މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41

އިސްރާފުކުރުމުގެ ނުބައިކަން – ޚުތުބާއިން ލިބިދޭ ފިލާވަޅު

އަޙްމަދު ޝަރީފް

ދުނިޔޭގައި ހަލުވިކަމާއިއެކު މިހާރު ވެތުރެމުންދާ ކޮވިޑް 19 ގެ ވަބާއިން ސަލާމަށް ވުމަށް މުޅި ދުނިޔެ އަތުގުޅައިލައިގެން އެއް އަޑަކުން އެއްކަންތައްތަކެއް ކުރުމަށް އެކިއެކި ފަންނުތަކުގެ ކަމާއިބެހޭ މާހިރުން ގޮވާ އާދޭސްކުރަމުންދަނީ ފައިސާއިންނާއި ވަޤުތުގެ އިތުރުން ކާބޯތަކެތިން އިސްރާފުނުކުރުމަށް ބާރުއަޅަމުންނެވެ.

މިފަދަ ޟަރޫރަތްތެރި ޙާލަތްތަކުގައި ތިމާގެ ގޭތެރެ ކާބޯތަކެތީން ގުދަންތައް ފުރާލަނީތޯއެވެ؟ ތިބާ ނޫން ކިތައް މީހުން އެތަކެއްޗަށް އެދިއެދި ތިބޭނެ ނޫންތޯއެވެ. ކިތައް ޢާއިލާ ތިޔަފަދައިން ތަކެތި ނުގަނެވޭ ޙާލަތުގައި ތިބޭނެނޫންތޯއެވެ. ފައިސާ ނެތިގެންކަމަށްވެސް ވެދާނެ ނޫންތޯއެވެ. ވީއިރު، ތިބާގެ ކާބޯތަކެތީގެ ގުދަން ފުރިގެނދާއިރު އެފަދަ ނެތް މީހުންނަށް ހެޔޮކަމުގެ އަތެއް ދިއްކޮށްލަން އަވަސްވެ ގަންނަންވީ ވަޤުތަކީ މިއީއެވެ. ހެޔޮކަމުގައި ވާދަވެރިވެ ކުރިއަރާދާންވީ ވަޤުތަކީވެސް މިއީއެވެ.

އެންމެންގެ ދޫތަކުން ކުރިމަތިލާން މިއުޅެނީ ތަދަކާ ދިމާލަށޭ ބުނެވޭއިރު އަޅުގަނޑުމެންގެ ޙާލަތާއިމެދު ވިސްނާލިންތޯއެވެ. އަޅުގަނޑުމެންގެ ގެތަކުގައި އަވަދިނެތި އަންހެންވެރީން ކާބޯތަކެތި ހަދައި ކާމޭޒުމަތި ޖަރީކުރަމުންދާއިރު ދެއިރު ދެދަޅައަށް ހޮޓަލަށް އަރައި ވަޤުތާއި ފައިސާ އަދި ކާބޯތަކެތި އިސްރާފް ކުރެވޭކުރުމާއިމެދު ވިސްނާ، މިފަދަކަންކަން މަދުކޮށްލަމާ ހިނގާށެވެ. 

މައިން ބައްޕައިން ދަރިންނަށް ކޮންމެވެސް ބޭނުންތެރި މަސައްކަތެއް ދަސްކޮށްދެއްވާށެވެ. ނުވަތަ އެފަދަކަމެއްގައި ޝާމިލްކުރުވާށެވެ. ކުދިން ބޭރުތެރޭގައި އެއުޅެނީ ކުރާނެ ކަމެއްނެތިގެންނެއްނޫނެވެ. އެކަމުގެ މަގުދައްކާނެ އާރުކާޓީއެއް ނެތިގެންނެވެ. ވީއިރު މިކަމުގައި ތި ބައްޕައާއި ތި ބޭބެ އަދި ތިދައްތައަކީ އާރުކާޓީންނަށް ވެލައްވާށެވެ. އޭރުން އެކުދީންވެގެންދާނީ ވަގުތު އިސްރާފުނުކުރާ ކުދިބަޔަކަށެވެ. 

ގޭގައި ތިބުމަށް ކަމާބެހޭ ފަރާތްތަކުން ކެނޑިނޭޅި އިރްޝަދުދެމުންދާއިރުމިފަދައިން ތިބޭ ތިބުމުގައިވެސް އިސްރާފްކުރުމުގެ އެންމެހައި ކަންކަމުން ދުރުހެލިވަމުގެ ގޮތުން މަންމައިންނާއި ދައްތައިން، ތަފާތު ވައްތަރުގެ ކެއިންބުއިންތައް އެކިއިރުއިރަށް ހެދުމުގެ ބަދަލުގައި، ގިނަ އިރުތަކުތަކުގައި ކައިބޮއެ ހެނދޭނެ ތަކެތި ތައްޔާރުކޮށް، އާއިލީ ކެޔުންތައް ބާއްވާލިދާނެ ނޫންތޯއެވެ. އިހުގައި ކައިބޮއެ ހެދި ކަނދި، ބޮޑިބަތް، ފެންފޮޅި، ކިރު ހަކުރުބަތް، ބިންބިފުށުން ތައްޔާރުކުރެވޭ އެންމެހައި ބާވަތްތައް ފަދަ ގިނަ ވަގުތު ބޭނުންކުރެވޭ ތަކެތި ދަރިންނަށް ކައްކަން ދަސްކޮށްދީ އެތަކެތި ކެޔުމަށް އާދަކުރުވުން މިއީ ބޭނުންތެރި ކަމަކަށް ވެދޭނެއެވެ. ސުންނަތް ރޯދަ ހިފުމަށް އަމިއްލަ ނަފްސު ހާނުވާ ދަރިން އެކަމަށް ތަރުބިއްޔަތުކުރަން މިއީ އެންމެ އެކަށީގެންވާ ވަގުތެވެ. 

ހަމައެއާއިއެކު ދަންނާށެވެ. ބޭނުންނުވާ މިންވަރަށް ކާތަކެތި ގަތުމަކީ ފައިސާ އިސްރާފުކުރުމެވެ. ގޭމްކުޅުމާއި ކުޅި ސަމާގައި ހޮޅުއަށިތަކާއި ހޯޓާ މޭޖުތަކާއި ޖޯލިފަތިތައް ފުރަމުން ދިޔުމަކީ ވަޤުތު އިސްރާފުކުރުމެވެ. ވީއިރު، މިކަންކަމާއިމެދު ވިސްނާ އިސްރާފުކުރުމުގެ އެންމެހައި ކަންކަމުން ދުރުހެލިވަމާ ހިނގާށެވެ. ގިނަ ގިނައިން ޤުރްއާން ކިޔަވާށެވެ. އެކަކު އަނެކަކަށް އެހީތެރިވާށެވެ. ﷲ ނަހީކުރެއްވި އެންމެހައި ކަންކަމުން ދުރުހެލިވާށެވެ. ސުންނަތްނަމާދުތަކާއި ފަރުޟުތަކަށް ރައްކާތެރިވާށެވެ. ސުންނަތް ރޯދަހިފައި ޞަދަޤާތްކުރުން ގިނަކޮށްލާށެވެ. އިސްތިޣްފާރުކުރުމާއިއެކު އިސްރާފްކުރުމާއި ދުރުހެލިވެ، ކުރިމަތިވަމުން މިއަންނަ ދުވަސްތަކާއިމެދު ފުންކޮށް ވިސްނާ ތިމާގެ ކަންކަން ބައްޓަން ކޮށްފިނަމަ، އެކަމުގެ ބަދަލެއްގެގޮތުގައި ދެގުނަ ރިޒްޤް ދެއްވާނެކަން ﷲވަނީ އަޅުގަނޑުމެންނަށް ޔަޤީންކަން ދެއްވާފައެވެ ( ސޫރަތުލްޙަދީދް:28). މިފަދަ ބަސްތަކުން ޢިބްރަތް ޙާޞިލްކޮށް ޚުތުބާއިން ލިބިދޭ ފިލާވަޅުގެ އެހީގައި އުޅުމާއިގުޅުން އިސްލާޙްކޮށްލަމާ ހިނގާށެވެ. 

ގުޅޭ ލިޔުންތައް

އަޙްމަދު ޝަރީފް

Ahmed Shareef

އަޙުމަދު ޝަރީފަކީ ފައިނު ސްކޫލްގައި ވަޒީފާ ޢަދާ ކުރަމުންގެންދާ މުދައްރިސެކެވެ. އަދި ރައްޔިތުންގެ ދީނީ ހޭލުންތެރިކަން އިތުރުކުރުމަށް ރަށު ފެންވަރުގައި އިސްވެ އުޅުއްވާ ފަރާތެކެވެ.

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ