މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
އަލަށް އައްޔަންކުރެވުނު މެންބަރުންނާއިއެކު ބައްދަލުވުމެއް ކުރިޔަށްދަނީ - ފޮޓޯ: އެލްޖީއޭ

މި މަރުހަލާގައި ކައުންސިލްތައް ހިންގަންޖެހޭގޮތުގެ އުސޫލު އާންމު ކޮށްފި

އިބްރާހިމް ފަހީމް

ކައުންސިލް އިންތިޚާބު ބޭއްވެންދެން މިހާރު ތިބި ކައުންސިލަރުންގެ ދަޢުރު ދަންމާލާފައިވާ މި މުއްދަތުގައި ކައުންސިލްތައް ހިންގުމުގައި ޢަމަލު ކުރަންޖެހޭ ގޮތުގެ އުޞޫލެއް އެލްޖީއޭއިން އާންމުކޮށްފިއެވެ.

ޤާނޫނު ނަންބަރު: 3/2020 (ލޯކަލް ކައުންސިލްތަކުގެ އިންތިޚާތިޚާބުގެ ޚާއްޞަ ޤާނޫނު) ގައި ކަނޑައަޅާފައިވާ ގޮތަށް ލޯކަލް ކައުންސިލްތަކުގެ އިންތިޚާބު ބާއްވައި، އާ މެންބަރުން އިންތިޚާބުވެ މަޤާމަށް ޙަވާލުވަންދެން، ވަގުތީ ގޮތުން ކައުންސިލްތަކުން ފޯރުކޮށްދޭންޖެހޭ ޚިދުމަތްތައް ފޯރުކޮށްދިނުމުގައި ކައުންސިލްތަކުން ޢަމަލުކުރާނެ ގޮތާއި މަޤާމުގައި ދެމިތިބޭ މުއްދަތުގައި ކައުންސިލަރުންނަށް ލިބޭ ޗުއްޓީތަކާއި، ކައުންސިލަރުންގެ މަޤާމުގެ މަސްއޫލިއްތާ ޚިލާފުވާ ޙާލަތްތަކުގައި ފިޔަވަޅު އެޅުމާގުޅޭ އުޞޫލުތައް ބަޔާންކުރުމަށްޓަކައި އެކުލަވާލާފައިވާ މި އުޞޫލުގައި ކައުންސިލްތައް ހިންގުމުގައި ޢަމަލު ކުރަންޖެހޭ ގިނަ ކަންތައްތަކެއް ބަޔާން ކޮށްފައިވެއެވެ.

އެގޮތުން ފާހަގަ ކޮށްލެވޭ މުހިންމު ބައެއް ކަންކަމުގެ ތެރޭގައި، ގިނަ ކަންތައްތަކެއް ކުރުމުގެ ކުރިން އެލްޖީއޭގެ ހުއްދަ ހޯދަންޖެހޭ ގޮތަށްވަނީ އުޞޫލުގައި ހިމަނާފައެވެ. އޭގެ ތެރޭގައި، ކައުންސިލުގެ އިޚްތިޞާޞްގައި ހިމެނޭ ބިމެއް ނުވަތަ ޢިމާރާތެއްފަދަ ރައުސުލްމާލެއް ވިއްކުމާއި، ކައުންސިލުގެ އިޚްތިޞާޞްގައި ހިމެނޭ ބިމެއް ނުވަތަ ޢިމާރާތެއްފަދަ ރައުސުލްމާލެއް 6 (ހައެއް) މަސްދުވަހަށް ވުރެ ދިގު މުއްދަތަކަށް ކުއްޔަށް ދިނުން، ނުވަތަ އެއްބަސްވުމުގެ މުއްދަތު އިތުރުކުރުމާއި ކައުންސިލުގެ އިޚްތިޞާޞްގައި ހިމެނޭ ބިމެއް ނުވަތަ ޢިމާރާތެއްފަދަ ރައުސުލްމާލެއް އަގެއް ނުލިބޭ ގޮތަށް އެހެން ފަރާތަކަށް ދިނުން ނުވަތަ ޙަވާލުކުރުމާއި، ކައުންސިލް ޒިންމާވާގޮތަށް ދަރަންޏަށް ފައިސާ ނެގުމާއި، ދަރަންޏަށް ފައިސާ ދިނުމާއި، ޢާއްމު ޚިދުމަތްތައް ދިނުމަށް އިންވެސްޓުކުރުމާއި، ވިޔަފާރިތަކަށް އިންވެސްޓުކުރުމާއި، ރައްޔިތުންގެ ނަމުގައިހުރި ފައިސާއިން ޚަރަދުކުރުމާއި، ސަޕްލިމެންޓަރީ ބަޖެޓު ފާސްކުރުމާއި، ކައުންސިލުގެ އިދާރީ އޮނިގަނޑަށް ބަދަލު ގެނައުމާއި އަދި ކައުންސިލަށް މުވައްޒަފުން ލުމާއި ވަކިކުރުމުގެ ކުރިން އެލްޖީއޭގެ ހުއްދަ ހޯދަންޖެހޭގޮތަށް ވަނީ ހިމަނާފައެވެ.

ޖުމުލަ 45 ޞަފްހާގެ މި އުޞޫލުގައި މިނޫންވެސް ގިނަ ޙާލަތްތަކެއްގައި ޢަމަލު ކުރަންޖެހޭ ގޮތްތައް ވަރަށް ތަފްޞީލްކޮށް ބަޔާން ކޮށްދީފައިވެއެވެ.

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ