މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41

ދެ ޖިންސުގެ މީހުންގެ މެދުގައި ހަމަނުޖެހުން އުފެދޭތީ އިންނަމާދޫ ވޮލީކޯޓު ބަންދުކޮށްފި

ރ. އިންނަމާދޫގައި އޮންނަ ވޮލީ ކޯޓު ބޭނުންކުރުމުގައި އަންހެނުންނާ ފިރިހެނުންގެ މެދުގައި ހިޔާލުތަފާތުވެ ހަމަނުޖެހުން އުފެދޭގޮތަށް ކަންކަން ވާތީ އެ ރަށު ކައުންސިލުން އެ ދަނޑު ބަންދުކޮށްފިއެވެ.

އިންނަމާދޫ ކައުންސިލުން މިއަދު ނެރުނު ބަޔާނެއްގައި ބުނީ، އެފަދަ ތަންތަނަކީ ކުޅިވަރަށް ލޯބިކުރާ ފަރާތްތަކަށް ހަމަހަމަކޮށް ބޭނުންކުރަން އޮންނަ ތަންތަންކަމުގައި ވިޔަސް، ވޮލީ ކޯޓުގައި އަންހެނުން އަދި ފިރިހެނުން ކުޅެމުންދާއިރު ދެ ފަރާތުގެ ދެމެދުގައި ހަމަނުޖެހުން އުފެދި ވޮލީ ކޯޓުގައި ހުރި ވަސީލަތްތަކަށް ބަޔަކު ގެއްލުންދެމުން ދާކަމަށެވެ.

އެހެންކަމުން އެ އަމަލު ހަރުކަށި އިބާރާތުން ކުށްވެރި ކުރާކަމަށް ކައުންސިލުން ވަނީ ބުނެފައެވެ.
ވޮލީ ކޯޓަށް ބައެއް ގެންލުންދީ ނެޓު ނަގާފައި - ފޮޓޯ: މީސްމީޑިއާ
އެ ރަށުން ވާހަކަ ދެއްކި މީހަކު ބުނީ، އަންހެނުން ވެސް އަދި ފިރިހެނުން ވެސް ވޮލީ ކުޅެން ވޮލީ ދަނޑު ބޭނުންވަނީ ހަވީރުކަމަށެވެ. ނަމަވެސް ޓާފް އަޅާފައި އޮންނަނީ އެއް ދަނޑުކަމަށްވާތީ ދެ ޖިންސަށް އެކި ދުވަހަށް އެ ގަޑި ބަހާލައިގެން ކުޅޭގޮތަށް ހެދުމުން ވެސް ހަމަނުޖެހުން އުފެދެމުން ދާކަމަށެވެ.

އެގޮތުން، އަންހެނުން ކުޅެން ދާއިރު ނެޓް ކޮށާލާފައި ހުންނަކަމަށާއި، އަދި ފިރިހެނުން ވޮލީ ކުޅެ ނިންމާފައި ދަމުން ޕޯސްޓް (ނެޓު ދަމަން ޖަހާ ހޮޅި) އަދި ނެޓް ވެސް ނަގައިގެން ހިފައިގެން ދާތީ އެކަން މައްސަލައަކަށް ވެފައިވާކަމަށް ވަނީ ބުނެފައެވެ.

އަދި އެކި ފަހަރު މިހާރު ކައުންސިލުން ވެސް ނެޓު ދީފައިވާކަމަށާއި ނަމަވެސް އެ ނެޓުތައް ގެއްލުމާއި ކޮށާލުމުގެ ކަންކަން ހިނގާކަމަށް ވަނީ ބުނެފައެވެ.  
ކައުންސިލުން ކުރި އިއުލާނު
ކައުންސިލުން ބުނީ ދެ ޖިންސުގެ މީހުންނަށް ވެސް ކުޅެވޭގޮތަށް ވޮލީ ދަނޑުގެ ކަންކަން ވީ އެންމެއަވަހަކަށް އެ ކައުންސިލުން ހަމަޖައްސާނެކަމަށެވެ. އަދި އެކަމަށް ހައްލެއް ގެނެވެންދެން މިއަދުން ފެށިގެން ޓާފް ވޮލީ ދަނޑާއި ވެލި ދަނޑު ވެސް ބަންދުކޮށްފައިވާކަމަށް ކައުންސިލުން ވަނީ ބުނެފައެވެ. އަދި ބަންދުކޮށްފައި ހުއްޓާ އެއްވެސްބަޔަކު އެތަނުގައި ކުޅެ ހަދާނަމަ ގާނޫނީ ފިޔަވަޅު އަޅާނެކަމަށް ވެސް ވަނީ ބުނެފައެވެ.

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

1 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

އަތާޝާ އަލީ 6 hours ago

މި ޚަބަރަކީ އެންމެ ރަނގަޅު މައުލޫމާތު ލިބިގެން ލިޔެފައިވާ ޚަބަރެއް ނޫން. ހަޤީގަތް ވަރަށް ބޮޑަށް އޮޅޭގޮތައް މިއޮތީ. ދެރަ ކަންކަން!

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ