މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41

ތަޢުބާގެ ދޮރުކޮޅު ބަންދެއްނުވޭ، މަރަށް ތައްޔާރުވޭ!

މުޅި ދުނިޔެ މިވަނީ ބަންދުވެފައެވެ. އެންމެން މިވަނީ ލޮކްޑައުންވެފައެވެ. ލޮލަށް ނުފެންނަ ކުޑަ ކުޑަ ވައިރަހެއްގެ ސަބަބުންނެވެ. އެހެންނަމަވެސް، ﷲ ގެ ތަނަވަސް ރަޙްމަތާއި ތައުބާގެ ދޮރުކޮޅު ބަންދެއްނުވެއެވެ. އެނބުރި ﷲ ގެ ހަޟްރަތަށް ދާން ތިބާ ތައްޔާރުތޯއެވެ؟ ދުނިޔޭގެ ވަގުތީ ޢާލަމް ދޫކޮށް އެނބުރި އައުމެއް ނެތް ދުނިޔެއަށް ދާން ހަމަ ހަޤީގަތުގައިވެސް ތިބާ ތައްޔާރުތޯއެވެ؟

ތިބާއާއި އެންމެ ގާތުގައި ވަނީ މަރެވެ. ލޮކްޑައުން އަކަށް، ވެކްސިނަކަށް މަރުން ތިބާ ސަލާމަތް ކޮށެއް ނުދެވޭނެއެވެ. ތިބާގެ ޢަމަލު ތަކުގެ ހިސާބު ހައްދަވާ ބައްލަވާށެވެ. މުޅި ދުނިޔެ، އޮފީސްތަކާއި މިސްކިތްތައް ބަންދުވެއްޖެއެވެ. ނަމަވެސް، ﷲ ގެ ހަޟްރަތަށް އެނބުރި ތައުބާވުމުގެ ދޮރުކޮޅު ވަނީ ތަންމިނަށް ހުޅުވިފައެވެ. ރާހްމާން ވަންތަ ރަހީމް ވަންތަ އިލާހުގެ ރަހްމަތްފުޅު ނިކަން ދެކެބަލާށެވެ. 

މާތް ﷲ ތިބާއަށް ދެއްވާފައިވާ ރަޙުމަތުގެ މަތިން ތިބާ ހަނދާން ނައްތާނުލާށެވެ. ﷲ އަށް އަޅުކަން ހާލިސް ކުރާށެވެ. އިއްޔެގައި ނަމާދު ނުކުރެވުމަކީ މިއަދު ނަމާދު ޤާއިމް ކުރުމަށް އޮތް ހުރަހެއްނޫނެވެ. ﷲ ލޯބިވެ ވޮޑިގެންނަވަނީ ގިނަގިނައިން ތައުބާވާ އަޅުންދެކެއެވެ. މިދުނިޔެ ދުއް އެންމެ މާތް އިންސާނާ ނަބިއްޔާ ﷺ ދުވާލަކު 70 ފަހަރު ތަޢުބާވެ ލައްވާކަމަށް، އަބޫ ހުރައިރާ ރިވާ ކުރަށްވާފައިވާ ހަދީޘް ބަސްފުޅެއްގެ މާނައިގައިވެއެވެ. 

ލޮބުވެތި އަހާއެ، ވަގުތު ނަގާނުލާށެ! ގެއްލިއްޖެ ވަގުތަކީ އަނބުރާ ނުލިބޭނެ އެއްޗެކެވެ. ފުރިހަމަ ތަޢުބާ އަކުން ތަޢުބާވުމަށް އަވަސްވެގަންނާށެވެ. އެހެނީ، ތިބާ މިދުނިޔޭގައި ކުރިޔަށް އޮތް ސިކުންތުގައިވެސް ހުންނާނެ ކަމަގެ ޔަގީން ކަމެއްނެތެވެ. މަލަކަލް މަޢުތުގެފާނު ތިބާގެ ފުރާނަ ހިއްޕަވާނެ ވަގުތެއް ނޭނގޭނެއެވެ. ދުނިޔެއަށް އަޅަމެން ފޮނުއްވި މާތް މަގުޞަދު ހަނދާން ނައްތާނުލާށެވެ. ﷲ އަށް އަޅުކަން ހާލިސްކުރާށެވެ. 

ލޮބުވެތި ކިޔުންތެރިންނޭވެ. މީގެ 1400 އަހަރު ކުރިން ބާއްވާލައްވާ ފުރިހަމަ ކުރެއްވި ދީނުގެ ދެބައި ކުޅަ އެންބައި ކަމުގައިވާ ސާފުތާހިރު ކަމުގެ މުހިންމު ކަން އެނގި ހާމަވެއްޖެއެވެ. ގުރުއާނާއި ނަބަވީ އިރުޝާދުތަކަށް ވުރެން ވަކި ވަރުގަދަ މޮޅު ޤާނޫނެއް ނޯންނާނެކަން ކަށަވަރުވެއްޖެއެވެ. 

ތަޢުބާވެލައްވާށެވެ. މުޅި ދުނިޔެއާއި ކާއިނާތުގައި ވާހާ އެއްޗެއްގެ ވެރި ރަސްކަލާންގެ ހަޟްރަތަށް ދާން ދަތުރު ހަދަމާތޯއެވެ. އަޅުކަން ހާލިސް ކުރަމާތޯއެވެ. އެކެއް އަނެކަކަށް އިހުސާންތެރި ވަމާތޯއެވެ. އެއްބައެއްވަންތަ އަހުން ތަކެއްގެ ކަމުގައި ވަމާތޯއެވެ. ތެދުވެރި ނިއަތެއްގެ ވެރި މުސްލިމުން ތަކެއް ކަމުގައި ވާމާތޯއެވެ. މާތް އަޅަމެންނަށް ތެދުމަގު ދައްކަވާށިއެވެ. އާމީން.

ގުޅޭ ލިޔުންތައް

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ