މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: ރ. އަތޮޅު ކައުންސިލް

އަތޮޅު ކައުންސިލްތައް އުވާލާތީ ކަންބޮޑުވުން ފާޅުކުރަން ރ. އަތޮޅު ކައުންސިލުން ރައީސްއަރިހަށް

އަތޮޅު ކައުންސިލްތައް އުވާލަން މި ސަރުކާރުން ގެންގުޅުއްވާ ސިޔާސަތާ ދެކޮޅުކަން ހާމަކޮށް އެކަމުގެ ކަންބޮޑުވުން ފާޅު ކުރުމަށް ރ. އަތޮޅު ކައުންސިލުން ރައީސް ޑރ. މުޙައްމަދު މުޢިއްޒާ ބައްދަލުކުރަން ނިންމައިފިއެވެ.

ރ. އަތޮޅު ކައުންސިލުން މިގޮތަށް ނިންމާފައިވަނީ މި މަހުގެ 15 ވަނަ ދުވަހު ބޭއްވި އެ ކައުންސިލްގެ މި އަހަރުގެ 5 ވަނަ އާންމު ޖަލްސާގައެވެ. 

މި މައްސަލަ އެޖެންޑާ ކޮށްފައިވަނީ އަނގޮޅިތީމު ކައުންސިލްގެ ރައީސް ފައިސަލް ނަސީމެވެ. އަދި ޖަލްސާގައި މިކަމާ ގުޅޭގޮތުން ބަހުސް ކުރުމަށްފަހު މާލެއަށް ދަތުރެއް ކުރަން ހުށަހެޅުމެއްގެ ގޮތުގައި ހުށަހެޅުއްވީ ކިނޮޅަސް ކައުންސިލްގެ ރައީސް އަޙްމަދު ޙުސައިނެވެ. 

އަޙްމަދު ޙުސައިންގެ ހުށަހެޅުމުގައިވަނީ، އެންމެހާ ބާރުތައް ފެށިގެން އަންނަނީ ރައްޔިތުންގެ އަތްމަތިން ކަމަށް ވެފައި، ރައްޔިތުންނާ ގާތުން ހިދުމަތް ފޯރުކޮށްދިނުމަށް އަމަލުކުރަމުން އަންނަ ލާމަރުކަޒީ ގާނޫނުން ލިބިދޭ ބާރުތައް ނިގުޅައިގަނެ ހުރިހާ ބާރެއް ރައީސްގެ މުށުތެރެއަށް ލުމަށް މަސައްކަތް ކުރަމުން އަންނަކަމަށެވެ. 

އެހެންކަމުން އެ މަސައްކަތުގެ ދަށުން އަތޮޅު ކައުންސިލްތައް އުވާލުމަށް ސަރުކާރުން ގެންގުޅޭ ވިސްނުން ދެނެގަތުމަށް، ސިޓީސް މިނިސްޓްރީ އާއި ލޯކަލް ގަވަރމަންޓް އޮތޯރިޓީއާ ބައްދަލުކުރުމަށް ބޭނުންވާ ކަމަށާއި އަދި އަތޮޅު ކައުންސިލްގެ މެންބަރުންގެ މެދުގައިހުރި ކަންބޮޑުވުންތައް ހިއްސާ ކުރުމަށް ރަސްމީ ހައިސިއްޔަތުން މާލެއަށް ދަތުރެއް ކުރުމަށް އަތޮޅުގެ ރަށްތަކުގެ ކައުންސިލްތަކަށް ސިޓީއެއް ފޮނުވައިގެން އިންތިޒާމުތައް ހަމަޖެއްސުމަށް އޭނާ ވަނީ ހުށަހަޅުއްވާފައެވެ. 

ރ. އަތޮޅު ކައުންސިލުން މިފަދަ ނިންމުމެއް ނިންމާފައިވާއިރު، ރައީސް ޑރ. މުޙައްމަދު މުޢިއްޒު މިފަހުންވަނީ ހަރަދު ކުޑަކުރުމުގެ ގޮތުން ކައުންސިލްތަކުގެ މެންބަރުންނާ އަންހެނުންގެ ތަރައްގީއަށް މަސައްކަތް ކުރާ ކޮމެޓީތަކުގެ މެންބަރުންގެ އަދަދު މަދުކުރުމަށާއި އަތޮޅު  ކައުންސިލްތައް އުވާލުމަށް އެމަނިކުފާނު ބޭނުންފުޅުވާކަމަށާއި އެގޮތަށް ގާނޫނުތަކަށް ގެންނަންޖެހޭ ބަދަލުތައް ގެންނަވާނެކަމަށް ވިދާޅުވެފައެވެ. 

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ