މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41

ﷲގެ އެއްކައުވަންތަކަން - ޚުތުބާއިން ލިބިދޭ ފިލާވަޅު

އަޙްމަދު ޝަރީފް

މިއަދު ޚުތުބާއިން އަޅުގަނޑުމެންނަށް ވަރަށްވެސް ބޭނުންތެރި އެހާމެ މުހިއްމު ކަމެއް ހަނދާންކޮށްދީފިއެވެ. އެއީ ޙައްޤުގޮތުގައި ﷲ އެއްކައުވަންތަކުރުމެވެ. ޝިރުކުގެ އެންމެހައި ކަންކަމުން ބަރިޢަވެ ހަމައެކަނި ﷲއަށް ބިރުވެތިވުމަށެވެ. އަޅުކަން ކުރުމުގައި ﷲ އަށް އިޚްލާޞްތެރިވުމަށެވެ. އަހަރެމެން ހެއްދެވުނު މަޤްޞަދަކީވެސް ހަމައެކަނި ﷲއަށް އަޅުކަންކުރުމަށްކަމެވެ. ހުރިހާ ޙާލަތްތަކެއްގައިވެސް ﷲއަށް ބިރުވެތި އެކަލާނގެއަށް ކުށްތަންވެ، ތަވުބާވެ، ފާފަ ފުއްސެވުމަށާއި ހިތްނިޔަތް ޚާޟިލްކޮށްގެން އަޅުކަންކުރުމަށެވެ. ޙާއްޞަކޮށް ﷲގެ އިސްމުފުޅުތަކާއި ސިފަފުޅުތައް އުނގެނިދަސްކުރުމަކީ އެންމެ އިސްކަމެއް ދޭންޖެހޭ ކަންކަމެވެ. ސަބަބަކީ ﷲ މަޢުރިފާކޮށް ދެނެގަނެގެން ދުޢާކުރުމުން އޭގެ އަސަރު އަޅުގަނޑުމެންގެ ޢަމަލާއި ބަހުން ފެންނަމުންދާނެއެވެ. އަދި ޢަމަލުތައް ސީދާވެގެންދާނެއެވެ. މުޖުތަމަޢުގެ އަފުރާދުންގެ މެދުގައި ހަމަހަމަކަން ޤާއިމްވެ، ލޯތްބާއި ކުލުނު އުފެދި އެއްބައިވަންތަކަމާއި އެއްބައެއްވަންތަކަން މުޖުތަމަޢުގެ އެކި ފަންތިތަކުން ފެނިގެންދާނީ މިފަދައިން ޢަމަލުކުރުމުންކަންވެސްވަނީ ހަނދާންކޮށްދީފައެވެ.

ޚުތުބާއިން މިފަދައިން ބުނެދޭ ފިލާވަޅުތަކުން ފިލާވަޅެއް ހަނދާންކޮށްލަމާ ހިނގާށެވެ. 

އަހަރެމެން ދުނިޔޭގައި އުޅޭ އުޅުމުގައި ހިތާމަތަކާއި ވޭނާއި ކުރިމަތިލާންޖެހޭނެއެވެ. އެހިތާމަ ތަކަކީ ތިމާގެ އެންމެ ގާތް އެކުވެރީންގެ ފަރާތުން ލިބޭކަމެއްކަމުގައިވެސް ވެދާނެއެވެ. ނުވަތަ ލޯބިވާ އާއިލާގެ ތެރެއިން މެދުވެރިވާ ކަމަކަށްވެސް ހީވެދާނެއެވެ. ނޫންނަމަ ތިމާ އުޅޭ ވެށީގެ އަޙުލުވެރިންގެ ފަރާތުންވެސް ލިބޭ ކަމެއްކަމަށް ތިމާއަށް ހީވެދާނެއެވެ. މިފަދަ ހީތަކުން ދުރުހެލިވެ، އެއީ ﷲގެ އިމްތިޙާންކަންދަނެ އެކަލާނގެއަށް ކުއްތަންވާށެވެ. ކެއްތެރިކަމާއި ނަމާދުން ވާޤި އެދޭށެވެ. ތިމާ ބޭނުންވާ ކަންކަން ބޭނުންވާގޮތަށް ހުރިހާ ފަހަރެއްގައި ނުހިނގާނެކަމާއި އެހުރިހާ ކަމެއް ރާވާ ހިންގަވަނީ އެއްކައުވަންތަ ﷲކަން ދަނެ، މާޔޫސްވެ ދުނިޔެމަތިން ފޫހިނުވާށެވެ. ދުނިޔެއަށް ފޮނުއްވުނު މަޤްޞަދު ޙާޞިލްކުރަމާ ހިނގާށެވެ. ދުނިޔޭގެ އުފަލާ މަޖަލަކީ ވަގުތީކަންކަމެވެ. ވީއިރު، ތިމާއަށް އެފަދަ ނިޢުމަތް ނުލިބެނީ ކީއްވެހޭ ނުބުނާށެވެ. އެއީ ތިމާގެ ނިކަމެތިކަމޭ، ތިމާގެ ގޯސްކަމޭ ނުބުނާށެވެ. އޭގެ ބަދަލުގައި ހަމައެކަނި ﷲގެ ޙަޟްރަތުން ވާޤިއަށް އެދޭށެވެ. ﷲ ރައްބުވަންތަކަމުއްޔާއި އިލާހުވަންތަކަމުގއްޔާއި ލިބިވޮޑީގެންވާ ސިފަފުޅުތަކުގައި އެއްކައުވަންތަކުރާށެވެ. އެއަށްފަހު ކިޔަމަންތެރިކަމާއި އެކު ހިތްނިޔަތް ޚާޞިލްކޮށްގެން ﷲގެ ރިވެތިވެގެންވާ އިސްމުފުޅުތަކުން ދުޢާކުރުން ގިނަކުރާށެވެ. ސަބަބުތަކުގައި ހިފުމުގެގޮތުން ދީނަށް ލޯބިކުރާ، ދީނީކަންކަމަށް ބާރުއަޅާ އެކުވެރިން އިޙްރިޔާރުކުރާށެވެ. އިންޝާ ﷲ، އޭރުން ތިބާވާނީ ތިބާ ހެއްދެވުނު މަޤްޞަދު ހަނދާންކުރާ، ﷲ އެއްކައުވަންތަކުރާ އަޅަކަށެވެ. 

ގުޅޭ ލިޔުންތައް

އަޙްމަދު ޝަރީފް

Ahmed Shareef

އަޙުމަދު ޝަރީފަކީ ފައިނު ސްކޫލްގައި ވަޒީފާ ޢަދާ ކުރަމުންގެންދާ މުދައްރިސެކެވެ. އަދި ރައްޔިތުންގެ ދީނީ ހޭލުންތެރިކަން އިތުރުކުރުމަށް ރަށު ފެންވަރުގައި އިސްވެ އުޅުއްވާ ފަރާތެކެވެ.

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ