މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41

ސުވަރުގޭގެ އެންމެމަތީ ދަރަޖައަކީ ﷲގެ ދީދާރުފުޅު ފެނުންް - ޚުޠުބާ

އަޙްމަދު ޝަރީފް

އިންސާނާގެ ދުނިޔަވީ ދިރިއުޅުމުގެ މައިގަނޑު މަޤްޞަދަކީ އާޚިރަތް ބާއްޖަވެރިކުރުންކަމާއި ނިޢުމަތުން ފުރިގެންވާ ސުވަރުގެތައް ޙާޞިލްކުރުންކަމުގައި މިއަދުގެ ޚުޠުބާގައި ހަނދާންކޮށްދީފިއެވެ. " ސުވަރުގޭގެ މަތިވެރި ނިޢުމަތްތައް" މި މަޢޫޟޫއަށް އިއްވިގެންދިޔަ ޚުޠުބާގައި ޤުރްއާނާއި ކީރިތި ނަބިއްޔާ ޞައްލަﷲ ޢަލައިހިވަސައްލަމްގެ ނަބަވީ ބަސްފުޅުތަކުން އަލީގައިވަނީ ސުވާރުގެ މާތިވެރިކަމާއި ނިޢުމަތްތަކުގެ ވާހަކައިން މުސްލިމުތަކުންނަށް ހަނދާންކޮށްދީފައެވެ.

ސުވަރުގޭގެ ފުރިހަމަކަން ﷲ ފިޔަވާ އެހެން ފަރާތަކަށް ނޭނގޭނެކަން ބަޔާންކުރައްވަމުން ވިދާޅުވެފައިވަނީ ސުވަރުގެއަކީ "މިދުނިޔޭގެ އެއްވެސް މީހަކަށް އެފަދަ ފުރިހަމަކަމެއް ފެނިފައިނުވާ ތަނެކެވެ." އަދި ދުވަހަކުވެސް ޚިޔާލަށްވެސް ނުނގެނެވޭފަދަ ފުރިހަމަ ކަމެއްކަމުގައެވެ. މީގެ އިތުރުން ސުވަރުގޭގެ ދޮރުކޮޅެއްތަކެއްވާކަމާއި އެދޮރުކޮޅުތަުން ވަންނާނެ ބައެއްގެ ވާހަކަ ބަޔާންކުރައްވަމުން ވިދާޅުވެފައިވަނީ " ސުވަރުގެ ގޭގައި 8 ދޮރުކޮޅު ވެއެވެ" މިފަދައިންނެވެ. އަދި ހަމަ އެފަދައިން ސުވަރުގޭގައި ސާފުފެނުގެ ކޯރުތަކާއި ރަހަ ތަފާތުވުމެއްނުވާ ކިރުގެ ކޯރުތަކާއި ރާލާއި މަސްތުވުމެއް ބުއްދިފިލައިދިޔުމެއްނުވާ ރަލުގެ ކޯރުތަކާއި ސާފު މާމުއި ކޯރުތައް ވާކަމާއި އަދި ސުވަރުގެ ވަންތަވެރީންނަށް މަރްޙަބާއާއި ތަޙްނިޔާ ކިޔުމުގެގޮތުން މަލާއިކަތް ބޭކަލުން ތިއްބަވާނެކަމާއި އެމީހުންގެ ބަހަކީ " ސަލާމް ހުއްޓެވެ"އެވެ. 

މިމަތިވެރިވެގެންވާ ސުވަރުގެތައް ޙާޞިލްކުރެވޭނީ ހަމައެކަނި ފަރްޟްތައް އަދާކޮށްގެން ނޫންކަމާއި ސުންނަތް ކަންކަމަށް ސަމާލުކަންދީ އެކަންކަންވެސް ކޮށްގެންކަމުގައި ވިދާޅުވަމުން މިއަދު ޚުޠުބާގައި ފާހަގަކުރައްވާފައިވާގޮތުގައި ހެޔޮ ޢަމަލުކުރުމުގައި ޘާބިތުވެ ތިބި ﷲގެ އަޅުން، އެމީހުން ސުވަރުގެ ވަންނާނީ އެމީހަކުކުރި ޢަމަލަކާއިގުލޭގޮތުންނެވެ. ބައެއް މިސާލުތައް ނަންގަވަމުން ޚުޠުބާގައި ފާހަގަކުރައްވާފައިވާގޮތުގައި ސުންނަތް ނަމާދުވެރިންގެ ނަމާދު ދޮރުކޮޅުންކަމާއި، ޖިހާދުކުރި މީހުން ޖިހާދީންގެ ދޮރުކޮޅުންކަމާއި، ގިނަގިނައިން ރޯދަހިފާ މީހުން ރޯދަވެރިންގެ ދޮރުކޮޅުންކަމާއި، ޞަދަޤާތްދީ އުޅުނުމީހުން ޞަދަޤާތުގެ ދޮރުކޮޅުން ވަނުމަށް އެންގޭނެކަމުގައިވެސްވަނީ ހަނދާންކޮށްދީފައެވެ. 

ސުވަރުގެ ވަންތަވެރީންގެ ޙާލަތު ބަޔާންކަރައްވަމުން ވިދާޅުވެފައިވަނީ " ސުވަރުގެ ވަންތަވެރީން ތިބޭނީ ފުރިހަމަ ޒުވާންކަންމަތީކަމާއި މުސްކުޅިވުމެއް ބަލިކަށިވުމެއް އަދި ވަރުބަލިކަމެއް ހިތްހަމަ ނުޖެހުމެއް ނުވާ ޙާލުގައިކަމަށެވެ. އަދި އެތަނުގެ އަޙުލުވެރިންގެ ގާތްތިމާގެ މީހުންނާއި ރަޙްމަތްތެރިންނާއި ބައްދަކުރެވޭނެކަމާއި ސުވަރުގޭގެ އެކި ތަންތަނުގައި ޖަމާޢަތް ހައްދަވައިގެން ކޯޅިކޯޅިއަށް އުފާވެރި ވާހަކަތައް ދައްކާނެކަމާއި އެމީހުންގެ މެދުގައި އޮންނާނީ ލޯތްބާއި ކަމޭހިތުމާއި އަޅައިލުން އޭގެ އެންމެ ފުރިހަގޮތުގައި ލިބިގެންދާނެ ކަމުގައިވެސްވަނީ ހަނދާންކޮށްދީފައެވެ. އަދި ހަމައެއާއިއެކު އެންމެފަހުން ސުވަރުގެ ވައްދަވާމީހާއަށްވެސް އެހެން އެއްވެސް މީހަކަށް އެފަދަ ނިޢުމަތެއް ނުލިބޭކަމަށް ޤަބޫލުކުރެވޭހާ ފުރިހަމަވާނެކަމައި ﷲގެ ނިޢުމަތްތަކުގެ ގިނަގުނަކަމާއި ބޮޑުކަމުންކަމާއި އެންމެބޮޑު ނިޢުމަތަކީﷲގެ ދީދާރުފުޅު ފެނުންކަމުގައިވެސްވަނީ ގޮވާލައްވާފައެވެ. 

ލޮބުވެތި ކިޔުންތެރިން!! ސުވަރުގެ ޙާޞިލްކުރުމަކީ އެހައި ފަސޭހަކަމެއް ނޫންކަމާއި ސުވަރުގެ ވަށާލެވިފައިވަނީ އުނދަގޫތަކާއި ތަކްލީފުތައް އަދި މުންކަރާތްތަކާއި ފާޙިޝް ޢަމަލުތަކުގެ އިތުރުން ޝައިޠާނީ ވަސްވާސްތަކެވެ. އެހެންކަމުން، ދިމާވާ ހިތްތަދިކަންކަމާއި ހިތާމަނުކުރާށެވެ. ފާފަތަކަށް އަރައިނުގަންނާށެވެ. މުންކަރާތްތަކަށް ދޮރުތައް ނުހުޅުވާށެވެ. އަދި ތިމާއަށް ވީމިންވަރަކުން އަތާއި ދުލުން އަދި ހިތުން އެފަދަ ކަންކަން މަނާކުރާށެވެ. ދުނިޔޭގެ އަރާމާއި އުފަލަކީ ވަގުތީ ކަންކަންކަމާއި ދާއިމީ އުފަލާއި އަރާމު ހޯދުމަށް ދުނިޔޭގެ ވަގުތީ އުފާތަކުގެ އަވާގައިޖެހި އާޚިރަތް ގެއްލުވާނުލާށެވެ. އަމިއްލަ އެދުންތަކާއި ދެކޮޅަށް ތެދުވާށެވެ. ފަރްޟްތަކުގެ އިތުރުން ސުންނަތްތައްވެސް އަދާކުރާށެވެ. ޟުޙާ ނަމާދު، ދަމުނަމާދު ފަދަ ސުންނަތް ނަމާދުތައް ގިނަގިނައިން ކުރާށެވެ. ތަނަވަސްކަމުގެ ޙާލުގައްޔާއި ދަތިކަމުގެ ޙާލަތުގައިވެސް ޞަދަޤާތްދޭށެވެ. ﷲގެ މަގުގައި ހޭދަކުރާށެވެ. ކޮންމެ ހޯމަ ބުރާސްފަތީގައި ރޯދަ ހިފަން އުނދަގޫނަމަ އެންމެ ކުޑަމިނުން ކޮންމެ ހަނދުމަހެއްގެ 13، 14 އަދި 15ވަނަ ދުވަހު ރޯދަހިފާށެވެ. އަބަދުވެސް ހަނދާންކުރަންވީ ކަމަކީ މުއުމިނު އަޅުންނަށް ދުނިޔެއަކީ ހުރަގެއެއް ނަމަވެސް ﷲށް ބިރުވެތިވާ އިންސާނާއަށް ދިމާވާ އެއްވެސް ހިތާމައެއް، ހިތްދަތިކަމެއް އެއީ އޭނާގެ އީމާންކަން ބަލިކަށިކޮށްލާ ކަމަކަށްނުވާނެކަމާއި އެފަދަމީހުންނަށް ދިމާވާ ހުރިހާ ހުރަސްތަކާއި ގޮންޖެހުންތަކާއި ހިތާމަތަކާއި އުފާތައް އަދި ކަންބޮޑުވުންތައް ﷲގެ ވާޤިފުޅާއެކު ހުރަސްކުރާނެކަމެވެ. ސުވަރުގޭގެ ނިޢުމަތްތަކަކީ ހަމަތިބެލާފައި ޙާޞިލްކުރެވޭނެ އެއްޗެއްނޫންކަމާއި އެނިޢުމަތްތައް ދެއްވުން އެދި ދުޢާކުރުމާއިއެކު ޢަމަލުތައް އިޞްލާޙްކޮށް ހެޔޮކަންކަމަށް ޢަމުރުކޮށް ނުބައިކަންކަން މަނާކުރަމާ ހިނގާށެވެ. އޭރުން މަތިވެރިވެގެންވާ ސުވަރުގޭގެ ނިޢުމަތްތައް އަހަރެމެންނަށްވެސް ލިބިގެންދާނެއެވެ. 

ގުޅޭ ލިޔުންތައް

އަޙްމަދު ޝަރީފް

Ahmed Shareef

އަޙުމަދު ޝަރީފަކީ ފައިނު ސްކޫލްގައި ވަޒީފާ ޢަދާ ކުރަމުންގެންދާ މުދައްރިސެކެވެ. އަދި ރައްޔިތުންގެ ދީނީ ހޭލުންތެރިކަން އިތުރުކުރުމަށް ރަށު ފެންވަރުގައި އިސްވެ އުޅުއްވާ ފަރާތެކެވެ.

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ