މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41

ﷲ ގެ ރަޙްމަތުން އުއްމީދު ކަނޑާނުލާށެވެ – ޚުތުބާއިން ލިބިދޭ ފިލާވަޅު

އަޙްމަދު ޝަރީފް

ނެތުމުގެ ތެރެއިން އިންސާނާ ހެއްދެވީ ޚާލިޤްވަންތަ ރާޒިޤްވަންތަ ﷲއެވެ. އެ އިންސާނާ ހެއްދެވުމަށްފަހު އެއިންސާނާއަށް ބޭނުންވާނެ އެންމެހައި ކަންކަމެއް ﷲވަނީ މިކާއިނާތުގައި ލައްވާފައެވެ. ވާރެއާއި ފެން، އިރާއި ހަނދުގެ އަލި، ރޭގަނޑާއި ދުވާލު، ކައުނުގައިވާ އެންމެހާ ތަކެތީގެ އިތުރުން ބިމުން ފަޅައިގެން ހެދޭ އެންމެހާ ގަސްގަހާ ގެއްސާއި މަސްމަހާމެހީގެ އިތުރުން ދޫނި ސޫފާ ސޫފި ހެއްދެވީ އިންސާނުންނަށްޓަކައެވެ. އަދި އެއީ ﷲގެ އެއްކައުވަންތަކަމުގެ ހެކިތަކުގެ ތެރެއިންވާ ހެކިތަކެކެވެ.

ދުނިޔެމަތީގެ މިނިޢުމަތްތަކުގެ އިތުރުން އާޚިރަތުގެ ނިޢުމަތްތައްވަނީ އެކަލާނގެ އަޅުތަކުންނަށް ޙާއްޞަކުރެވިފައެވެ. އެކަލާނގެ ރަޙްމަތް ލިބޭ ބަޔަކަށްވާ އިނާމެއް ކަމުގައެވެ. އެކަލާނގެއަށް ބިރުވެތިކަމާއިއެކު އަޅުވެތިވާ އެކަލާނގެ އަޅުންނަށްވާ ލޮލުން ނުދެކޭ، ދުލަކުން ބަޔާންނުކުރެވޭ، އަދި ހިތަށްވެސް ނުގެނެވޭނެހައި ފުރިހަމަ ނިޢުމަތްތަކެކެވެ. 
މާތްﷲ މިހުރިހާ ނިޢުމަތްތަކެއް ދެއްވި ނަމަވެސް އެކަލާނގެވަނީ އިންސާނުންނަކީ ކުށްކުރެވޭ ބައެއްކަމުގައި ލައްވާފައެވެ. އޭގެތެރެއިންވެސް އެކަލާނގެއަށް އަޅުވެތިވާ އަޅުންނަށްވަނީ ރަޙްމަތުގެ ދޮރު ހުޅުވިފައެވެ. އެއީ ތަވުބާގެ ދޮރެވެ. 

ﷲގެ ރަޙްމަތް ނިކަން ދެކިބަލާށެވެ. އެކަލާނގެ އަޅުންކުރެ ފާފަކުރުމުގައި އިސްރާފްކޮށްފައިވާ އެކަލާނގެ އަޅުންނަށްވެސް އިޝާރާތްކުރައްވަނީ " ތިމަން އިލާޙްގެ އަޅުންނޭވެ". ކޮންފަދަ ރަޙުމަތެއްތޯއެވެ. އަދި އޯގާވަންތަކަމުގެ އިންތިޙާއަކީ އެކަލާނގެ އަޅުތަކުންނާއި މުޙާތަބުކުރައްވަނީ އެކަލާނގެ ރަޙްމަތުން އުއްމީދު ކަނޑާނުލުމަށެވެ. ހަމަ އެއާއިއެކު ފާފަވެސް ފުއްސަވާނެކަމުގެ އުފާވެރި ޚަބަރެވެ. އެކަލާނގެ އަޅުންކުރެ ހެޔޮ ޢަމަލުކުރައްވާ ފަރާތްތަކަށް ދިހަ ގުނައިން ހަތްސަތޭކަ ގުނައަށް ދެއްވާކަމީ އެކަލާނގެ ރަޙްމަތް ނޫންތޯއެވެ. އަދި ނުބައިކަމެއް ކުރެވިއްޖެނަމަ ހަމައެކަނި އެކަމުގެ ޖަޒާދެއްވާކަމީ ﷲގެ އޯގާވަންތަކަމާއި ރަޙްމަތްވަންތަކަމެވެ. 

ދަންނާށެވެ. އަޅުގަނޑުމެން އަޅުކަން މިކުރަނީ ﷲއަށެވެ. މުޞީބާތްތަކާއި ހިތްދަތިކަމާއި އުފަލާއި ހިތާމަ އަދި ތަނަވަސްކަމާއި ނުތަނަވަސްކަމުގައިވެސް އެކަލަނގެ ރަޙްމަތަށް އުއްމީދުކޮށް ސަބަބުތަކުގައި ހިފައިގެން ކުރިއަށް ދާށެވެ. ކުރެވޭ ކޮންމެ ނުބައިކަމެއްގެ ބަދަލުގައި ހެޔޮކަމެއް ކޮށްލާށެވެ. އަމިއްލަ ނަފްސު ކުށްވެރިކޮށް އަނިޔާ ނުދޭށެވެ. ﷲގެ ރަޙްމަތް މާބޮޑުކަން ދަނެ، ﷲގެ ރަޙްމަތަށް އުއްމީދުކުރާށެވެ. ހީނުކުރާހާގޮތްގޮތުން އެއިލާޙުގެ ރަޙްމަތް ތިބާއާއި ބައްދަލުކުރާނެއެވެ. 

ގުޅޭ ލިޔުންތައް

އަޙްމަދު ޝަރީފް

Ahmed Shareef

އަޙުމަދު ޝަރީފަކީ ފައިނު ސްކޫލްގައި ވަޒީފާ ޢަދާ ކުރަމުންގެންދާ މުދައްރިސެކެވެ. އަދި ރައްޔިތުންގެ ދީނީ ހޭލުންތެރިކަން އިތުރުކުރުމަށް ރަށު ފެންވަރުގައި އިސްވެ އުޅުއްވާ ފަރާތެކެވެ.

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ