މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: ޔޫތު މިނިސްޓްރީ

އިންނަމާދޫއާއި އަނގޮޅިތީމުން ގާނޫނުގައި ބަޔާންކޮށްފައިވާ މުއްދަތުގައި އަހަރީ ރިޕޯޓު ނުފޮނުވާ

ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުސޫލުން ހިންގުމުގެ ގާނޫނުގައި ވަކި މުއްދަތެއްގައި ފޮނުވުމަށް ކައުންސިލްތަކުގެ މައްޗަށް ލާޒިމްކުރާ، ފާއިތުވި އަހަރުގެ އަހަރީ ރިޕޯޓު ރ. އަތޮޅުގެ ދެ ކައުންސިލަކުން ޤާނޫނުގައި ބުނެފައިވާ ގޮތަށް ހުށަހަޅާފައި ނުވާކަމަށް ރ. އަތޮޅު ކައުންސިލުން ބުނެފިއެވެ.

ލާމަރުކަޒީ ގާނޫނު ބުނާގޮތުން، ކޮންމެ އަހަރެއްވެސް ނިމުމުން، އެ އަހަރުގެ ކައުންސިލްތަކުން ހިންގި ހަރަކާތްތަކުގެ ތަފުސީލު ރިޕޯޓެއް ފެށޭ އަހަރުގެ ޖަނަވަރީ 10 ވަނަ ދުވަހުގެ ކުރިން އަތޮޅު ކައުންސިލަށް ހުށަހަޅަން ޖެހެއެވެ. 

ރ. އަތޮޅު ކައުންސިލުން މިއަދު ނެރުނު ބަޔާނެއްގައި ބުނެފައިވަނީ، ރ. އަތޮޅުގައި އޮންނަ މީހުން ދިރިއުޅޭ 15 ރަށުގެ ތެރެއިން މި ރިޕޯޓު މުއްދަތުގައި ފޮނުވާފައި ނުވަނީ، ރ. އިންނަމާދޫ ކައުންސިލާއި އަނގޮޅިތީމު ކައުންސިލުން ކަމަށެވެ. 

މިކަމާއި ގުޅޭގޮތުން "ފައިނު އޮންލައިން" ގެ ފަރާތުން އިންނަމާދޫ ކައުންސިލްގެ ނާއިބު ރައީސްއާއި ސުވާލު ކޮށްލުމުން ވިދާޅުވީ، މުއްދަތުގައި ރިޕޯޓު ފޮނުވިފައި ނުވަނީ ދިމާވި ޓެކްނިކަލް މައްސަލަތަކެއްގެ ސަބަބުން ކަމަށެވެ. 


 "މި ރަށުގައި ފެންހޮޅި އެޅުމުގެ މަޝްރޫއުގައި މަގު ކޮންނަމުން ދިޔައިރު އެކިފަހަރު ކަރަންޓު ނަރުތައް ކެނޑި، ޕަވަރ ފެއިލްވުމުން ކައުންސިލްގެ ނެޓްވޯކް ސިސްޓަމާއި ސާވަރ ކްރެޝް ވުމުގެ ސަބަބުން ބޮޑެތި ޓެކްނިކަލް މައްސަލަތަކަކާ ދިމާވި. އެހެންވެ ޑެޑްލައިންތައް މީޓް ނުކުރެވުނު. އަދި ވީޕީއެންގެ ހިދުމަތް ވެސް ލިބޭނެ އިންތިޒާމު ހަމަޖެހިފައި ނުވާތީ މިވަގުތުވެސް އިދާރާ އޮޕަރޭޓް ކުރަންޖެހިފައިވަނީ އެ ދަތިތަކާއެކު. ޓެކްނިކަލް މައްސަލަތަކާއެކު ވެސް މިހާރުވާނީ އަހަރީ ރިޕޯޓު ފޮނުވާލާފައި"

ކައުންސިލްގެ ނާއިބު ރައީސް ނުހާން ވިދާޅުވިއެވެ. 

އޭނާ ވިދާޅުވީ، މުއްދަތަށް ރިޕޯޓު ފޮނުވުމުގައި ދިމާވި ދަތިތަކުގެ މައުލޫމާތު ވާނީ އަތޮޅު ކައުންސިލާއި ވެސް ހިއްސާ ކޮށްފައި ކަމަށެވެ. 

މި ރިޕޯޓު މުއްދަތުގައި ފޮނުވާފައިނުވާ ދެވަނަ ކައުންސިލް ކަމަށްވާ އަނގޮޅިތީމު ކައުންސިލްގެ ރައީސް ފައިސަލް "ފައިނު އޮންލައިން" އަށް ވިދާޅުވީ، އެ ކައުންސިލްގެ ރިޕޯޓު ވެސް ފޮނުވާ ނުލެވިވަނީ ދިމާވި ޓެކްނިކަލް މައްސަލައެއްގެ ސަބަބުން ކަމަށެވެ. 

އޭނާ ވިދާޅުވީ، 10 ވަނަ ދުވަހު ރިޕޯޓު ނިންމާލާފައިވާނެ ކަމަށާއި ނަމަވެސް، ފޮނުވާނުލެވުނީ މަގު ކޮނުމުގެތެރޭގައި ނަރެއް ކެނޑުމުގެ ސަބަބުން އިދާރާގެ ނެޓްވޯކްގެ ހިދުމަތް ކެނޑުމުން ކަމަށެވެ. އަދި ޖެހިގެން އައި 11 ވަނަ ދުވަހު އެ ރިޕޯޓު ފޮނުވާލާފައިވާނޭ ކަމަށް ވެސް އޭނާ ވިދާޅުވިއެވެ.  

މި ދެރަށް ފިޔަވާ ދެން އަތޮޅުގައި އޮތް ރަށްރަށުން ގާނޫނީ ޒިންމާ އަދާކޮށްފައިވާތީ އަތޮޅު ކައުންސިލުންވަނީ އެ ކައުންސިލްތަކުގެ މަސައްކަތްތައް ފާހަގަކޮށް އެކަމަށް މަރުހަބާ ކިޔާފައެވެ.

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ