މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41

އެންމެން އެކަހެރި ވުމާއިއެކު ތިމާވެއްޓަށް އައު ދިރުމެއް!

އަޙުމަދު އިނާހް

ދުނިޔޭގައި ހަލުވި ކަމާއިއެކު ފެތުރެމުންދާ ނުރައްކާތެރި ވަބާ ކޯވިޑް19 އާއި ގުޅިގެން، ހުރިހާ އެންމެން ގޭގައި އަމިއްލައަށް އެކަހެރި ވުމާއިއެކު، ދުނިޔޭގެ ތިމާވެށްޓަށް އެކަށޭނެ ހެޔޮ ބަދަލެއް އަތުވެއްޖެއެވެ. ދުނިޔެ ހުރިހާ ގައުމެއްގައި ކާރުބާރު ކުޑަވުމާއި، މަގުމަތީގައި އުޅޭ އެހެނިހެން މީސްމީހުން މަދުވުމުގެ ސަބަބުން، އެކި ގައުމުތަކުގެ ވައި ސާފުވެ، ތިމާވެށި އަންނަނީ އަލުން ދިރެމުންނެވެ.

މިފަހަކަށްއައިސް މުޅި ދުނިޔޭގައި އެންމެ ބާރަށް ދެކެވޭ ވާހަކަ އަކީ ދުނިޔޭގެ ތިމާވެށި، މަރުވަމުން އަންނަ ހިތާމާވެރި ވާހަކައެވެ. އެކި އިލްމީ ބޭބޭފުޅުން އަންނަނީ، އިންސާނުން ތިމާވެއްޓާއި މެދު ދެކޭގޮތް ބަދަލުކޮށް، މި ދުނިޔެ ސަލާމަތް ކުރުމަށް މަސައްކަތް ކުރަން ޖެހޭ ކަމަށް ބުނަމުންނެވެ. އެހެންނަމަވެސް މިއަދާ ހަމައަށްވެސް، ތިމާވެށި ސަލާމަތް ކުރަން މާބޮޑު މަސައްކަތްތަކެއް ކުރެވިފައެއް ނުވެއެވެ. އެފަދަ ދަނޑިވަޅެއްގައި މުޅި ދުނިޔެ ވަނިކޮން، ފެތުރެންފެށި ނުރައްކާތެރި ވަބާ ކޯވިޑް19 އާއި ގުޅިގެން އެއްވެ އުޅޭ އާންމުން މަދުވުމުގެ ސަބަބުން، ތިމާވެއްޓަށް މިވަނީ އައު ދިރުމެއް ލިބިފައެވެ. 

މިގޮތުން ދުނިޔޭގައި އެންމެ ބޮޑަށް، ވައި ނުސާފު ކުރާ އެއް ގައުމު ކަމުގައިވާ ޗައިނާގައިވެސް އަދި ދުނިޔޭގެ އެހެން ގައުމު ތަކުގައިވެސް، ކާރު ބާރު ކުޑަވުމާއި އަދި ކާރުހާނާ ތައް ބަންދު ކުރުމުގެ ސަބަބުން އެގައުމު ތަކުގެ ވައި އަންނަނީ ސާފުވެ، ރީތި ވަމުންނެވެ. ނާސާގެ ސެޓަލައިޓް ފޮޓޯ ތަކުން ދައްކާ ގޮތުގައި، އެންމެ ފުރަތަމަ ކޮރޯނާ ވައިރަސް ފެނުނު ސިޓީ، ވޫހާންގެ ވައި އަންނަނީ ވަރަށް ބޮޑަށް ސާފު ވަމުންނެވެ.  އެހެންނަމަވެސް، މިއީ ދެމެހެއްޓެނިވި ބަދަލެއްތޯ ސުވާލު އުފެދެއެވެ! 

ދުނިޔޭގެ ކަމާއި ބެހޭ މާހިރުން ވިދާޅުވާގޮތުގައި، މިއީ އުފާފާޅު ކުރެވޭ ފަދަ ކާމިޔާބީއެއް ނޫނެވެ. އަދި ދުނިޔޭގެ ވައިގެ ދަތުރުތައް އަލުން ފެށި ކާރުބާރު ބޮޑުވުމުން އަނެއްކާވެސް ވައި ތަގައްގަރު ވާނެއެވެ. އެހެންކަމުން، މި ދަނޑިވަޅު އަޅުގަނޑުމެން އެންމެން ދުރާލާ ވިސްނުމަށް ފަހު އެކަށޭނެ ހެޔޮ ބަދަލު ތަކެއް ގެންނަން ހާލަތު މިވަނީ މަޖުބޫރު ކުރުވާފައެވެ. 

އަޅުގަނޑުމެންގެ ވިސްނުމުގެ ބަލިކަށި ކަމާއެވެ. އެހެނީ އަޅުގަނޑުމެން އުޅެން މިވަގުތު އޮތް ހަމައެކަނި ބިން، މި ދުނިޔެ އަޅުގަނޑުމެންގެ އަތުން ހަލާކު ކުރަމުން ދާއިރު މިދުނިޔޭގެ ބިމުގެ ނިއުމަތުގެ މުހިންމުކަން އިހުސާސް ނުކުރެވެނީބާއެވެ؟ ހަގީގަތުގައިވެސް، އަޅުގަނޑުމެން ތިމާވެށި ސަލާމަތް ކުރުމަށްޓަކައި ހިކުމަތްތެރި ކަމާއި އެކު، ބޮޑެތި ނިންމުން ތަކެއް ނިންމަން އެބަޖެހެއެވެ. މިއަދު އަޅުގަނޑުމެން ތިމާވެއްޓާއިމެދު ފަރުވާ ކުޑަ ކޮށްފި ނަމަ، މާދަމާ މާ ބޮޑު ހިތާމާއެއް ކުރަން ޖެހިދާނެއެވެ.

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
100%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ