މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41

އިންތިހާބަކާ ނުލާ ފައިނު ކައުންސިލްގެ މެންބަރުކަން ޝިޒްނާއަށް

ކުރިއަށް އޮތް ލޯކަލް ކައުންސިލް އިންތިހާބުގައި ފައިނު ކައުންސިލްގެ އަންހެން މެންބަރުކަމަށް އެންމެ ފަރާތަކުން ހުށަހަޅާފައިވާތީ އިންތިހާބެއްގައި ވާދަނުކޮށް ޕީއެންސީއަށް އެ ގޮނޑި ކަށަވަރުވެއްޖެއެވެ.

ކައުންސިލް އިންތިހާބުގައި ވާދަކުރުމަށް އެދި ފޯމް ހުށަހެޅި ފަރާތްތަކުގެ ތެރެއިން ޝަރުތުހަމަވާ ފަރާތްތަކުގެ ލިސްޓް އިލެކްޝަންސް ކޮމިޝަނުން އަދި އާންމުކޮށްފައެއް ނުވެއެވެ. 

ނަމަވެސް، މިހާތަނަށް ލިބުނު މައުލޫމާތުގައި ފައިނު ކައުންސިލްގެ އަންހެނުންނަށް ހާއްސަ ގޮނޑިއަށް ވާދަ ކުރުމަށް ފޯމް ހުށަހަޅާފައިވަނީ 2 ފަރާތަކުންނެވެ. އެއީ، ކައުންސިލް މެންބަރުންގެ ގޮތުގައި މިހާރު ވެސް ތިއްބެވި، ޕީއެންސީގެ ފަރާތުން އާމިނަތު ސިޒްނާއާއި އަމިއްލަގޮތުން ކުރިމަތިލެއްވި އާސިމާ އިބްރާހީމް މަނިކެވެ. 

މީގެ ތެރެއިން އާސިމާ އިބްރާހީމް މަނިކު މިހާރުވަނީ ވާދަ ނުކުރުމަށް ނިންމަވާ ނަން ނަންގަވާފައެވެ. މިކަން އޭނާ ވެސް ވަނީ ފައިނު އޮންލައިންއަށް ކަށަވަރު ކޮށްދެއްވާފައެވެ. 

އެހެންކަމުން، ދެން މި ގޮނޑިއަށް ވާދަކުރައްވާ ފަރާތަކަށް ހުންނެވީ ޕީއެންސީގެ ކެންޑިޑޭޓް އާމިނަތު ސިޒްނާކަމުން، އޭނާއަށް މިވަނީ ގޮނޑި ކަށަވަރުވެފައެވެ. 

ފާހަގަކޮށްލެވޭ ގޮތުގައި އާސިމާ އިބްރާހީމް މަނިކު އަދި އާމިނަތު ސިޒްނާ މި ދެ ބޭފުޅުންނަކީ ޕީއެންސީގެ ޓިކެޓްގައި އަންހެނުންނަށް ހާއްސަ ގޮނޑިއަށް ވާދަކުރުމަށް މި ފަހަރު އެ ޕާޓީގެ ޕްރައިމަރީގައި ވާދަކުރެއްވި ދެ ބޭފުޅުންނެވެ. 

މި ފަހަރު ފައިނު ކައުންސިލަށާއި އަންހެނުންގެ ތަރައްޤީއަށް މަސައްކަތް ކުރާ ކޮމެޓީއަށް އިންތިހާބު ކުރާނީ 3 މެންބަރުންކަމަށްވާއިރު އެ ގޮނޑިތަކަށް ވާދަކުރައްވާ ބޭފުޅުންގެ ތެރެއިން ޝަރުތު ހަމަވި ބޭފުޅުންގެ މައުލޫމާތު އިލެކްޝަންސް ކޮމިޝަނުން މިހާތަނަށް އާންމުކޮށްފައި ނުވާތީ އެ ފަރާތްތައް އަދި މުޅީން ކަށަވަރެއް ނުވެއެވެ. 

ނަމަވެސް، މިހާތަނަށް މައުލޫމާތު ލިބިފައިވާގޮތުގައި، ފައިނު ކައުންސިލްގެ ރައީސްގެ މަގާމަށް ވާދަކުރައްވަނީ، 
- ޕީއެންސީ: މުޙައްމަދު ސަމީރު،
- އަމިއްލަ ގޮތުން: އަޙްމަދު ރިޝްފާނު

ކައުންސިލް މެންބަރުކަމަށް:
- ޕީއެންސީން ޢަބްދުއްރައޫފް ޢަބްދުއްރަޙްމާން
- އެމްޑީޕީން ޙަސަން ވަޙީދު

އަންހެނުންގެ ތަރައްޤީއަށް މަސައްކަތްކުރާ ކޮމެޓީއަށް:
- ޕީއެންސީން، ރައީސާކަމަށް އާމިނަތު ޒިދުނާ، މެންބަރުންކަމަށް ސާރާ އިބްރާހީމް އަދި ހަފީޒާ އިބްރާހީމްމަނިކު
- އެމްޑީޕީން، ރައީސާކަމަށް އައިޝަތު ރައިހާނާ، މެންބަރުންކަމަށް ޖަމީލާ ޢުމަރުމަނިކު އަދި ޤަމަރުއްނިސާ ޢަލީ

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

1 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

އަލިބެ 3 months ago

މަރުހަބާ ސިޒޫ

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ