ބޮލީވުޑްގެ އެކްޓަރ ވަރުން ދަވަން ކައިވެނިކޮށްފި

25 ޖެނުއަރީ 2021, ހޯމަ, 12:48

ބޮލީވުޑްގެ އެކްޓަރ ވަރުން ދަވަން ކައިވެނި ކޮށްފިއެވެ.

ދަވަން ކައިވެނި ކޮށްފައިވަނީ، ލޯބީގެ ގޮތުން ގުޅިގެން އުޅޭތާ ގިނަ ދުވަސްތަކެއް ވުމަށްފަހު ކައިވެނީގެ ވާހަކަ ދެކެވޭތާ ތިން އަހަރެއްހާ ދުވަސް ފަހުންނެވެ.

އަލީބާގްގެ ހޮޓަލެއްގައި އޮތް، ވަރުން އާއި ނަތާޝާ ދަލާލްގެ ކައިވެނީގެ ހަފްލާގައި އާއިލާގެ މީހުނާއި ބޮލީވުޑްގެ ގިނަ ތަރިންތަކެއް ބައިވެރިވިއެވެ. މިދިޔަ ބުރާސްފަތި ދުވަހުން ފެށިގެން ކައިވެންޏާ ގުޅުން ހުރި އެކިއެކި ހަފުލާތައް ކުރިއަށް ގެންގޮސްފައިވެ އެވެ. އަދި ކައިވެނީގެ ރިސެޕްޝަން މި މަހުގެ 26 ގައި މުމްބާއީގައި ބާއްވާ ގޮތަށް ހަމަޖެހިފައިވާއިރު އެ ހަފުލާގައި މުޅި ބޮލީވުޑް އެއްކޮށްހެން ބައިވެރިވާނެ އެވެ.