މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: އިނާޙް

ރަށަށްޓަކައި މަސައްކަތް ކުރުމުގައި ނަމޫނާ ރައްޔިތެއް!

އަޙުމަދު ސުޖާއު
ފައިނަކީ އެކުވެެރި އެއްބައިވަންތަ ރައްޔިތަކު އުޅޭ ރަށެކެވެ. ކޮންމެ ރަށެއްގައިވެސް ބޮޑެތި ޚިޔާލު ތަފާތުވުންތައް ހުންނާނެއޭތޯއެވެ.؟ އާދޭހެ. ހުންނާނެއެވެ. އާބާދީ މަދު މި ކުޑަ ރަށަކީ އަބަދުވެސް ސިޔާސީ ގޮތުން ވަރަށް ވާދަވެރި ރަށެކެވެ. ސިޔާސީ ކަންކަމަށް އެހާމެ ލޯ ހުޅުވިފައިވާ ރައްޔިތެެއް ދިރިއުޅޭ ރަށެކެވެ. ޚާއްޞަކޮށް އިންތިޚާބުތަކުގެ ދުވަސްވަރު މިކަން ވަރަށް ރަނގަޅަށް ސާބިތުވާނެވެ. ކެމްޕެއިންތަކުގައި އެއްބަޔަކު އަނެއްބަޔަކާއި ވާދަކޮށް ރައްޔިތުންގެ ތާއީދު ހޯދަން މަސައްކަތް ކުރާނެވެ. ޚިޔާލު ތަފާތުވުންތައްވެސް ހުރެއެވެ. ނަމަވެސް މިފަހަރު އަޅުގަނޑަށް މިފެނުނީ މުޅިން ތަފާތު މަންޒަރެކެވެ. ލޯ ފެންކަޅި ކޮށްލި އުފާވެރި މަންޒަރެކެވެ. 
ގަހެއް ހިމާޔަތް ކުރުމަށް މިއަދު ކުރި މަސައްކަތުގެ ތެރެއިން ވެލި ގޯނި ޖައްސަނީ - ފޮޓޯ: އިނާހް
އަޅުގަނޑު ދައްކަން މިއުޅެނީ ލޯކަލް ކައުންސިލް އިންތިހާބަށް މިހާ ކުޑަ ދުވަސްކޮޅަކަށް ވެފާވާ  އިރު ރަށުގެ ރައްޔިތުންގެ ކިބައިން ފެނުނު ނަމޫނާ މަންޒަރެއްގެ ވާހަކައެވެ.

އާދެ! ރާއްޖޭގެ ގިނަ ރަށްތައް ދަނީ ހީވެސް ނުކުރާހާއި ބޮޑަށް ގިރަމުންނެވެ. ޗާލު ހުދު ދޮންވެލި ގަނޑު ދަނީ އަޅުގަނޑުމެންނާއި އަލްވަދާޢު ކިޔަމުންނެވެ.  ފައިނުގެ ރައްޔިތުންނަކަށް މި މަންޒަރުތައް ބަލާކަށް ކެތެއް ނުކުރެވުނެވެ. ޗާލު ދޮންވެލިގަނޑު ބީވެގެން ދާތަން ބަލާކަށް ހިތެއް ނުރުހުނެވެ. ތާރީޚީ ގިނަ ގަސްތަކެއް ވެރެމުން ދާތަން ބަލާކަށް ކެތެއްނުވިއެވެ. 
ގަސްތައް ހިމާޔަތް ކުރުމަށް ރަށުފެންވަރުގައި މަސައްކަތް ކުރުމަށް ރައްޔިތުން ނިކުމެ - ފޮޓޯ: ޝާވިން
ރަށުގެ ރައްޔިތުން އެންމެން  އެކީ އެކައްޗެއް ކިޔާ މި ޗާލު ދޮންވެލިގަނޑާއި އެ ތާރީޚީ ގަސްތައް ހިމާޔަތް ކުރުމަށްޓަކާއި ވަތަނުގެ ދިފާއުގާއި ނުކުތީއެވެ. މީސްމީޑިއާގައި  ޝުޢޫރުތައް ފާޅުކުރަން ފެށިއެވެ. އިންސްޓަގްރާމްއާއި ފޭސްބުކްގާއި އެކި ގޮތްގޮތުން މިކަން މުޅި ރާއްޖެއާއި ސަރުކާރުގެ ސަމާލުކަމަށް ގެންނަން މަސައްކަތް ކުރިއެވެ. މިހިސާބުން ރަށުގެ ރައްޔިތުން ހުއްޓާލީކީ ނޫނެވެ. ރަށުން ލިބެން ހުރި ވަސީލަތްތައް ބޭނުން ކޮށްގެން އެކަމަށް ހައްލެއް ގެނައުމަށް ރަށުގެ ރައްޔިތުން އަމަލީގޮތުން ނުކުތީއެވެ. 
ވެލިގޯނި ޖެއްސުމުގެ މަސައްކަތް ކުރަނީ - ފޮޓޯ: އިނާހް
ލާމަރުކަޒީ ނިޒާމް ތަޢާރަފްވީފަހުން ރައްޔިތުން ގޮވައިގެން މަަަސައްކަތް ކުރުން ވަނީ ދަތިކަމަކަށް ވެފައެވެ. ނަމަވެސް މި ކުޑަ ކުޑަ ރަށުގެ ރައްޔިތުން އަމިއްލަ ވަޠަން ދިފާއުކުރުމަށް ތެދުވީ ހުރިހާ ސިޔާސީ ފިކުރެއް އެއްފަރާތް ކޮށްފައެވެ. ދަރިންގެ މުސްތަޤްބަލަށްޓަކައެވެ. މި ޗާލު ވެށި ހިމާޔަތްކުމަށްޓަކައެވެ.

ރަށުގެ އަތިރިމަތީގެ  ބޮޑުބައެއް  މިހާރުވެސް ވަނީ ގިރާލާފައެވެ. ނަމަވެސް އަދިވެސް ރަށުގެ ތާރީޚީ 200 އަހަރަށްވުރެ ގިނަދުވަސްވެފައިވާ ގަސްތައް ހިމާޔަތް ކުރުމަށް ރަށުގެ ލޮބުވެތި ރައްޔިތުން ދަނީ ކެނޑި ނޭޅި މަސައްކަތް ކުރަމުންނެވެ. ކައުންސިލް އިން ގޮވާލާ ކޮންމެ ގޮވާލުމަކަށް އިޖާބަދީ ރަށުގެ ދިފާއުގާއި މަސައްކަތް ކުރަމުންނެވެ. އެއްބައިވަންތަކަމާއި އެކުވެރިކަމާއެކުގައެވެ. 
ފޮޓޯ: ޝާވިން
މީ ބަލައިލަން ހިތްގައިމު އުފާވެެރި އަދި އެއްބައިވަންތަކަމުގެ ލާމަސީލު މިސާލެކެވެ. ރާއްޖޭގެ ހުރިހާ ރަށަކަށް ދައްކުވައިދިން އެކުވެރިކަމާއި ސުލްހަވެރިކަމުގެ ނަމޫނާއެކެވެ. އަންނަން  އޮތް ޖީލުތަކަށް އިބުރަތްތެރި ފިލާވަޅެކެވެ.

ތިމާވެށީގެ ކަންކަމުގައި ފައިނު ރައްޔިތުންނަކީ ހުޝިޔާރު ބަޔަކަށްވުމުން އެއަށް ޖޯކު ޖެހުމަކީ އެހެން ރަށްރަށުގެ ބައެއް މީހުންގެ އާދައެކެވެ. ނަމަވެސް އަޅުގަނޑު ދެކެނީ، ތިމާވެއްޓަށް ބަލަން ޖެހިފައިވާ މިންވަރާއި ދޭތެރޭ ފައިނުގެ ރައްޔިތުން ހޭލުންތެރީ ކަމަށެވެ. ތާރީޚަށް އެރައްޔިތުން ބަހައްޓާ ލޯބި ބޮޑީ ކަމަށެވެ.
މުޅި ރާއްޖެ ސާފުކުރުމުގެ ޕްރޮގްރާމްގެ ތެރެއިން - ފައިނު ރައްޔިތުންނަކީ ތިމާވެއްޓަށް ލޯބިކުރާ ބައެއް - ފޮޓޯ: ޓްވިޓަރ
ރަށުގެ ރަށްވެއްސަކަށް ވެހުރެ އަޅުގަނޑު މި ވާހަކަކޮޅު މި ހިއްސާ ކޮއްލިީ ފެނުނު މި މަންޒަރުތަކުންނެވެ. ރަށުގެ ދިފާއުގާއި  ރައްޔިތުންގެ އެއްބައިވަންތަކަމާއި އެކުވެރިކަން ފެނިފައެވެ. މީ ފައިނުގެ ކޮންމެ ރަށްވެއްސަކުވެސް މިއަދު ކުރާނެ އިހުސާސްތަކެވެ.  އިންޝާ ﷲ، ރަށުގެ އެންމެހާ ރައްޔިތުން ގުޅިގެން ވެށި ހިމާޔަތް ކުރުމަށް މިކުރާ މަސައްކަތުގާއި  މާތް ﷲ ބަރަކާތް ލައްވާނެވެ. އަދި ރަށުގެ ރައްޔިތުންނަކީ އަބަދުވެސް އެއްބައިވަންތަކަމަށް ލޯބިކުރާ އެކުވެރި ބައެއް ކަމުގާއި ލައްވާށި! އާމީން....

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

4 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

އަޙުމަދު 4 years ago

ސަޅި ލިޔުމެއް

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ޜަޝީދް 4 years ago

ޥަރައް ފުރިހަމަ ލިޔުމެއް

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ފައިނަށް ހެޔޮއެދޭ 4 years ago

އާމީން.... ވަރަށް ޝައުގުވެރި ލިޔުމެއް.....

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ފައިނަށް ހެޔޮދުއާ 4 years ago

މާޝާ ﷲ. ފައިނު މީހުންނަކީ އާބާދީ ކުޑައެއްކަމަކު ވަރަށް ހޭލުންތެރި ބަޔެއް

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ