މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: ޒިޔާދު

އަރުތަ ފުޓްސަލް މުބާރާތުގެ ޗެމްޕިއަންކަން އިނގުރައިދޫން ހޯދައިފި

ރ. އަތޮޅު ފުޓްސަލް މުބާރާތުގެ ޗެމްއަންކަން އިނގުރައިދޫ ފުޓްސަލް ޓީމުން ހޯދައިފިއެވެ.

ރަސްމާދޫ ފުޓްސަލް ދަނޑުގައި ބުދަ ދުވަހުގެ ރޭ ކުޅުނު މެޗް ކާމިޔާބުކޮށް އިނގުރައިދޫން ޗެމްޕިއަންކަން ހޯދާފައިވަނީ 4 - 2 ގެ ނަތީޖާއަކުންނެވެ. 

މެޗް ފަށައިގެން ފުރަތަމަ ގޯލްޖެހީ އިނގުރައިދޫންނެވެ. ނަމަވެސް ފަހުން ދުވާފަރުން ވަނީ ގޯލެއް ޖަހައި ނަތީޖާ ހަމަހަމަކޮށްފައެވެ. އަދި އޭގެފަހުން އަނެއްކާ ވެސް އިނގުރައިދޫން ގޯލެއް ޖެހިއެވެ. އެ ގޯލަށްފަހު ދެންވެސް ދުވާފަރުން ގޯލެއް ޖެހިއެވެ. ނަތީޖާ ހަމަހަމަކޮށް އިރުކޮޅަކު އޮތުމަށްފަހު ދެން އިނގުރައިދޫން 2 ގޯލްގެ ލީޑެއް ނެގިއެވެ.  

ރޭގެ މެޗް ވެގެންގޮސްފައިވަނީ މިހާތަނަށް މި މުބާރާތުގައި ކުޅެވުނު އެންމެ ނުތަނަވަސްކަން އިތުރުވެގެންދިޔަ މެޗަށެވެ. މެޗް ނިމެން އެންމެ 18 ސިކުންތައް ވެފައިވަނިކޮށް ކުޅުމުގެ ތެރެއިން ދުވާފަރުގެ ކުޅުންތެރިއަކު، އިނގުރަައިދޫ ޓީމްގެ ކުޅުންތެރިއަކު ބޯޅަ ހިފައިގެން ދަނިކޮށް ޓެކްލްއެއް ކުރުމުން އިނގުރައިދޫ ކުޅުންތެރިޔާ ހިތްހަމަނުޖެހިގެން ދުވާފަރު ކުޅުންތެރިޔާ ކޮއްޕާލުމާ ގުޅިގެން، ސަޕޯޓަރުންގެ ތެރޭގައި ވަނީ ހަމަނުޖެހުން ހިިންގާފައެވެ. 

ދަނޑުމަތީ ތިބި ދެ ޓީމުގެ ކުޅުންތެރިން ވެސް ސަޕޯޓަރުން ހަމަޖެހުމަށް ނަސޭހަތްތެރިވިނަމަވެސް، ދެ ޓީމްގެ ސަޕޯޓަރުންގެ މެދުގައި ހަމަނުޖެހުން އުފެދި ދަނޑުމައްޗަށް ފުޅިއާއި އެ ނޫންވެސް ތަކެތި އުކަން ފެށިއެވެ. އަދި ސަޕޯޓަރުންގެ މެދުގައި ތަޅާފޮޅާ ހަދާފައިވެއެވެ. 

މި ހަމަނުޖެހުން ކޮންޓްރޯލް ކުރުމަށް ފުލުހުން ޝީލްޑުގައި ހަރަކާތްތެރިވެ ޕެޕާސްޕްރޭ ބޭނުންކުރިނަމަވެސް، ސަޕޯޓަރުންތައް ދުރަށްޖައްސައި، މެޗް ކުރިއަށް ގެންދެވޭގޮތްވަނީ ނުވެފައެވެ. އެކި ފަހަރުމަތިން މެޗް ފަށަން ދަނޑަށް ކުޅުންތެރިން އެރިނަމަވެސް ދަނޑަށް އެއްޗެހި އުކާތީ މެޗްވަނީ ނިންމާލެވޭގޮތް ނުވެފައެވެ. 

ރޭގެ މި ހަމަނުޖެހުމުގައި ބައެއް މީހުންނަށް އަނިޔާވެގެން އެ ރަސްމާދޫ ސިއްހީ މަރުކަޒަށް ވެސް ގެންގޮސްފައިވެއެވެ. 

މެޗް ކުރިއަށް ނުގެންދެވުމުން، މެޗް ކޮމިޝަނަރ ރޭ ދަންވަރުވަނީ މެޗްގެ ބާކީ 18 ސިކުންތު ނުކުޅޭނެކަމަށާއި 4 - 2 ގެ ނަތީޖާއަކުން އިނގުރައިދޫ މުބާރާތުގެ ޗެމްޕިއަންކަން ހޯދާފައިވާކަން އިއުލާނުކޮށްފައެވެ. 

މިއީ އިނގުރައިދޫ މި މުބާރާތުގެ ޗެމްޕިއަންކަން ހޯދި ފުރަތަމަ ފަަހަރެވެ. މީގެ ކުރިން މި މުބާރާތުގައި އެ ޓީމް ކުޅުނު 3 ފައިނަލްްގައި ވެސް ދުވާފަރު އަތުންވަނީ ބަލިވެފައެވެ. އެހެންކަމުން މި މުބާރާތުގެ ފައިނަލްގައި މި ދެ ޓީމް ބައްދަލުކުރާ މެޗް އަބަދުވެސް ވެފައިވަނީ ވާދަވެރި މެޗަކަށެވެ. 

މި މުބާރާތުގައި އެންމެ ފުރަތަމަ ރ. އަުނގޫފާރުގައި ބޭއްވި މުބާރާތުގެ ފައިނަލް މެޗްގައި ވެސް ވަނީ ސަޕޯޓަރުންގެ މެދުގައި ހަމަނުޖެހުން ހިންގާފައެވެ. އެފަހަރުގެ މުބާރާތަށްފަހު އަތޮޅު ކައުންސިލުން ގެންދަނީ މެޗްތަކުގެ ސަލާމަތީ ކަންކަން ވަރަށް ބޮޑަށް ހަރުކަށިކޮށް ބަލަހައްޓަމުންކަން ފާހަގަކޮށްލެވެއެވެ. 

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ