މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: ޢިލްމް.އެމްވީ

ޙަަޤީީޤީ ބާއްޖަވެރިކަމަކީ މާއްދީގޮތުން ހޯދޭ އެއްޗެއް ނޫން

ދުނިޔެމަތީގައި ކޮންމެ މީހަކަށްވެސް އެންމެ ބޮޑަށް މަސައްކަތް ކުރެވެނީ އުފާވެރި، ބާއްޖަވެރި ދިރުއުޅުމެއް ހޯދުމަށް ކަމަށާއި އެއީ އަގު ދީފައި ގަނެވޭނެ އެއްޗެއް ނޫން ކަމުގައި މިއަދުގެ ޚުޠުބާގައި އަލިއަޅުއްވާލައިފިއެވެ. "ޙަޤީޤީ ބާއްޖަވެރިކަން" މިމަޢުޟޫ އިތުރަށް ތަފްޞީލް ކޮށްދެއްވަމުން މިއަދުގެ ޚުޠުބާގައި ފާހަގަ ކޮށްފައިވަނީ ޙަޤީޤީ ބާއްޖަވެރި ކަމަކީ މުސްލިމު އަޅާ، ﷲ އަށް އީމާންވެ، ﷲ އެންގެވި ގޮތްތައް އިޙްތިޔާރުކޮށް، ނަހީކުރެއްވި ކަންކަމުން ދުރުހެލިވެ ހުރުމުން އެއަޅެއްގެ ހިތުގައި ﷲ ލައްވަވާ އުފާވެރިކަމާއި ހިތްހަމަޖެހުމުގެ ޝުޢޫރެއް ކަމުގައެވެ.

ކީރިތި ޤުރްއާނުގެ މޫރިތި އާޔަތްތަކާއި ނަބަވީ ބަސްފުޅުތަކުގެ އަލީގައި ފާހަގަކުރައްވާފައިވަނީ ޙަޤީޤީ ބާއްޖަވެރިކަން ބޭނުންވާ މީހާ އަސާސީ ދެކަމެއް ފުރިހަމަ ކުރާނެއެވެ. އެއީ އީމާންކަން ހަރުދަނާ ކުރުމާއިއެކު ކިޔަމަންތެރިވުމެވެ.  

ބާއްޖަވެރިކަން ހޯދުމަށް އެދޭމީހާ ފަރުޟް ނަމާދުތަކަށް ރައްކާތެރިނުވެ ކިޔަމަންތެރިކަން އަދާނުކޮށް ހޯދޭނެ ބާއްޖެވެރި ކަމެއް ނެތްކަމުގައި ވަނީ ހަނދާން ކޮށްދީފައެވެ. އަދި އިންސާނާއަކަށް ބާއްޖަވެރިކަން ގެނެސްދޭނެ ހަމައެކަނި ގޮތަކީ އީމާންކަން ހަރުދަނާ ކުރުންކަމުގައެވެ. 

ބާއްޖަވެރިކަން ވަޒަންކުރެވޭނެ ވަކި ޙާއްޞަ ފޯމިޔުލާއެއް ނެތްނަމަވެސް ބާއްޖަވެރިކަން އަމިއްލަ ވަޒަންކޮށްލުމަށް އަމިއްލަ ނަފްސާ ކުރުން މުހިއްމު ސުވާލުތަކެއް ވެސް ވަނީ ބަޔާން ކޮށްދީފައެވެ. އަދި އެކަންކަމަކީ އަނގައިން ބުނެދޭން ނޭނގުނަސް ހިތްހަމަޖެހުމާއި އުފާވެރިކަން އިޙްސާސްކުރެވޭނެ ކަންކަމެވެ.

- ތިބާއަށް ފަރްޟްފަސްނަމާދު އަދާކުރެވޭނަމަ ތިބާއަށް ކުރެވެނީ ކޮންކަހަލަ އިޙްސާސްތަކެއް ހެއްޔެވެ؟
- ތިބާއަށް ޤުރްއާނުން މިންވަރެއް ކިޔަވާލެވޭ ދުވަހަކު ތިބާއަށް ކުރެވެނީ ކޮންކަހަލަ އިޙްސާސްތަކެއް ހެއްޔެވެ؟
- ތިބާ ރޯދައަށްހުރުމަށްފަހު ރޯދަވީއްލާ ވަގުތު ތިބާއަށް ކުރެވެނީ ކޮންކަހަލަ އިޙްސާސްތަކެއް ހެއްޔެވެ؟
- ތިބާ އެތަކެއް ބުރައަކާއި ފައިސާއެއް ޚަރަދުކޮށްގެން ފުރިހަމަކުރާ ޙައްޖުނިމޭ ހިނދު ތިބާއަށް ކުރެވެނީ ކޮންކަހަލަ އިޙްސާސްތަކެއް ހެއްޔެވެ؟
- ތިބާއަށް ޞަދާޤާތެއް ދެވުމުން ތިބާއަށް ކުރެވެނީ ކޮންކަހަލަ އިޙްސާސްތަކެއް ހެއްޔެވެ؟

ލޮބުވެތި ކިޔުންތެރިން! ޙަޤީޤީ ބާއްޖަވެރިކަން ޙާޞިލްކުރުމަށް ދީނުގެ އެންމެހައި ފަރްޟްތަކާއި ސުންނަތްތައް ފުރިހައަށް އަދާކުރެވޭތޯ ބަލާށެވެ. އީމާންކަމާއި އެކުގައި މެނުވީ އެއްވެސް އަޅުކަމެއް ޤަބޫލު ވެވިގެންނުވާކަން ދަނެ، އީމާންކަން ހަރުދަނާ ކުރަމާ ހިނގާށެވެ. އަމިއްލަ ނަފްސު ހިސާބުކޮށް ކޮންމެ ދުވަހަކުވެސް ފަރްޟް ނަމާދުތަކާއި ރަވާޠިބު ސުންނަތްތަކާއި ކުޅަދާނަވީ ވަރަކުން ރޯދަހިފުމަށާއި ޤުރްއާން ކިޔެވުމަށާއި ޞަދަޤާތުގެ ކޮންމެވެސް މިންވަރެއް ހޭދަކުރަމާ ހިނގާށެވެ. ހިތްހަމަޖެހޭނީ ރުފިޔާ ފައިސާއަކުން ނޫނެވެ. ﷲ ހަނދުމަކޮށްގެންނެވެ. 

އަޙްމަދު ޝަރީފް

Ahmed Shareef

އަޙުމަދު ޝަރީފަކީ ފައިނު ސްކޫލްގައި ވަޒީފާ ޢަދާ ކުރަމުންގެންދާ މުދައްރިސެކެވެ. އަދި ރައްޔިތުންގެ ދީނީ ހޭލުންތެރިކަން އިތުރުކުރުމަށް ރަށު ފެންވަރުގައި އިސްވެ އުޅުއްވާ ފަރާތެކެވެ.

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ