މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: އަތޮޅު ކައުންސިލް

އެއަރޕޯޓު އަޅާނެ ރަށެއް ނިންމަން ރައްޔިތުންގެ ވޯޓެއް ނަގަން ރ. އަތޮޅު ކައުންސިލުން ނިންމައިފި

ރ. އަތޮޅުގެ ދެކުނު ބިތުގައި އަޅާ އެއަރޕޯޓު އަޅާނެ ރަށެއް ނިންމުމަށް ރ. އަތޮޅުގެ ހުރިހާ ރައްޔިތުންގެ ވޯޓެއް ނަގަން އަތޮޅު ކައުންސިލުން ނިންމައިފިއެވެ.

އަތޮޅު ކައުންސިލުން މިގޮތަށް ނިންމާފައިވަނީ މިއަދު ބޭއްވި އެ ކައުންސިލްގެ ޖަލްސާގައެވެ.

ދެކުނު ބިތުގައި އަޅާ އެއަރޕޯޓު ފައިނުގައި އެޅުމަކީ ރައީސް ޑރ. މުޢިއްޒުގެ ރިޔާސީ ވައުދެކެވެ. އަދި މިހާރު ވަނީ ފައިނުގައި އަޅާ އެއަރޕޯޓުގެ މަސައްކަތުގެ ސާވޭތައް ވެސް ފަށާފައެވެ. 

ނަމަވެސް، އަތޮޅު ކައުންސިލްގައި ހިމެނޭ ރަސްމާދޫ ކައުންސިލްގެ ރައީސް މިއަދުވަނީ އަތޮޅުގެ ދެކުނު ބިތުގައި އަޅާ އެއަރޕޯޓު އަޅާނެ ރަށަކާ ގުޅޭގޮތުން އަތޮޅު ކައުންސިލުން ދެކޭގޮތް ހާމަކުރުމަށް މައްސަލައެއް އެޖެންޑާ ކޮށްފައެވެ. 

މި ޖަލްސާގައި ކިނޮޅަސް ކައުންސިލްގެ ރައީސް އަޙްމަދު ޙުސައިން ހުށަހަޅުއްވާފައިވަނީ، އެއަރޕޯޓު އަޅާނެ ރަށެއް އަތޮޅުގެ ރައްޔިތުން ނިންމުން މުހިންމު ކަމަށާއި އެހެންކަމުން މުޅި އަތޮޅު ހުރިހާ ރައްޔިތުން ހިމެނޭހެން ފިޒިކަލް ވޯޓެއް ނެގުމަށެވެ.

އެގޮތުން މާލޭގައި 1 ފޮށި އަދި އަތޮޅު ހުރިހާ ރަށެއްގައި ކޮންމެ ރަށެއްގައި ފޮއްޓެއް ބަހައްޓައިގެން އެއް ދުވަހެއްގައި ހުރިހާ ރަށެއްގައި ވޯޓެއް ނެގުމަށް އަޙްމަދު ޙުސައިންވަނީ ހުށަހަޅުއްވާފައެވެ.

އަޙްމަދު ޙުސައިންގެ ހުށަހެޅުމަށް ތާއީދު ކުރައްވާފައިވަނީ އަތޮޅު ކައުންސިލްގެ ރައީސް ޙުސައިން ނާސިފްގެ އިތުރުން މީދޫ ކައުންސިލްގެ ރައީސް ހަސަން ޝަރީފެވެ.

މިއަދުގެ ޖަލްސާގައި 13 މެންބަރުން ބައިވެރިވިއެވެ.

އަދި މިގޮތަށް ފާސްކުރަން ވޯޓު ދީފައިވަނީ 9 މެންބަރުންނެވެ.

އެއީ، އަނގޮޅިތީމު ކައުންސިލްގެ ރައީސް، ހުޅުދުއްފާރު ކައުންސިލްގެ ރައީސް، މީދޫ ކައުންސިލްގެ ރައީސް، ވާދޫ ކައުންސިލްގެ ރައީސް، އިންނަމާދޫ ކައުންސިލްގެ ރައީސް، ކިނޮޅަސް ކައުންސިލްގެ ރައީސް، ރަސްމާދޫ ކައުންސިލްގެ ރައީސް، ރަސްގެތީމް ކައުންސިލްގެ ރައީސް އަދި އަތޮޅު ކައުންސިލްގެ ރައީސްއެވެ.

ކައުންސިލުން މިގޮތަށް ނިންމިނަމަވެސް އަތޮޅު ރައްޔިތުންގެ ވޯޓު ނަގާނެ ދުވަހެއް އަދި ނުނިންމައެވެ.

ގުޅޭ ލިޔުންތައް

މިލިޔުން ކިޔާލުމުން

100%
އުފާވި
0%
ދެރަވި
0%
ހިނިއައި
0%
ރުޅިއައި

1 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ފްލައިޓް 2 months ago

ވޯޓު އެއްވަރުނުވަނީސް ވޯޓުލާ ރައީސެއް މިނޫނީ ނެތް 😂

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ