މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41

ޞިއްޙީގޮތުންނާއި މަޢުނަވީގޮތުން ސާފުޠާހިރުވުމަށް ދީން ބާރުއަޅާ

އަޙްމަދު ޝަރީފް

ދުނިޔޭގައި ހަލުވިކަމާއިއެކު ކޯވިޑް 19 ފެތުރެމުންދާ މިފަދަ ދުވަސްވަރެއްގައި އަޅުގަނޑުމެންގެ ނަފްސުތަކާއި އުޅޭވެށި ސާފްޠާހިރުކޮށް ބޭއްވުމަށް އިސްލާމްދީން ބާރުއަޅުއްވާކަމާއި އެކަމަކީ ﷲގެ ލޯބިވެވޮޑިގަތުން ލިބޭނެކަމެއްކަމުގައި މިއަދުގެ ޚުޠުބާއިން އަޅުގަނޑުމެންނަށް ހަނދާންކޮށްދެއެވެ. މީގެއިތުރުންވެސް، މިދީނުގެ ޝަރްޢުތަކާއި ޢަދުލުވެރި ޙުކުމްފުޅުތައް ބިނާވެގެންވަނީވެސް ޙިއްޞީ އަދި މަޢުނަވީ ސާފްޠާހިރުކަމުގެ މައްޗަށްކަމުގައިކަންވެސް ބަޔާންކޮށްފައިވެއެވެ.

ސާފްޠާހިރުކަމުގެ މިމަޢުޟޫގައި ހުޠުބާގައި އިތުރަށް ބަޔާންކޮށްފައިވަނީ ދީނުގެ ޝަރްޢުތަކުގެ ތެރެއިން ފަރުޟު ފަސްނަމާދުފަދަ އަޅުކަންކަމުގައި ޠަހާރަތު ނުވަތަ ސާފްޠާހިރުކަމަށްވަނީ އެންމެ އިސްކަމެއްދީފައިކަމެވެ. އެގޮތުން، ނަމާދު ޤާއިމްކުރުމުގެ ކުރިން ވުޟޫކުރަންޖެހޭކަމާއި ހަށިގަނޑާއި ފޭރާން އަދި ނަމާދުކުރާތަން ސާފްޠާހިރުކުރުމަށްވެސް ދީންއަމުރުކުރާކަން ވަނީ މޫރިތި ނަބަވީ ބަސްފުޅުތަކުގެ އަލީގައި ބަޔާންކޮށްދީފައެވެ. މީގެ އިތުރުންވެސް ހަށިގަނޑާއި ފޭރާން އަދި އުޅޭތަން ސާފްކޮށް ބޭއްވުމަށްވެސް ދީން ބާރުއަޅުއްވާކަމާއި ޙާއްޞަ އިސްކަމެއްދެވިފައިވަނީ އިންސާނާގެ ހަށިގަނޑުގެ ސާފްޠަހިރުކަމަށް ކަމުގައިވެސް ވަނީ އަލިއަޅުވާލާފައެވެ. ކީރިތި އަދި މޫރިތި ނަބަވީ އިރްޝާދުގައިވާފަދައިން މަތިމަސްކޮށުމަށާއި ނިޔަފަތިތައް ކެނޑުމަށާއި، ކިހިލިފަތްދަށުގެ އިސްތަށިތައް އުފުރުމަށާއި ފޫޅުންތިރީގެ އިސްތަށިތައް ބޭލުމަށް ދީނުވަނީ ކަނޑައެޅިފައެވެ. މިފަދަކަމެއްނުކޮށް ސާޅިސްދުވަހަށްވުރެ އިތުރު ނުކުރުމަށްވެސްވަނީ ބާރުއަޅާފައެވެ. ހަމައެއާއިއެކު، ދަތްއުނގުޅުމަށާއި ޙަލާލު ކާބޯތަކެތި ކައިބޮއެ ހެދުމަށާއި އެންމެހައި ނުޠާހިރުގޮތްތަކުން ދުރުހެލިވުމަށްވެސް ދީން ބާރުއަޅާކަމުގައި ޚުޠުބާއިން ހަނދާންކޮށްދެއެވެ. 

މިގޮތަށް ޚުޠުބާއިން ހަނދާކޮށްދޭއިރު އަޅުގަނޑުމެންގެ ޙާލަތަކާއިމެދު ވިސްލުން ކީއްތޯއެވެ؟ ނަމަވެސް ހިތާމައަކީ މިފަދައިން ދީނުގައި ބާޔާންވެގެންވާއިރުވެސް އަޅުގަނޑުމެންގެ އުޅުންތައް ބަދަލުނުވާކަމެވެ. ނަތީޖާއެއްގެގޮތުން ބޮޑެތި ބަލިތަކާއި ޢާއްމުރޯގާތައް ފެތުރުން އަވަސްވުމެވެ. އަޅުގަނޑު މިފުރުޞަތުގެ ބޭނުންހިފައި އަޅުގަނޑުމެން ސަމާލުކަންދޭންވީ ދެތިންކަމެއް ހަނދާންކޮށްދެމެވެ. 

އެގޮތުން ސިއްޙީ މާހިރުންދެއްވާ އިރްޝާދުތަކަށް ފުރިހަމައަށް ތަބާވުމާއި އެފަދަގޮތްތަކަށް އަޅުގަނޑުމެންގެ ޢަމަލުތައް ބައްޓަންކުރަންޖެހެއެވެ. އެބޭފުޅުންދެއްވާ އިރްޝާދަކީ އަޅުގަނޑުމެންނަށް އާދައިގެ ކަމެއްކަމުގައި ދެކެވި ހީސަމާސާގެ މަޖްލިސްތަކުގައި ސަމާސާ ރާގުރާގަށް ޝުޢުރުފާޅުކުރެވުނު ނަމަވެސް، އެއީ އެކަމެއް ސަބަބުން އެތައް ބައެއްގެ ސިއްޙަތާއި ފުރާނަ ސަލާމަށްކުރުމަށްވެވޭ އެހީއެއްކަމުގައި ދެކި މިކަންކަމަށް ސަމާލުވާށެވެ. 

ހަށިގަނޑުގެ ސާފްޠާހިރުވުމުގެ ގޮތުން ކޮންމެ ހުކުރުދުވަހަކު އަތްފައިގެ ނިޔަފަތި ކެނޑުމާއި މަތިމަސްކޮށުމަށާއި ތުނބުޅި އާއި ބޯ ދޮވުމާއި ތެޔޮލާ ފުނާއެޅުމާއި، ކިހިލިފަތުން އިސްތަށި އުފުރުމަށާއި ފޫޅުންތިރިން އިސްތަށީ ބޭލުމާއި، ހިނައިގަތުމާއި، ކޮންމެ ދުވަހަކު މަދުވެގެން ދެފަހަރު ދަތްއުނގުޅުންފަދަ ކަންކަމަކީ ކުރެވިދާނެ މުހިއްމުކަންކަމެވެ. 

މިސްކިތަށް ދާއިރު ފެންވަރާ، ރީތިވެ ހުވަނދުލައި ގެއިން ވުޟޫކޮށްލައިގެން ދިޔުމާއި، ދުފާ ފަރާތްތަކުންވެސް މިސްކިތަށް އައުމުގެކުރިން އަނގަހުސްކޮށްލާ ދަތްއުނގުޅާލުމާއި، ޢާއްމުންނާއި ކުޑަކުދިން އެއްވެ އުޅޭތަންތަނާއި މަގުތަކަށް ކުނިނޭޅުމާއި އެކަމަށް އެހެން ފަރާތްތަކަށް ބާރުއެޅުމާއި، ހިރަފުސްބޯ ދުވަސްވަރުގައި ހިރަފުސްއަރާފަދަ ބާރުމިނެއްގެ ޢާއްމުންގެ ތެރޭގައި ދުއްވާ އެއްޗެހި ނުދުއްވުމާއި، ދަނޑުވެރިކަމުގެ މަސައްކަތު އުޅޭއިރު އަމިއްލަ ސާފުޠާހިރުކަމަށް ސަމާލުވުމުގެ އިތުރުން، ހަށިގަނޑާއި ފޭރާން ހަޑިވެފައިވާ ޙާލަތުގައި ޢާއްމުން އެއްވާ ހޮޓާ، ކެފޭ ފަދަ ތަންތަނަށް ނުދިޔުމަކީ ހަށިގަނޑެކޭ އެއްފަދައިން އުޅޭވެށި ސާފްތާހިރުކުރުމުގެގޮތުން އަޅުގަނޑުމެންނަށް ކުރެވިދާނެ މަދު ނަމަވެސް މުޙިއްމު ކަންކަމުގައި އަޅުގަނޑު ދެކެމެވެ. 

ހަމަ އެއާއިއެކު ތިމާގެ އަމިއްލަ ކޮޓަރިއާއި އުޅޭތަން ދޮވެ ހިރަފުހާއި ޖަރާސީމުން ރައްކާތެރި ތަނެއްގެ ގޮތުގައި ހެދުމަށް ، ހަފްތާގެ ހުކުރުދުވަސް ޙާއްސަކޮށްލުން ކިހިނެއްވާނެތޯއެވެ. އަދި މިފަދަ ކަންކަމުގައި ފިރިހެންދަރިންނާއި ފިރިހެން ބޭފުޅުން އުޅުއްވުމަކީ ހާދަހާ އުފާވެރި މަންޒަރަކަށްވާނެ ކަމެކެވެ. ހަމަ ޔަޤީންނުންވެސް މިކަންވެގެންދާނީ ނަބަވީ ސުންނަތެއްގެ އިތުރުން، މުޅި ހަފްތާގައި ބުރަކޮށް އުޅޭ އަންހެން ކަނބަލުންނަށް ދެވޭނެ ހާދަހާ ބޮޑު ލުއިކަމެއް ކަމުގައި ދެކި މިކަންކަން ކުރަމާ ހިނގާށެވެ.  

ވީމާ، އެންމެންގެ ސަލާމަތާއި ރައްކާތެރިކަން ކަށަވަރުވާނެފަދަ ގޮތްގޮތަށް އަޅުގަނޑުމެންގެ އުޅުމާއި ގުޅުން ބައްޓަންކުރުމަށާއި ނަފްސުތަކާއި ވެށި ސާފްޠާހިރުކުރުމަށް ހާއްޞަ އިސްކަމެއްދިނުމަށް ހިނގާށެވެ. ސާފްޠާހިރުކަމަކީ އީމާންކަމުގެ ދެބައިކޮށްފައިއެއްބަޔަށްވުމުން މިދެންނެވި ކަންކަމުގެ މުޙިއްމުކަން ބޮޑުކަން ފާހަގަވެއެވެ. އެހެންކަމުން މިފަދަ ޚުޠުބާތަކުން ލިބިދޭ މިފަދަ މިފިލާވަޅުތަކަށް ޢަމަލުކުރުމަށް ޢަޒުމްކުރައްވާ، ޘާބިތުކަމާއެކު ހުންނަވާށެވެ. އޭރުން އަޅުގަނޑުމެންވަނީ ﷲގެ ރަޙްމަތްފުޅާއިއެކު ބަލިތަކުން ދުރު، ފުރިހަމަ ސިއްޙަތެއްގައިތިބޭ ބަޔަކަށްވުމަށް ވަރަށް ބޮޑު ބާރަކަށް ވާނެއެވެ. 

ގުޅޭ ލިޔުންތައް

އަޙްމަދު ޝަރީފް

Ahmed Shareef

އަޙުމަދު ޝަރީފަކީ ފައިނު ސްކޫލްގައި ވަޒީފާ ޢަދާ ކުރަމުންގެންދާ މުދައްރިސެކެވެ. އަދި ރައްޔިތުންގެ ދީނީ ހޭލުންތެރިކަން އިތުރުކުރުމަށް ރަށު ފެންވަރުގައި އިސްވެ އުޅުއްވާ ފަރާތެކެވެ.

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ