މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: ނަޢުޝާދު

ފައިނު އަތިރިމަތީ ހުރި ދުވަސްވީ އިތުރު 2 ގަސް ވެއްޓެނީ

އިރުވައިގެ ގޮނޑު ރާޅު ބޮޑުވާނަމަ ފައިނު އުތުރުފަރާތު އަތިރިމަތީ ހުރި ގިނަ ދުވަސްވީ ކާނިގަސްތަކުގެ ތެރެއިން އިތުރު 2 ގަސް މިރޭވެސް ވެއްޓިދާނެކަމަށް ބެލެވިއްޖެއެވެ. މިސަރަޙައްދުގައި ހުރި ގިނަ ދުވަސްވީ ގަސްތަކުގެ ތެރެއިން 2 ގަސް ދުވަސްކޮޅެއްކުރިން ވަނީ ވެއްޓިފައެވެ. 

ވެއްޓިދާނެކަމުގެ ބިރު ހީވެފައިވާ މި ދެގަސް ހިމާޔަތް ކުރެވޭތޯ މިއަދުވެސް ކައުންސިލާއި ރައްޔިތުން ގުޅިގެން ވަނީ ކޮންމެވެސްވަރެއްގެ މަސައްކަތްތަކެއް ކޮށްފައެވެ. ގަސްތަކަށް ފުރިހަމަ ހިމާޔަތެއް ދެވޭނެކަމަށް ޤަބޫލު ނުކުރެވުނު ކަމުގައިވިޔަސް ރަށު ފެންވަރުގައި ކުރެވެންހުރި މަސައްކަތްތައް ރައްޔިތުން ވަނީ ކޮށްފައެވެ. 

މިސަރަހައްދުގެ ޙާލަތަށް ބެލުމުން އެނގެނީ، މިގަސްތަކަށް އެކަށީގެންވާ ހިމާޔަތެއް ދެވޭނީ، ސަރުކާރުގެ ލެވެލްގައި ޢަމަލީ މަސައްކަތްތަކެއް ކުރެވިގެންކަމެވެ. މި ސަރަޙައްދުގެ ޙާލަތު ދިރާސާ ކުރެއްވުމަށް ދާދިފަހުން އީ.ޕީ.އޭއާއި އެންވަޔަރަމަންޓް މިނިސްޓަރީގެ ޓީމެއްވަނީ ފައިނަށް ޒިޔާރަތްކޮށްފައެވެ. 

ނަމަވެސް، މިއަދާއި ހަމައަށްވެސް މިމައްސަލައަށް ޙައްލެއް ހޯދުމަށް ޢަމަލީ މަސައްކަތެއް ކުރެވިފައި ނުވާކަމީ ފައިނު ރައްޔިތުންގެ ވަރަށް ބޮޑު ކަންބޮޑުވުމެކެވެ. 

ފައިނު ރައްޔިތުންގެ މައިގަނޑު ކަންބޮޑުވުމަކީ، އަތިރިމަތީ ދޮން ވެލިގަނޑު ގިރާލައިގެން ދިޔުމަށްވުރެ އެސަރަޙައްދުގައި ހުރި 200 އަހަރަށްވުރެ ގިނަވެފައިވާ ދުވަސްވީ ބޮޑެތި ގަސްތައް ވެއްޓުމެވެ. 

އިރުވައި މޫސުމުގެ ދުވަސްތައް އަދިވެސް ކުރިޔަށް އޮތުމާއިއެކު މިސަރަޙައްދު ހިމާޔަތް ކުރުމަށް ކޮންމެވެސް ޢަމަލީ މަސައްކަތެއް އަވަހަށް ފެށިގެން ދިޔުމަކީ ފައިނު ރައްޔިތުންގެ އެދުމެކެވެ. 

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

1 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ސޭވްފައިނު 5 years ago

ހާދަހާވާ ދެރައެވެ.

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ