މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: ޙުސައިން ވަހީދު

ފައިނު މުއައްސަސާތަކުގެ ފުޓްސަލް މުބާރާތް ފަށައިފި

ފައިނުގައި ހުންނަ ދައުލަތުގެ އިދާރާތަކުގެ މެދުގައި ކުޅޭ ފުރަތަމަ ފުޓްސަލް މުބާރާތް މިރޭ ފަށައިފިއެވެ.

ފައިނުގައި ހުރި ދައުލަތުގެ އިދާރާތަކުގެ 5 ޓީމެއް ބައިވެރިވާ މި މުބާރާތް ޝަރަފްވެރި ކޮށްދީފައިވަނީ ރާއްޖޭގެ މަޝްހޫރު ލަވަ ކިޔުންތެރިޔާ ޝަލަބީ އިބްރާހީމްއެވެ. މުބާރާތް ފަށައިދިނުމުގެ ގޮތުން ޝަލަބީ ވަނީ ޤައުމީ ލަވައެއް ހުށަހަޅައިދީފައެވެ. 
މެޗް ފެށުމުގެ ރަސްމިއްޔާތުގެ ތެރެއިން - ފައިނު އޮންލައިން ފޮޓޯ: އިބްރާހީމް ވަސީމް
މި މުބާރާތުގައި މިރޭ އެންމެ ފުރަތަމަ މެޗްގައި ބައްދަލުކުރީ، ކައުންސިލް އިދާރާގެ ޓީމާއި ފެނަކަ ފައިނު ބްރާންޗްގެ ޓީމެވެ. 5 – 2 ން ފެނަކަ ޓީމް ކާމިޔާބުކުރި މި މެޗްގައި ފެނަކަ ޓީމުން ގޯލްތައް ޖަހާފައިވަނީ، އިސްމާޢީލް ޝަފީޢު (3) އަލީ އަޙްމަދު، އަދި އަޝްރަފް އިބްރާހީމްއެވެ. ކައުންސިލް ޓީމުން ޖެހި 2 ގޯލް ވެސް ޖަހާފައިވަނީ މުޙައްމަދު ފައިޞަލްއެވެ. 

މި މެޗްގެ މޭން އޮފްދަ މެޗްގެ މަޤާމް ހޯދީ ފެނަކަ ޓީމްގެ އިސްމާޢީލް ޝަފީޢުއެވެ. 
މެޗް ފެށުމުގެ ތެރެއިން - ފައިނު އޮންލައިން ފޮޓޯ: އިބްރާހީމް ވަސީމް
މިރޭ ކުޅުނު ދެވަނަ މެޗްގައި ބައްދަލު ކުރީ ޞިއްޙީ މަރުކަޒާއި އެމްޑަބްލިއުއެސްސީގެ ޓީމެވެ. މި މެޗް 12 – 3  ން ފަސޭހަ ކަމާއިއެކު ކާމިޔާބު ކުރީ ޞިއްޙީ މަރުކަޒުގެ ޓީމެވެ. 
މިރޭގެ ދެވަނަ މެޗްގެ ތެރެއިން - ފައިނު އޮންލައިން ފޮޓޯ: އިބްރާހީމް ވަސީމް
މި މެޗްގައި ޞިއްޙީ މަރުކަޒުގެ އަމްޖަދު މޫސާވަނީ 5 ގޯލް ޖަހައިދީފައެވެ. އޭގެ އިތުރުން ޙުސައިން އާދަމް ވެސް ހެޓްރިކެއް ހެދިއިރު ޢަބްދުﷲ ފައިޞަލް، ރައްޒާޤް އަދި އިބްރާހީމް ސިޔާމް މިއިން ކޮންމެ ކުޅުންތެރިއަކު ވެސް ގޯލެއް ޖަހާފައިވެއެވެ. ޞިއްޙީ މަރުކަޒުން ދެން ޖެހި ގޯލަކީ އިދިކޮޅު ކުޅުންތެރިއެއްގެ އަތުން ބައިކޮޅަށް ވަތް ގޯލެކެވެ. 

މި މެޗްގައި އެމްޑަބްލިއުއެސްސީން ގޯލްތައް ޖެހީ ޙަސަން މުޙައްމަދު، ވައްޙާބް އަދި ރިޔާޒުއެވެ. 
މި މެޗްގެ މޭން އޮފްދަ މެޗްގެ މަޤާމް ހޯދީ ޞިއްޙީ މަރުކަޒު ޓީމްގެ އަމްޖަދު މޫސާއެވެ. 

މި މުބާރާތުގައި މާދަމާރޭ ވެސް 2 މެޗެއް އޮންނާނެއެވެ. މާދަމާރޭގެ ފުރަތަމަ މެޗްގައި ބައްދަލު ކުރާނީ ސްކޫލް އަދި ފެނަކައެވެ. އަދި ދެވަނަ މެޗްގައި ބައްދަލު ކުރާނީ ކައުންސިލް އަދި އެމްޑަބްލިއުއެސްސީއެވެ. 

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ