މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41

ނަފްހާ ބީއާރްޕީގެ ފައިނަލަށް - މިއީ ހަމައެކަނި ހުށަހެޅުންތެރިއެއް ނޫން

ނަފްހާ ނަސީމް. ތިޔަ ބޭފުޅުންނަށް މިހާރު އެނގިފައިވާނީ ބެސްޓް ރޭޑިއޯ ޕްރެޒެންޓަރ މުބާރާތުގެ ރަނގަޅު ހިސާބަކަށް ދަތުރުކޮށްފައިވާ ބައިވެރިއެއްގޮތަށެވެ. މުބާރާތުގައި ގިނަ ބައިވެރިންތަކެއް ވާދަކުރިނަމަވެސް، ފަހުރުވެރި ފައިނަލަށް ދަތުރުކުރުމުގެ ފުރުސަތު ލިބިފައިވަނީ އެންމެ 5 ބައިވެރިއަކަށެވެ. ނަފްހާ މުބާރާތުގައި ދެއްކި ހުނަރާއި ހިތްވަރުން ހަމަޔަގީނުންވެސް ފާހަގަވެފައިވާނީ ހުށަހެޅުންތެރިކަމުގެ ހުނަރުހުރި ކުޅަދާނެ ކުއްޖެއްގޮތަށެވެ. ރޭޑިއޯ ޕްރޮގްރާމްތައް ހުށަހެޅުމަށް މޮޅު ކުއްޖެއްގޮތަށެވެ.

ނަމަވެސް، ނަފްހާއަކީ ހުށަހެޅުންތެރިކަމުގެ އިތުރުންވެސް އެތައް ބައިވަރު ހުނަރެއްހުރި އެ ހުނަރު ސާބިތު ކޮށްދީފައިވާ ކުއްޖެކެވެ. ސްކޫލް ދައުރަށް ބަލާލާނަމަ އެންމެ ފާހަގަކޮށްލެވޭ އެއްކަމަކީ ނަފްހާއަކީ ތައުލީމަށް ލޯބިކުރާ ދަރިވަރެއްކަމެވެ. ފައިނު ސްކޫލްގައި ތައުލީމް ހާސިލުކޮށް ނަފްހާ ވަނީ މިހާތަނަށް ފައިނު ސްކޫލްގައި ދަރިވަރަކު ހޯދި އެންމެ މަތީ ނަތީޖާ އޯލެވެލް އިމްތިހާނުގައި ހޯދާފައެވެ. އެގޮތުން ޓޮޕް އެޗީވާރސް އެވޯޑް ސުކޫލް ލެވެލް އަދި ނޭޝަނަލް ލެވެލް ހާސިލުކޮށްފައިވާއިރު 2023-2024 ވަނަ އަހަރުގެ ބެސްޓްއޯލްރައުންޑްގެ މަގާމުވެސް ހޯދީ ނަފްހާ ނަސީމްއެވެ. 

ނަފްހާ ވަނީ ފައިނު ސްކޫލްގެ 2023-2024 ވަނަ އަހަރުގެ އެންމެ މޮޅު ދަރިވަރުގެ މަގާމް ހޯދާފައި
ދީނީ އަދި އަދަބީ ދާއިރާއަކީ ވެސް ނަފްހާގެ ފާހަގަކޮށްލެވޭ ރޮނގުތަކެވެ. ސީވައިއެސްއިން ފުރަތަމަ ބޭއްވި ޤުރްއާން މުބާރާތުގެ  އެއްވަނަ ހާސިލުކުރީ ނަފްހާއެވެ. އޭގެ ފަހުން ވެސް، ޤުރްއާން ކިޔެވުމާއި، މަދަހަ ކިޔުމުގެ ރޮނގުން ރަށު ފެންވަރުގައާއި އެކި މުބާރާތްތަކުގައި އޭނާ ވަނީ ތަކުރާރުކޮށް އެއްވަނަ މަގާމުތައް ކަށަވަރުކޮށްފައެވެ. އެގޮތުން އެންމެފަހުން ފައިނުގައި ސީވައިއެސްގެ ފަރާތުން ބޭއްވި ޤުރްއާން މުބާރާތާއި މަދަހަ މުބާރާތުގެ ވެސް 1 ވަނަ ހޯދީ ނަފްހާއެވެ. މީގެ އިތުރުން ޤުރްއާން ކިޔެވުމުގެ ގައުމީ މުބާރާތުގައި އެކިފަހަރު ފައިނު ތަމްސީލުކޮށްފައިވާއިރު ފާހަގަކޮށްލެވޭ ވަނަތައް ވެސް ހޯދާފައިވެއެވެ. 
ޤުރްއާން މުބާރާތްތަކުން ގިނަ ވަނަތަކެއް ނަފްހާ ހޯދާފައިވޭ --
މީގެ އިތުރުން ޅެންވެރިކަމަކީ ވެސް ނަފްހާގެ ފާހަގަކޮށްލެވޭ ހުނަރެކެވެ.  އެގޮތުން ދިވެހި ބަހުގެ އެކަޑެމީން ބޭއްވި ޅެންހެދުމުގެ 27 ވަނަ ގައުމީ މުބާރާތުން ނަފްހާވަނީ މަތީސާނަވީ ބައިން 3 ވަނަ ހޯދާފައެވެ. އަދި ބައެއް އިހުތިފާލުތަކަށް ޅެން ހަދާދީފައިވާކަން ވެސް ފާހަގަ ކުރެވެއެވެ. މިފަދަ ވަނަތަކުން ހާމަވަނީ، ނަފްހާއަކީ ބަހުގެ މުއްސަނދިކަން ލިބިފައިވާ، ހިޔާލުތައް އަތުރާލަން ދަންނަ ކުޅަދާނަ ކުއްޖެއްކަމެވެ. 
-
ކުޅިވަރުގެ މައިދާނުގައި ވެސް އޭނާއަކީ ރަށު ފެންވަރުގައި ފާހަގަކޮށްލެވޭ ކުޅުންތެރިއެކެވެ. ހޭންޑްބޯލް، ނެޓްބޯލް އަދި ވޮލީބޯލް ކުޅެން މޮޅު ކުޅުންތެރިއެއްގޮތަށް ފާހަގަކޮށްލެވޭއިރު، ހާއްސަކޮށް ނެޓްބޯލް އަދި ހޭންޑްބޯލް މުބާރާތްތަކުގައި އޭނާ ވަނީ މެޗްގެ މޮޅު ކުޅުންތެރިޔާގެ މަގާމު އެކިފަހަރު ހޯދާފައެވެ. 
ފޮޓޯ: ފައިނު އޮންލައިން
ނަފްހާއަކީ ސްކައުޓްފަދަ އިޖުތިމާއީ މަސައްކަތްތަކާއި، މުނިފޫހިފިލުވުވުމުގެ ކަންކަމުގައި ވެސް ހުނަރުހުރި އެފަދަ އެކި ހަރަކާތްތަކުގައި ބައިވެރިވެފައިވާ ފަރާތެކެވެ. 

މީގެ އިތުރުން، ނަފްހާއަކީ އަމިއްލަ ފައިމައްޗަށް ތެދުވުމަށް އަމިއްލަ ބްރޭންޑެއް އުފަންކުރުވާ އެ ބްރޭންޑް މަގުބޫލު ބްރޭންޑަކަށް ހަދާފައިވާ ފަރާތެކެވެ. އަތްތެރި މަސައްކަތަށް ހުންނަ ފަންނީ ހުނަރު ބޭނުންކޮށްގެން އޭނާ އުފައްދާފައިވާ 'ޑެއިޒީ އެމްވީ" ބްރޭންޑަކީ މިއަދު ގިނަބައެއްގެ އިތުބާރު ލިބިފައިވާ ބްރޭންޑެކެވެ. 
އީދުގައި ފައިނުގައި ކުރިއަށް ގެންދާ ކުރުފަލި ލަވައިގެ ތެރެއިން
ޑެއިޒީއެމްވީގެ އިންސްޓަގްރާމް ސްކްރީންޝޮޓް
މިހުރިހާ ކަމަކަށް ބަލާއިރު، 'ބެސްޓް ރޭޑިއޯ ޕްރެޒެންޓަރ' މުބާރާތުގެ ފައިނަލުން އަޅުގަނޑުމެންނަށް މި ފެންނަނީ ހަމައެކަނި މޮޅު ވާހަކަދެއްކުންތެރިއެއް ނޫނެވެ. އެއީ ތައުލީމީ ގޮތުން ލާމަސީލު، ކުޅިވަރުގައި ހުނަރުވެރި، ދީނީ ކަންކަމަށް ލޯބިކުރާ، އަދި އަމިއްލަ އުފެއްދުންތެރިކަމުގައި ކުރިއަރާފައިވާ މަލްޓި-ޓެލެންޓެޑް' ޒުވާނެކެވެ. ރ. ފައިނަށް އުފަން ނަފްހާ މިއަދު މުޅި ރާއްޖެއަށް މަޝްހޫރުވެ، ދައުލަތުގެ މީޑިއާގެ އެންމެ ބޮޑު އެއް މުބާރާތުގެ ފައިނަލަށް ދަތުރުކުރުމަކީ ފައިނުގެ ކޮންމެ ރައްޔިތަކަށާއި، ނަފްހާ ދަންނަ ކޮންމެ މީހަކަށް ލިބޭ ވަރަށް ބޮޑު ފަހުރެކެވެ.

މި މުބާރާތުގައި ފައިނަލްގައި ނަފްހާއަށް ވޯޓު ދިނުމުގެ ފުރުސަތު މިހާރުވަނީ ހުޅުވާލާފައެވެ. ޕީއެސްއެމް އެއާ އެޕް މެދުވެރިކޮށް ވޯޓު ދެވެންއޮތްއިރު ސުންގަޑިއަކަށް ދީފައިވަނީ 5 ޖުލައި 2026 ވާ އާދިއްތަ ދުވަހުގެ 23:00 އެވެ. 

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ