މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41

ދޮޅުގަރުނަށްވުރެ ގިނަ ދުވަސްވެފައިވާ މަހާނަގަލެއް ރ. ފައިނުން ފެނިއްޖެ

ދޮޅުގަރުނަށްވުރެ ގިނަ ދުވަސްވެފައިވާ މަހާނަގަލެއް ރ. ފައިނުން ފެނިއްޖެއެވެ.

މި މަހާނަގާ ފެނިފައިވަނީ ފައިނުގައި އިޖުތިމާއީ ފެންހަންތައް ބަހައްޓާފައިވާ ސަރަހައްދުން ކުރީގެ ފައިނު ސްކޫލްހުރި ބިމަށް އެ ހަންތައް ބަދަލުކުރުމަށް ކުރީގެ ސްކޫލް ބިން ކޮނުމުގެ މަސައްކަތުގެ ތެރެއިންނެވެ. 

މި ގަލުގައިވާ ލިޔުންތައް މުޅިން ސާފުވާގޮތް ނުވީނަމަވެސް، ދިވެހި ތާރީހު ދިރާސާ ކުރައްވާ ބޭފުޅެއްގެ އެހީގައިވަނީ އޭގައިހުރި ބައެއް ލިޔުންތައް ދެނެގަނެވިފައެވެ. 
ފައިނުން ފެނުނު ދުވަސްވީ މަހާނަގާ
އެގޮތުން، މި ގަލުގައިހުރި ލިޔުންތަކުންނާއި ގަލުގެ ބައްޓަމުން މިއީ އަންހެނެއްގެ މަހާނަގަލެއްކަން އެނގެއެވެ. ގަލުގައި ލިޔެފައިވާތަނުން ސާފުވާގޮތުގައި، މިއީ މީލާދީން 1862 ވަނަ އަހަރުގެ ފެބްރުއަރީ މަހާއި މާރިޗް މަހާ ދެމެދު ނިޔާވި މީހެއްގެ މަހާނަގަލެވެ. 

އެހެންކަމަށްވާނަމަ މިއީ މީގެ 169 އަހަރު ކުރީން މަރުވެފައިވާ މީހެއްގެ މަހާނަގަލެވެ. 

ގަލުގައިވާގޮތުން ދެނެގަނެވޭގޮތް

ހިޖުރައިން 1278 ރަމަޟާން، ބުވަހު މުސާއޭކީ އަޅުގެ ވަލު ދޮންސަންފާއޭކީ އަޅު ނިޔާވިކަމު ހަނދާން

ލިޔުމުގައި "އަޅު" މިހެން ހިމަނާފައި އެވަނީ އަޅުންގެ ގޮތުގައި ގެންގުޅުނު މީހެއްކަމަށް ވާތީ ނޫންކަމަށާއި، އެއީ މި ޒަމާނުގައި އަޅުގަނޑު ކިޔާގޮތަށް، އިހުތިރާމާ އެކު ވާހަކަ ދެއްކުމަށް އެހެން މީހުންނާ ގުޅުވައި ލިޔެ އުޅުން ގޮތެއްކަމަށް ތާރީހު ދިރާސާ ކުރައްވާ ފަރާތްތަކުން ވިދާޅުވެފައެވެ. 
މި ގަލުގެ ފަރުމާކުރުމަށް ބަލާއިރު، ކަނޑާނަގައިގެންވަނީ ވަރަށް ރީތި އިސްލާމީ ދިވެހި ސަގާފީ ގޮތަކަށް ފަރުމާކޮށްފައެވެ. 

މި ގާ ފެނުނު ބިމަކީ، އައިހެޕް ސްކޫލް ނަމަކަށްކީ ސްކޫލްގައި އޭރުހުރި އުވަގުދަނެއްހުރި ތަނެކެވެ. ގާފެނިފައިވަނީ އުވަގާތަކުގެ އަޑިންނެވެ. އެހެންކަމުން މިއީ އާންމުކޮށް މީހުން ވަޅުލާ އުޅޭ ހިސާބަށްވުރެ ފުނުގައި ވަޅުލާފައި ގަލެއްކަން ފާހަގަކުރެވެއެވެ. 

ފައިނަކީ ވަރަށް އިހުޒަމާނުގައި ވަރަށް ބޮޑު އާބާދީއެއް އޮތް ރަށެއްކަމަށްވެއެވެ. ހާއްސަކޮށް ރަށުގެ އެކި ސަރަހައްދުން ގަބުރު ފެނިފައިވުމާއި ކުރީގެ އެކި މިސްކިތް ފަދަ ތަންތަނުގެ ގާތައް ރަށުގެ އެކި ތަންތަނުން ފެނިފައިވުމުން ފައިނަކީ ބޮޑު އާބާދީއެއް އުޅުނު ރަށެއްކަން އެނގެއެވެ. 

މި ގާ މިހާރުވަނީ ފައިނު ކައުންސިލްގެ ބެލުމުގެ ދަށުގައެވެ.

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ