މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41

ޝަޢުބާންމަހަކީ އެތައްގޮތަކުން ރަނުގެ ފުރުޞަތެއް

އަޙްމަދު ޝަރީފް

ބަރަކާތްތެރި ރަމަޟާންމަސް ބައްދަލުކުރުމަށް ކުޑަތަންވެ، 6 ދުވަހަށްވެފައިވާއިރު، އަޅުގަނޑުމެން ހޭދަކުރަމުންމިދާ ޝަޢުބާންމަހާއިމެދުވެސް ވިސްނުމަށާއި މިދުވަސްތަކުގެ މާތްކަމާއި ހެޔޮކަން ހޯދުމަށް ޚުތުބާގައި ގޮވާލައްވައިފިއެވެ.

އެގޮތުން އަހަރެމެން ވޭތިކުރުމުންމިދަނީ އެދުވަސްތައްކަން ހަނދާންކޮށްދެއްވަމުން މިޝަޢުބާންމަހުގެ ޙާއްޞަކަން މިސާލުތަކަކުން ވަނީ އިތުރަށް ތަފްޞީލްކޮށްދެއްވާފައެވެ. ޝަޢުބާން މަހަކީ ރަމަޟާންމަހަށް މަރުޙަބާ ކިޔާ މަހަށްވުމާއި މިމަހުގެ ހަނދު ފެނުމުން ރަމަޟާންމަހުގެ ހަނދާންތައް ގެނުވާކަންވަނީ ހަނދާންކޮށްދެއްވާފައެވެ. މީގެ އިތުރުންވެސް ރޯދައިގެ މަތިވެރިކަމާއި ހެޔޮ ޢަމަލުގެ މޫސުމެއް އަންނަކަމާއި އެކަމަށް ނަފްސު ތައްޔާރުކޮށްލުމަށް ލިބޭ ރަނުގެ ފުރުޞަތެއްކަމުގައި ހިފުމަށާއި ހިތްވަރާއިއެކު ﷲގެ ފުއްސެވުމާއި ރުއްސެވުން އަދި ނަރަކައިން ދިންނެވުން ހޯއްދެވުމަށް ގަދައަޅާ މަސައްކަތްކުރުމަށް ލިބިދޭ ތަމްރީނެއްކަމުގައިވެސްވަނީ ބުނެދެއްވާފައެވެ. އަދި ހަމަ އެއާއިއެކު ޝައިޠާނީ ދަންމަޅިތަކުންނާއި ތަސްތަޅުތަކުން ސަލާމަތްވެ ނަފްސު ޠާހިރުކޮށް، ސީދާމަގަށް ރުޖޫޢުވުމަށް ހުޅުވާލެވުނު ދޮރެއްކަންވެސްވަނީ ނަބަވީ އިރްޝާދުތަކުގެ އަލީގައި ބަޔާންކޮށްދެއްވާފައެވެ. 

ވަކިން ޙާއްޞަގޮތެއްގައި ކޮރޯނާ ވައިރަސް ފެތުރެމުންދާ މިފަދަ ދަނޑިވަޅެއްގައި ތަވުބާވެ ހެޔޮޢަމަލު ގިނަކުރުމަށްވަނީ ތަކުރާރުކޮށް ހަނދާންކޮށްދެއްވާފައެވެ. އެގޮތުން މިމަހުގެ ހެޔޮކަން އިތުރަށް ޙާޞިލްކުރުމުގެ ގޮތުން ރައްޔިތުންނާއި މުޖުތަމަޢުގެ ލާބައާއި މަންފާ ލިބޭ ކަންކަމުގައި ޢަމަލީގޮތުން ބައިވެރިވުމާއި، މިހާރަށްވުރެ ބޮޑަށް ހެޔޮކަންކަމުގައި އެހީތެރިވެ ވާޤިވެރިވުމަށާއި ހެޔޮކަންކަމަށް ޢަމުރުކުރުމާއި ނުބައި ކަންކަން މަނާކުރުމުގައި ޙަރަކާތްތެރިވުމަށާއި، ޞަދަޤާތްކުރުމަށާއި މުދަލު ޒަކާތް އަދާކުރުމަށާއި، ޙާލުގައިއުޅެ މީހުން ހޯދައިބަލައި އެބައިމީހުންނަށް އެހީގެ އަތެއް ދިއްކޮށްލުމުގައި އުމުރުގެ ތަފާތެއް ނެތްކަމުގައިވެސްވަނީ ފާހަގަކުރައްވާފައެވެ.
 
ޚުތުބާގައި އަޅުގަނޑުމެން ޒުވާނުންނަށްވެސްވަނީ ވަރަށްވެސް ބޭނުންތެރި މެސެޖެއް ދެއްވާފައެވެ. އެގޮތުން މިޝަޢުބާންމަހުގެ ދުވަސްތަކުގައި ހެޔޮކަންކަމުގައި ވަގުތު ހޭދަކުރުމަށާއި ކިތައްމެ ކުޑަނަމަވެސް ހެޔޮކަމެއް ކުރުމަށާއި އެކަމުގައި ޘާބިތުވެ ހުރުމަށާއި، ގިނަގިނައިން ޤުރްއާން ކިޔެވުމަށާއި ސުންނަތް ނަމާދުތައް ކުރެވޭތޯ ހިތްވަރާއެކު މަސައްކަތްކުރުމަށާއި، އިސްލާމީ ޢިލްމު އުނގެނުމުގައި ވަގުތު ހޭދަކުރުމަށާއި، އެކަކު އަނެކަކަށް ހެޔޮވާހަކަ ދައްކާ ހެޔޮބަސްބުނެ ހަނދާންކޮށްދިނުމަކީ ދެދުނިޔޭގައިވެސް އޭގެ ލާބަ އާއި މަންފާ ކުރާންކަންކަން ކަމުގައިވަނީ ނަބަވީ ބަސްފުޅުތަކުގެ ޢަލީގައިވަނީ ހަނދާންކޮށްދީފައެވެ. 

ވީމާ، އަޅުގަނޑުމެންގެ ޙާލަތާއިމެދު ވިސްނާ އަމިއްލަ ނަފްސު އިޞްލާޙުކުރަމާ ހިނގާށެވެ. ފޭސްބުކު އަދި ވައިބާ ފަދަ ސޯޝަލް މީޑިޔާތަކުގައި ލާސްޓް ސީން "ވޫމެންޓް އެގޯ" އިންނަ ފަދައިން ފޯނުގައި އިން ޤުރްއާން  އަދި ހެނދުނާއި ހަވީރުގެ ޛިކުރުތައް ހިމެނޭ އެޕްލިކޭޝަންސްތައްވެސް ކޮންމެ ދުވަހަކު މަދުވެގެން ދެފަހަރަށް "އޮންލައިން"ވެސް ކޮށްލަމާ ހިނގާށެވެ. ރަމަޟާންމަހާއި ބައްދަލުކޮށް އެމަހުގެ ހެޔޮކަން ޚާޞިލްވާނޭ މަގު ތަނަވަސްކޮށްދެއްވާ އެކަމުގެ ހެޔޮ ތަވުފީޤުދެއްވުން އެދި ﷲގެ ޙަޟްރަތުގައި ގިނަގިނައިން ދުޢާކޮށް ނަޞޫޙު ތަވުބާއަކުން ތަވުބާވުމަށް މިޝަޢުބާންމަހަކީ ލިބިގެންދާ ރަނުގެ ފުރުޞަތެކެވެ. އަދި މިދުވަސްތަކުގެ ބޭނުން ހެޔޮގޮތުގައި ހިފުމަށް އަޅުގަނޑުގެ އަމިއްލަ ނަފުސަށާއި ތިޔަ އެންމެހައި ކިޔުންތެރީންނަށް ހަނދާންކޮށްދީ ވަޞިއްޔަތްކުރަމެވެ.

ގުޅޭ ލިޔުންތައް

އަޙްމަދު ޝަރީފް

Ahmed Shareef

އަޙުމަދު ޝަރީފަކީ ފައިނު ސްކޫލްގައި ވަޒީފާ ޢަދާ ކުރަމުންގެންދާ މުދައްރިސެކެވެ. އަދި ރައްޔިތުންގެ ދީނީ ހޭލުންތެރިކަން އިތުރުކުރުމަށް ރަށު ފެންވަރުގައި އިސްވެ އުޅުއްވާ ފަރާތެކެވެ.

މިލިޔުން ކިޔާލުމުން

100%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ