މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: ޓްވިޓާ

ފެނާއި ނަރުދަމާގެ ޚިދުމަތަށް އެދުމުގެ ފުރުޞަތު ހުޅުވާލައިފި

ފައިނުގައި ޤާއިމް ކުރަމުންދާ ފެނާއި ނަރުދަމާގެ ނިޒާމްގެ ޚިދުމަތަށް އެދި ގޭބިސީތަކުން ހުށަހެޅުމުގެ ފުރުޞަތު ހުޅުވާލައިފިއެވެ.

ފައިނު ކައުންސިލުން ކޮށްފައިވާ އިޢުލާނެއްގައި ބުނެފައިވަނީ، ފެނާއި ނަރުދަމާގެ ނިޒާމް ޤާއިމްކުރުމުގެ މަޝްރޫޢުގެ ޢަމަލީ މަސައްކަތް މިހާރު ފެށިފައިވާތީ، މި މަޝްރޫޢުގެ ދަށުން ފެނުގެ ކަނެކްޝަނާއި، ނަރުދަމާގެ ކަނެކްޝަން ގޭގެއަށް އެޅުމަށް އެދުމުގެ ފޯމު ހުށަހެޅުމުގެ ފުރުސަތު މިހާރު ވަނީ ހުޅުވާލެވިފައި ކަމަށެވެ.

ކައުންސިލުން ބުނެފައިވަނީ ޚިދުމަތަށް އެދި ފޯމް ހުށަހެޅުމާއި، ބަލައިގަތުމުގައި އަދި ކަނެކްޝަން ލިސްޓް ފައިނަލް ކުރުމުގައި ޢަމަލު ކުރާނީ، މިކަމަށްޓަކައި މިހާރު ޢަމަލު ކުރެވެމުންދާ ޤަވާއިދު ނަމްބަރު 10-R/2020 "މީހުން ދިރިއުޅޭ ރަށްރަށުގައި ހިންގާ މަޝްރޫޢުތަކުގެ ތެރެއިން ފެނުގެ ޙިދުމަތް ދިނުމުގެ މަޝްރޫޢުތަކުގެ ދަށުން ނުވަތަ ނަރުދަމާގެ ޙިދުމަތް ދިނުމުގެ މަޝްރޫޢުތަކުގެ ދަށުން ފެނުގެ ޚިދުމަތް ނުވަތަ ނަރުދަމާގެ ޚިދުމަތްތައް ގުޅައިދިނުމުގައި ޢަމަލު ކުރާނެ ގޮތުގެ ޤަވާއިދު" ގައި ބަޔާންކޮށްފައިވާ ގޮތުގެ މަތިން ކަމަށެވެ.

ފޯމް ހުށަހެޅުމުގެ ފުރުސަތު 13 ސެޕްޓެމްބަރ 2021 ވަނަ ދުވަހުގެ ނިޔަލަށް ހުޅުވާލެވިފައިވާ ކަމަށް އިޢުލާނުގައި ބުނެފައިވެއެވެ. އަދި، ފޯމު ފުރުމުގައި އެހީތެރިކަން ބޭނުންފުޅުވެލައްވާ ފަރާތްތަކުން ކައުންސިލަރ ޙަސަން ވަޙީދު - 7651974 އަށް ގުޅުއްވައިގެން ފޯމް ފުރިހަމަ ކުރުމުގެ މަސައްކަތް ކުރިއަށް ގެންދިއުމަށް ވެސް ކައުންސިލުން އެދިފައިވެއެވެ. 

ފައިނުގައި ޤާއިމް ކުރާ ފެނާއި ނަރުދަމާގެ ނިޒާމްގެ މަސައްކަތުގެ ތެރެއިން މިހާރު ކުރިޔަށްދަނީ އާރްއޯ އެޑްމިން ބިލްޑިން އިމާރާތް ކުރުމުގެ މަސައްކަތެވެ.

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ