ މެންބަރު މުޙައްމަދު ވަޙީދު އިއްޔެ މިނިސްޓަރާއި ކުރެއްވި ސުވާލުގައިވަނީ، 2019 ވަނަ އަހަރުގެ ބަޖެޓުގައި ހިމެނި 2020 ވަނަ އަހަރުގެ ސެޕްޓެމްބަރ މަހު ކޮންޓްރެކްޓަރަކާއި ހަވާލު ކުރެވިފައިވާ އެ ދަނޑުގެ މަސައްކަތް ނިމޭނެ ތާރީހެއް ހޯދުމަށާއި އެ މަސައްކަތް ނުނިމި ދިގުލައިގެންދާ ސަބަބެއް މިނިސްޓަރު އަރިހުން ސާފުކުރުމަށެވެ. 

މަޖިލީހަށް ހާޒިރުވެ އެ ސުވާލަށް ޖަވާބު ދެއްވަމުން މިނިސްޓަރު މަޚްލޫފު ވިދާޅުވީ، ދަނޑުގެ ކަންތަކުގައި އެއްކަމަކަށް މާކުރަތު ޒުވާނުންނާއި އަދި ހާއްސަކޮށް ބޯޅަކުޅޭ ކުދިންގެ ކިބައިން މައާފަށް އެދިވަޑައިގަންނަވާ ކަމަށެވެ. އަދި މިއީ ވަރަށް ލަސްވެގެން ގޮސްފައި އޮތް ދަނޑެއްކަމަށާއި ކޮވިޑާ ގުޅިގެން ލަސްވެގެންދިޔަ ގޮތަށް އަދިވެސް ނިންމާނުލެވިގެން އުޅޭ އެއް ދަނޑުކަމަށް މިނިސްޓަރު ވިދާޅުވިއެވެ. 
މި މަސައްކަތުގައި އަޅުގަނޑުމެން ސަބްބޭސް ރެކްޓިފައިކުރުމުގެ މަސައްކަތް މިހާރު އެ ދަނީ ކުރިއަށް. ދެން އެންމެ ފަހުން އަޅުގަނޑުމެންނަށް ކޮންޓްރެކްޓަރ މައުލޫމާތު ދީފައިވާ ގޮތުގައި، މި މަހުގެ 25 އަށް ނިމޭނެ ކަމަށް. އެކަހަލަ ވަރަށް ގިނަ ތާރީހު އާންމުކޮށް ހަމަ މިހެން ހަވާލުކުރެވިފައިވާ ޕްރޮޖެކްޓުތަކުގައި އަޅުގަނޑުމެންނަށް ލިބޭ


މިނިސްޓަރ މަޚްލޫފް ވިދާޅުވިއެވެ. 

މިނިސްޓަރު އިތުރަށް ވިދާޅުވީ، ސަބްބޭސް ރެޓިފައި ކުރުމުގެ މަސައްކަތް މި އަހަރުގެ މާރިޗު މަހުގައި ފެށިފައިވާކަމަށާއި އެހެންކަމުން އުންމީދުކުރަނީ، ދެން މިހާރު އެދާގޮތަށް ގޮސް މި މަސައްކަތް ނިންމާލެވޭނެ ކަމަށްކަމަށެވެ. އަދި އެ ރަށުގެ ހަމަ ގިނަ ޒުވާނުންތަކެއް މިކަމުގައި ވަރަށް ބޮޑު ކަންބޮޑުވުން އޮވެ، ދޭތެރެޔަކުން ގޮސް މިރުސް ގަސް ވެސް އިންދައިފި ކަމަށާއި އެހެންކަމުން ވީ އެންމެ އަވަހަކަށް އެ މަސައްކަތް ނިންމާލަދެއްވާނެ ކަމަށް މިނިސްޓަރު ވިދާޅުވިއެވެ.

މާކުރަތު ދަނޑުގެ މަސައްކަތް ލަސްވަމުންދާތީ އެ ރަށު ޒުވާނުންވަނީ މިއަހަރުގެ ޖަނަވަރީ މަސް ތެރޭ ދަނޑުގައި މިރުސްގަހާއި ކަރާގަސް އިންދާފައެވެ. މާކުރަތުގައި ތަރައްގީކުރަން ހަމަޖެހިފައިވާ ޓާފް ދަނޑުގެ ސަބްބޭސްގެ މަސައްކަތް ނިމުނުތާ 1 އަހަރަށް ވުރެ ގިނަ ދުވަސްވެފައި ވަނިކޮށް އެ ދަނޑުގައި ޓާފް އެޅުމަށް ހަވާލުކުރީ ވީއޭއެމް ކޮމްޕެނީ ޕްރައިވެޓް ލިމިޓެޑް (ވީއޭއެމްކޯ) އާއެވެ.  ސެޕްޓެމްބަރު 27، 2020 ގައި މާކުރަތު ދަނޑާއިއެކު ރ.ދުވާފަރާއި ޅ. އޮޅުވެލިފުށީގެ ޓާފު ދަނޑުގެ މަސައްކަތް ވީއޭއެމްކޯއާ ހަވާލުކޮށްފައި ވަނީ 9 މިލިއަން ރުފިޔާއަށް 120 ދުވަސް ތެރޭގައި އެ 3 ދަނޑުވެސް ނިންމުމަށެވެ. 

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ