މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: މީސްމީޑިޔާ

އަންހެނުންގެ ޙައްްޤުތައް އެންމެބޮޑަށް ކަށަވަރުކޮށްދެނީ އިސްލާމްދީން - ޚުތުބާ

އަޙްމަދު ޝަރީފް

ދުނިޔޭގެ ތަފާތު އެތައް ޖަމްޢިއްޔާ ޖަމާޢަތްތަކަކުން އަންހެނުންގެ ޙައްޤުގެ ނަމުގައި އެކަނބަލުންނަށް އިސްލާމްދީނުން ކަށަވަރުކޮށްދީފައިވާ ޙައްޤުތަކުން ބޭރުވެ، ދީނާއިދުރު ތަފާތު ވާހަކަތައް ދެކެވެމުންދާ މިފަދަ ދުވަސްވަރެއްގައި ވަރަށްވެސް ބޭނުންތެރި މުޙިއްމު މަޢުލޫމާތުތަކެއް މިއަދުގެ ޚުތުބާގައި އަލިއަޅުވާލައިފިއެވެ. އެގޮތުން؛

- އިސްލާމްދީނުގައި ތަޢުލީމާ ތަރުބިއްޔަތު ދިނުމާއި އޯގާތެރިވުމުގައި އަންހެނެއް ފިރިހެނެއް ތަފާތުކުރުމެއް ނެތް.
- އަންހެންދަރީން ހެޔޮގޮތުގައި ތަރުބިއްޔަތުކޮށްފިނަމަ ނަރަކައިން ރައްކާތެރިވުމެއްކަމުގައި އެދަރީންވާނެކަން.
- ޢިލްމު އުނގެނި އުނގަނައިދިނުމުގައި އަންހެން ކަނބަލުންނަށް ތަފާތުކުރުމެއް ނެތްކަން.
- ކައިވެނި ކުރުމުގައި އަންހެން ކުއްޖާއަށް ބޮޑަށް އިޙްތިޔާރުދީފައިވޭ. 
- އަންހެންކުއްޖާގެ ކައިވެނީގެ ކަންކަމުގައި މައިންބަފައިން މަޖުބޫރުކުރުން އެއީ ހުއްދަކަމެއްނޫންކަން.
- އެއްވެސް ހާލަތެއްގައި އަނިޔާވެރިވުން ނަހީކުރެއްވި. 
- އަންހެނުންނަށްވެސް އާއްމުދަނީ ހޯދުމުގެ ޙައްޤު ކަށަވަރުކޮށްދޭކަން. އަދި އެމުދާ ރައްކާތެރިކުރެއްވިކަން.
- އަނބިމީހާގެ ހުއްދަނެތި ފިރިމީހާވެސް އަނބިމީހާގެ މުދާ ބޭނުންކުރުން މަނާކުރައްވާފައިވާކަން.
- އަނބިމީހާއަށް ލިބޭ މުދާ އޭނަގެ ޢާއިލާ އާއި ދަރިންނަށް ޚަރަދުކުރުން ލާޒިމެއްނޫންކަން. ނަމަވެސް ފިރިމީހާގެ މައްޗަށް އެފަދަ ޚަރަދުތައް ލާޒިމް ކުރައްވާފައިވާކަން.
- ޙައްޖަތުލްވަދާޢުގެ ޚުތުބާގައިވެސް އަންހެނުންގެ ޙައްޤުތައް ކަށަވަރުކުރައްވާ އެކަމަށް ވަޞިއްޔަތްކުރެއްވިކަން.
- ފިރިހެނުންކުރެ އެންމެ ހެޔޮ މީހަކީ އޭނަގެ އަނބިމީހާއަށް އެންމެ ހެޔޮމީހާކަން ކަނޑައެޅުއްވި.
- ވާރުތަމުދަލުން ބައެއް ލިބޭނެގޮތް ހައްދަވައިދެއްވީ އިސްލާމްދީންކަން.

ލޮބުވެތި އަންހެން ކަނބަލުންނޭވެ! މިފަދައިން އިސްލާމްދީން އަންހެނުންގެ ޙައްޤުތައް ކަށަވަރުކޮށްދީފައިވާއިރުވެސް އިންސާނި ޙައްޤުގެ ނަމުގައްޔާއި އަންހެނުންގެ ޙައްޤުގެ ނަމުގައި އިސްލާމްދީނަށް ބަދުބަސް ބުނާ ފަރާތްތަކުގެ ތެރޭގައި އަހަރެމެންގެ ތެރޭއިން ހިމެނޭ ދިވެހި އިސްލާމީ ނަމުން ދީފައިވާ މުސްލިމުންކަމަށް ދައުވާކުރާ ފަރާތްތައް އުޅޭކަމީ ހިތާމަކުރަންޖެހޭކަމެކެވެ. އެފަދަ ފަރާތްތަކުގެ އެފަދަ ނުބައިރޭވުންތަކުން ސަލާމަތްވުމަށާއި، އެފަދަ ފަރާތްތަކާއި ދެކޮޅަށް މަސައްކަތްކުރުމަކީ ކޮންމެ މުސްލިމެއް ޒިންމާއެކަމުގައި އަޅުގަނޑު ދެކެމެވެ. އަދި ޙައްޤުގެ ނަމުގައި ދީނުގައި ކަނޑައެޅިފައިވާ އިމުން ބޭރުވެ އެހޯދެނީ ޙައްޤުނޫންކަމުގައިވެސް ވިސްނަމާ ހިނގާށެވެ. ޢިއްފަތަށް ރައްކާތެރިވެ، ކުޅިވަރުކުޅުމުގައްޔާއި މުނިފޫހިފިލުވުމުގައިވެސް ދީނުގެ އިމުގެ ތެރޭގައި ކުރިއަރާދަމާ ހިނގާށެވެ. ޢިލްމު އުނގެނޭށެވެ. އަދި އުނގައިދޭށެވެ. އާއްދަނީ ހޯދާށެވެ. ހެޔޮގޮތުގައި އެޙަރަދުކުރާށެވެ. ދީނުގެ ތަރަޙައިގެ ތެރޭގައި ދިރިއުޅުން ބައްޓަންކުރާށެވެ. ޔަޤީންކުރަންވީ ކަމަކީ އަންހެނުންގެ ހުރިހާ ޙައްޤުތަކެއް ހަމައެކަނި ކަށަވަރުކޮށްދީފައިވަނީ އިސްލާމްދީނުގައި އެކަނިކަމެވެ. 

ހަމައެއާއިއެކު، ދުނިޔެއަށް ލޯ ހުޅުވާލިދުވަހުން ފެށިގެން ކަށްވަޅަށްދާންދެންވެސް އަންހެން ކަނބަލުންނަށް ބެލެހެއްޓުންތެރިއަކު ދީނުގައި ހަމައެކަނި ކަނޑައެޅުއްވީ އިސްލާމްދީނުގައިކަންވެސް ހިތުގެ އަޑިން ޤަބޫލުކުރާށެވެ. ކުޑައިރުއްސުރެ ފުރާވަރަށްއަރާ ކައިވެނި ވެވެންދެންވެސް ބެހެލެއްޓުމުގެ ޒިންމާ ބައްޕައަށް މަތިކުރެވިފައެވެ. ކައިވެންޏަށްފަހު ފިރިމީހާއަށެވެ. މަންމައަކަށްވުމަށްފަހު ދަރިންގެ މައްޗަށެވެ. 3 ދަރަޖަ އިރުކޮށެވެ. ކަންމިހެން ހުރުމުން އެނގިކަށަވަރުވަނީ އަންހެނުންގެ ހުރިހާ ޙައްޤުތަކެއް ކަށަވަރުކޮށްދިނީ ހަމައެކަނި އިސްލާމްދީންކަމެވެ.

ގުޅޭ ލިޔުންތައް

އަޙްމަދު ޝަރީފް

Ahmed Shareef

އަޙުމަދު ޝަރީފަކީ ފައިނު ސްކޫލްގައި ވަޒީފާ ޢަދާ ކުރަމުންގެންދާ މުދައްރިސެކެވެ. އަދި ރައްޔިތުންގެ ދީނީ ހޭލުންތެރިކަން އިތުރުކުރުމަށް ރަށު ފެންވަރުގައި އިސްވެ އުޅުއްވާ ފަރާތެކެވެ.

މިލިޔުން ކިޔާލުމުން

0%
އުފާވި
100%
ދެރަވި
0%
ހިނިއައި
0%
ރުޅިއައި

1 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ޝ 7 months ago

ވަރަށް މުހިންމު ބޭނުންތެރި ލިޔުމެއް-ޝުކުރިއްޔާ

ރައްދު

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ