މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފައިނުގައި ކުރިން އަޅަން އުޅުނު އެއަރޕޯޓުގެ ކުރެހުމެއް

ރައީސްގެ ރިކަމެންޑޭޝަން: ރ. ދެކުނު ބިތުގެ އެއަރޕޯޓު މީހުން ދިރިއުޅޭ ރަށެއްގައި އެޅުން

ސަރުކާރުން ރ. އަތޮޅުގެ ދެކުނު ބިތުގައި އަޅަން ނިންމާފައިވާ އެއަރޕޯޓު މީހުން ދިރިއުޅޭ ރަށެއްގައި އެޅުމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ރިކަމެންޑް ކުރައްވާކަން ހާމަ ކުރައްވައިފިއެވެ.

މިކަން ހާމަކުރައްވާފައިވަނީ ރައީސް އަލިފުއްޓަށް މިއަދު ކުރެއްވި ރަސްމީ ދަތުރުފުޅުގައި ރ. އަތޮޅު ކައުންސިލްތަކުގެ މަންދޫބުންނާއިއެކު ބޭއްވެވި ބައްދަލުވުމުގައެވެ. 
 
އެ ބައްދަލުވުމުގައި ބައިވެރިވެލެއްވި އަތޮޅު ކައުންސިލްގެ މެންބަރަކު ވިދާޅުވީ, އެ ބައްދަލުވުމުގައި އެންމެ މުހިންމު ކަމެއްގެ ގޮތުގައި ވާހަކަ ދެކެވުނީ ރ. އަތޮޅު ދެކުނު ބިތުގައި އަޅާ އެއަރޕޯޓާއި ގުޅޭގޮތުން ކަމަށެވެ. 
 
އަދި އެ އެއަރޕޯޓުގެ މަސައްކަތް ކުރިއަށް ދާ ކަމަށާއި އެ މަސައްކަތް ލަސްވަނީ އެއަރޕޯޓު އަޅާނެ ރަށެއް ނުނިންމި އޮތުމުގެ ސަބަބުން ކަމާއި އަދި ވީ އެންމެ އަވަހަކަށް ކަމާ ގުޅުންހުރި ފަރާތްތަކާއިއެކު މަޝްވަރާ ކުރައްވައިގެން ރަށެއް ކަނޑައަޅުއްވާނެކަމަށް ވެސް ރައީސް ވިދާޅުވިކަމަށް ކައުންސިލް މެންބަރު މައުލޫމާތު ދެއްވިއެވެ. 
 
“ރައީސް ޞާލިޙްގެ އިތުރުން ހައުސިންގ މިނިސްޓަރު މުޙައްމަދު އަސްލަމް ވެސް ރިކަމެންޑް ކުރެއްވީ ރ. އަތޮޅުގެ ދެކުނު ބިތުގައި އަޅާ އެއަރޕޯޓު މީހުން ދިރިއުޅޭ ރަށެއްގައި އެޅުމަށް” މައުލޫމާތު ދެއްވި ކައުންސިލަރު ވިދާޅުވިއެވެ.
 
ރ. އަތޮޅުގެ ދެކުނު ބިތުގައި އެއަރޕޯޓެއް އަޅަން ނިންމާ ކުރީ ސަރުކާރުން ފައިނުގައި ވަނީ ސާވޭގެ މަސައްކަތްތައް ވެސް ކޮށްފައެވެ. ނަމަވެސް އެ ސަރުކާރު ނިމިގެން ދިޔައީ އެކަމުގެ އަމަލީ މަސައްކަތް ނުފެށިއެވެ. އަދި ފައިނުގައި އެއަރޕޯޓެއް އަޅަން ނޫޅޭކަމަށް މި ސަރުކާރުން ފަހުން ހާމަ ކުރިއެވެ. އެއާއިއެކު ދެކުނު ބިތުގައި އަޅާ އެއަރޕޯޓު އަތޮޅުގައި އޮތް ބެރިޔަންފަރާއި ފުސްފަރުގައި އެޅުމަށް އަތޮޅުގެ ބައެއް ރަށްރަށުން ދަނީ ޑިމާންޑް ކުރަމުންނެވެ. 

ރ. އަތޮޅުގެ ދެކުނު ބިތުގައި ބިން ބޮޑު ރަށްތަކުގެ ގޮތުގައި އޮންނަނީ ކިނޮޅަހާއި ފައިނެވެ. 

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
50%
ދެރަވި
50%
ހިނިއައި
0%
ރުޅިއައި

3 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ސޭވްފައިނު 2 years ago

މިފަހަރު ސޭވްފައިނު ވައްޑެއަކަށް ނެތް ބާރެއް. ލަލަލަ

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ޔޫ 2 years ago

ކަލޭމެން ގަބޫލު ނުވީވެސް އެއަރ ޕޯޓް އަޅަން، ދަނޑުފާ މާ މުހިއްމު ބައެއް

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ޔެ 2 years ago

އެއަރ ޕޯޓް އެޅިޔަސް ގިނަ ލޯކަލްސް އެފޯޑް ނުކުރެވެ. ރައްތައް ހަލާކުރަނީ، ދިވެހިން ދަރަނީ. ރަރައްގީ އަކީ އެއަރ ޕޯޓް އެޅުމެއްނޫން

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ