މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41

ފައިނުގައި ހިންގި ދެމެހެއްޓެނިވި ގޮތެއްގައި ކުނި މެނޭޖްކުރުމުގެ މަޝްރޫއު ނިންމާލައިފި

މޯލްޑިވްސް އިސްލާމިކް ބޭންކް (އެމްއައިބީ)، ސޮނެވާ ނަމޫނާ އަދި ރ. ފައިނު ކައުންސިލް ގުޅިގެން އެ ރަށުގައި ދެމެހެއްޓެނިވި ގޮތެއްގައި ކުނި މެނޭޖްކުރާނެ ނިޒާމެއް ގާއިމުކުރުމަށް ހިންގި ހާއްސަ މަޝްރޫއެއް ކާމިޔާބުކަމާއެކު ނިންމާލައިފިއެވެ.

ރާއްޖޭގެ އެހެން ރަށްތަކެކޭ އެއްފަދައިން ފައިނުގައިވެސް "ނަމޫނާ ދެމެހެއްޓެނިވި ކުނި މެނޭޖްކުރުމުގެ މޮޑެލް" ކުރިއަށް ގެންދިއުމަށް އެ ރަށުން ޝައުގުވެރިކަން ފާޅުކުރުމާ ގުޅިގެން ކުރިއަށް ގެންދިޔަ މި މަޝްރޫއަކީ، އެމްއައިބީގެ މާލީ އެހީތެރިކަމާއި ސޮނެވާ ނަމޫނާގެ ފަންނީ ތަޖުރިބާއާއެކު ރަށުގެ މުޖުތަމައު ބައިވެރިކޮށްގެން ކުނި މެނޭޖްކުރާނެ ވަރުގަދަ ބިންގަލެއް އެޅުމަށް ހިންގި ޕްރޮގްރާމެކެވެ.

މި ޕްރޮގްރާމްގެ ދަށުން ހަތް ދުވަހުގެ ކުނީގެ އޮޑިޓެއް ހެދުމާއި، "ނަމޫނާ ޗޭންޖްމޭކަރ" ވޯކްޝޮޕް ބޭއްވުމުގެ އިތުރުން ފައިނަށް ހާއްސަ ކުނި މެނޭޖްކުރުމުގެ ޕްލޭނެއް އެކުލަވާލައި، ކުނި މެނޭޖްކުރާ މުވައްޒަފުންނާއި ރައްޔިތުން ހިމެނޭހެން 50 އަށްވުރެ ގިނަ މީހުން ވަނީ ތަމްރީނުކޮށްފައެވެ.
 
މީގެ އިތުރުން "ކާދުގެ ސަތޭކަ" ޕްރޮގްރާމްގެ ދަށުން ގޭބިސީތަކުން އުފެދޭ ކާބޯތަކެތީގެ ކުނި މަދުކުރުމަށްޓަކައި އެ ރަށުގެ 25 ގެއަކަށް ގޭގައި ކޮމްޕޯސްޓް ކުރާނެ ކިޓުތައް ވަނީ ހަދިޔާކޮށްފައެވެ.

މި މަޝްރޫއުގެ އެންމެ ބޮޑު އެއް ކާމިޔާބީއަކީ ފައިނުގެ ކުނި މެނޭޖްކުރާ ޕްލޭނަށް ބަދަލުތަކެއް ގެނެސް ސޮނެވާ ނަމޫނާގެ މޮޑެލް ހިމެނުމާއި، 2026 ވަނަ އަހަރުގެ ނިޔަލަށް އެ ރަށުގައި ޕްލާސްޓިކް އެންދުން އެއްކޮށް ހުއްޓާލުމަށާއި، 2030 ގެ ނިޔަލަށް ރަށުގައި ހާމަކަން ބޮޑު ގޮތެއްގައި ކުނި އެންދުން މުޅިން ހުއްޓާލުމެވެ.
 
މި މަޝްރޫއުގެ ފުރަތަމަ ފިޔަވަހީގެ މަސައްކަތްތައް ނިމިފައިވާއިރު، މި ނިޒާމުގެ ސަބަބުން ރަށުގެ މުޖުތަމައަށް ދިގުމުއްދަތަކަށް ކުރާނެ ފައިދާތައް ދެނެގަތުމަށްޓަކައި ކަމާބެހޭ ފަރާތްތަކުން މިހާރު ދަނީ ފޮލޯ-އަޕް އެސެސްމެންޓްތައް ހަދަމުންނެވެ.

މި މަޝްރޫއުގެ ނިމުން ފާހަގަ ކުރުމަށް އިއްޔެވަނީ ހާއްސަ ރަސްމިއްޔާތެއް ވެސް ބާއްވާފައެވެ. ފައިނު ކުނި މެނޭޖުކުރާ މަރުކަޒުގައި ކުރިއަށް ގެންދިޔަ މި ރަސްމިއްޔާތުގައި އިސްލާމިކް ބެންކުގެ މެނޭޖިންގ ޑިރެކްޓަރ ވަނީ ބައިވެރިވެވަޑައިގެންފައެވެ.

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ