މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: މީދޫ ޓައިމްސް

ޖަމްޢިއްޔަތުއް ޞަލާހުން ރ. މީދޫ މަސްޖިދުލް ފަލާޙް އޭސީކޮށްދީ ބޭނުންކުރަން ފަށައިފި

އިބްރާހިމް ފަހީމް

ރ. މީދޫއަށް ނިސްބަތްވާ އަމިއްލަ ޖަމްޢިއްޔާއެއްކަމަށްވާ ޖަމްޢިއްޔަތުއް ޞަލާހްގެ ފަރާތުން އެރަށު މަސްޖިދުލް ފަލާހް އޭސީ ކޮށްދީ ބޭނުން ކުރަންފަށައިފިއެވެ.

މިމިސްކިތް އޭސީ ކޮށްދީފައިވަނީ އެޖަމްޢިއްޔާގެ މެންބަރުންގެ ދީލަތި އެހީތެރިކަމާއިއެކު ކަމަށް އެޖަމްޢިއްޔާއިން މަޢުލޫމާތު ދެއެވެ. އަދި އޭސީ ހަރުކުރުމާއި މިމަސައްކަތާއި ގުޅިގެން މިސްކިތަށް ގެންނަންޖެހުނު އިތުރު ބަދަލުތަކުގެ ތެރޭގައި ހިމެނޭ ދޮރުތައް ބެއްދުމުގެ މަސައްކަތް ފަދަ ބަދަލުތައް ގެނައުމުގެ ބުރަ މަސައްކަތްވެސް ކޮށްފައިވަނީ އެޖަމްޢިއްޔާގެ މެންބަރުން ހިލޭ ސާބަހަށެވެ.  ޖުމުލަ 3 އޭސީ މިސްކިތުގައި ހަރުކޮށްދީފައިވާއިރު  މިމިސްކިތަކީ، 200 މީހުންގެ ޖާގައިގައި އެޖަމްޢިއްޔާއިން އެރަށުގައި ޢިމާރާތް ކޮށްދީފައިވާ މިސްކިތެއްކަންވެސް ފާހަގަ ކޮށްލެވެއެވެ. 
އޭސީ ގަތުމުގައި ހެޔޮއެދޭ ދީލަތި ފަރާތްތަކުން ވެދެއްވާފައިވާ އެހީތެރިކަމަށާއި މިކަމަށް އެހީތެރިވެ ހުރިހާ ފަރާތްތަކަށް ޖަމްޢިއްޔާގެ މެންބަރުންގެ ނަމުގައި އިޙުލާސްތެރިކަމާއިއެކު ޝުކުރު ދަންނަވަން އަދި އެބޭފުޅުންގެ މުދަލުގައި ބަރަކާތްލެއްވުން އެދި ދުޢާކުރަން. މިފަދަ ކަންކަން ކުރެވިގެން މިދަނީ ޖަމްޢިއްޔާގެ އާންމު މެންބަރުންގެ ހިތްވަރާއި، ގުޅިގެން ކުރައްވާ މިންނަތް މަސައްކަތުން ކަމަށްވާތީ މެންބަރުންނަށް ސާބަސް ރައްދުކުރަން. ﷲ ގެ އިރާދަފުޅާއެކު ކުރިޔަށް އޮތްތަނުގައިވެސް ރަށަށް ބޭނުންވާ ތަރައްޤީއާއި ކުރިއެރުން ހޯދުމުގައި ޖަމްޢިއްޔަތުއް ޞަލާހް އަބަދުވެސް ނަމޫނާ ދައްކާނެ
ޖަމްޢީއްޔާގެ ރައީސް ޢަބްދުﷲ ޝިހާމް ވިދާޅުވިއެވެ. 


އޭސީ ހަރުކުރުމުގެ މަސައްކަތުގައި ޖަމްޢިއްޔާގެ މެންބަރުން ހަރަކާތްތެރިވަނީ - ފޮޓޯ: އެމްޖޭއެސް
ރ. މީދޫ ޖަމްޢިއްޔަތުއް ޞަލާޙްއަކީ، ދިވެހިރާއްޖޭގައި އެންމެ ގިނަ ދުވަސްވީ އަމިއްލަ ޖަމްޢިއްޔާތަކުގެ ތެރޭގައި ހިމެނޭ މުޅި ރާއްޖެއަށްވެސް މަޝްހޫރު ޖަމްއިއްޔާއެކެވެ. 1979 ގައި އުފަންވި މިޖަމްޢިއްޔާ މީދޫގެ ތަރައްޤީގައި ވަރަށް ބޮޑު ހިއްސާއެއް އަދާކުރެއެވެ. ޖަމްޢިއްޔާގެ ކާމިޔާބީތަކުގެ ތެރޭގައި، ދިވެހި ސަރުކާރުން ދޭ އެންމެ ހިންގުންތެރި ޖަމްޢިއްޔާގެ އެވޯޑް 2008 ވަނަ އަހަރު ހޯދާފައިވާކަން ފާހަގަ ކޮށްލެވެއެވެ. އިޖުތިމާޢީ ގޮތުންނާއި އުމްރާނީގޮތުން ރަށަށް ކޮށްދީފައިވާ ޚިދުމަތުގެ އިތުރުން، މީދޫ ޖަމްޢިއްޔަތުއްޞަލާހުން ހިންގާ "ބްލޫވޭވްސް" ރެސްޓޯރަންޓަކީ، ރެސްޓޯރަންޓް ކެފޭތަކަށް މިއަދު އަންނަމުންދާ ޒަމާނީ ބަދަލުތައް ވަރަށް ފުރިހަމައަށް ދައްކުވައިދޭ ހިތްގައިމު ރެސްޓޯރަންޓެކެވެ. ޖަމްޢިއްޔާގެ މާލީ ތަނަވަސްކަން އިތުރުކުރުމަށާއި އެކިއެކި ހަރަކާތްތަކަށް ފައިސާ ހޯދުމަށް ރެސްޓޯރެންޓް ހިންގުމުގެ އިތުރަށް، ސަޤާފީ ކުޅިވަރު ދިރުވާ އާލާކުރުމާއި، އެކިއެކި ކުޅިވަރު މުބާރާތްތަކާއި ޤުރުއާން މުބާރާތް ފަދަ ދީނީ އެކިއެކި ހަރަކާތްތައް ކުރިޔަށް ގެންދިޔުމަކީ އެޖަމްޢިއްޔާގެ ކާމިޔާބު މަސައްކަތްތަކެވެ. 
އެޖަމްޢިއްޔާއިން ހިންގާ ބްލޫވޭވްސް ރެސްޓޯރަންޓް
އެމްޖޭއެސްގެ އިޖުތިމާޢީ މަރުކަޒު - ފޮޓޯ: އެމްޖޭއެސް
މިދުވަސްވަރު ކުރަން ހަމަޖެހިފައިވަނީ، ޖަމްޢިއްޔާގެ މަސައްކަތްތަކުގެ ތެރޭގައި ހިމެނޭ އެންމެ ބޮޑު ޕްރޮޖެކްޓް ކަމަށްވާ ޖަމްޢިއްޔާގެ އިޖުތިމާޢީ މަރުކަޒުގެ އެންމެހާ މަސައްކަތްތައް ނިންމާލުމުގެ މަސައްކަތްކަމަށް އެޖަމްޢިއްޔާއިން މަޢުލޫމާތު ދެއެވެ. އަދި ކޮވިޑް19 އާއިގުޅިގެން ކޮށްފައިވާ ލޮކްޑައުން އުވާލުމާއިއެކު މަސައްކަތް ފެށޭގޮތަށް ތައްޔާރުވަމުން ދާކަމަށްވެސް މަޢުލޫމާތު ދީފައިވެއެވެ. 

ގުޅޭ ލިޔުންތައް

މިލިޔުން ކިޔާލުމުން

100%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ