މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: ރައީސް އޮފީސް

ދަޢުލަތަށް ދިގު މުއްތެއްގައި ޚިދުމަތް ކުރުމުގެ އިނާމް ޙުސައިން އަފީފް ސަރ އަށް

ދިވެހި ދަޢުލަތަށް ދިގު މުއްދަތެއްގައި ޚިދުމަތް ކުރުމުގެ އިނާމް ރ. މީދޫ ބަހާރުގޭ ޙުސައިން އަފީފް (އަފީފް ސަރ) އަށް އަރުވައިފިއެވެ.

ޖުމްހޫރީ ދުވަހުގެ މުނާސަބަތުގައި މިރޭ ބޭއްވި ޚާއްސަ ޖަލްސާގައި، އައްޑަނައާއި ބެޖު ހަވާލު ކޮށްދެއްވީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙެވެ. 

ޙުސައިން އަފީފަކީ 44 އަހަރަށްވުރެ ދިގު މުއްދަތެއްގައި ސަރުކާރަށް ޚިދުމަތް ކުރައްވާފައިވާ ބޭފުޅެކެވެ. އެންމެ ދިގު މުއްދަތެއްގައި ޚިދުމަތް ކުރައްވާފައިވަނީ ތަޢުލީމީ ދާއިރާގައެވެ. 

ޙުސައިން އަފީފަކީ، މީދޫގެ ތަޢުލީމު ކުރިއެރުވުމަށާއި މީދޫގެ ތަރައްޤީއަށާއި ކުރިއެރުމަށް އެކި ރޮނގުރޮނގުން ޚިދުމަތް ކުރައްވާފައިވާ ބޭފުޅެކެވެ. ރ. އަތޮޅު ތަޢުލީމީ މަރުކަޒުގެ ޕްރައިމަރީ ޓީޗަރުކަމާއި އެސިސްޓެންޓް ހެޑްމާސްޓަރކަމާއި އަދި ޑެޕިއުޓީ ޕްރިންސިޕަލް ކަމުގެ މަޤާމް ވެސް ވަނީ ފުރުއްވާފައެވެ. 

އަތޮޅުގެ ތަޢުލީމީ ފެންވަރު ރަނގަޅު ކުރެއްވުމަށާއި ދަރިވަރުންނަކީ ހަރުދަނާ ތަރުބިއްޔަތެއް ލިބިފައިވާ އަދި އަހުލާޤީ ގޮތުން ނަމޫނާ ކުދިބަޔަކަށް ހެއްދެވުމަށް ޙުސައިން އަފީފް ކުރައްވާފައިވާ މަސައްކަތަކީ އަތޮޅުގެ ގިނަ ބަޔަކު ހެކިވާ މަސައްކަތެކެވެ. 

ޙުސައިން އަފީފްވަނީ ރ. އަތޮޅު ތަޢުލީމީ މަރުކަޒުގައި ގްރޭޑް 8 އުފެއްދެވުމުގައި އިސް ދައުރެއް އަދާ ކުރައްވާފައެވެ. އެގޮތުން، އަތޮޅުގެ ރަށްރަށަށް ދަތުރު ކުރައްވާ ދަރިވަރުން ހޯއްދަވައިގެން ގުރޭޑް 8 އުފެއްދެވިއެވެ. އަދި އެ ސްކޫލްގައި އޭލެވްލްއަށް ކިޔަވައިދޭން ފެށުމަށް ވެސް އިސްވެ ގިނަ މަސައްކަތްތަކެއް ކުރެއްވިއެވެ. 

ތަޢުލީމީ ދާއިރާގައި ހިލޭ ސާބަހަށް ދެއްވި އެންމެ މުހިންމު ޚިދުމަތަކީ މީދޫ ޕްރީ ސްކޫލް ހިންގެވުމެވެ. ހިލޭސާބަހަށް 12 އަހަރު އެ ސްކޫލް ހިންގަވާފައިވެއެވެ. މީގެ އިތުރުން ރަށް ކުރިއަރުވާ ކޮމެޓީގެ މެންބަރުކަން 12 އަހަރު ކުރައްވާފައިވެއެވެ. 

ޙުސައިން އަފީފް އެންމެފަހުން މަސައްކަތް ކުރެއްވީ މީދޫ ކައުންސިލްގެ ރައީސްގެ ގޮތުގައި އެމަޤާމުގައެވެ. ޙުސައިން އަފީފަކީ، ރ. އަތޮޅުގެ ގިނަ ބައެއްގެ އެދުރެކެވެ. އަތޮޅުގެ ގިނަ ދަރިވަރުންތަކެއްގެ މަޤްބޫލު ޓީޗަރެކެވެ. 

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

1 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މުޙައްމަދު 3 years ago

މަރުހަބާ. ހިދުމަތްތެރި ބޭފުޅެއް

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ