މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: އިންޓަނެޓް

ބަލިމަޑުކަމުން އަރައިގަތުމަށް ﷲ އަށް ވަކީލްކުރުމާއިއެކު ސަބަބުތަކުގައި ހިފާ - ޚުޠުބާ

އަޙްމަދު ޝަރީފް

މާތްވެގެންވާ އިސްލާމްދީނަކީ ހުރިހާ ޒަމާނަކަށްވެސް ހުރިހާ މަކާނަކަށް ފެތޭ، ދީންކަން މިއަދުގެ ޚުޠުބާއިން އެނގި ހާމަވެގެންދެއެވެ. އެގޮތުން، އިސްލާމްދީނުގެ މަތިވެރި މަޤްޞަދުތަކުގެ ތެރެއިން އިންސާނާގެ ނަފްސާއި ފުރާނަ އަދި ނަޞްލު ރައްކާތެރި ވަނީ ލައްވާފައެވެ. ވަކިން ޙާއްޞަކޮށް އިންސާނާގެ ހަށިގަނޑާއި ދުޅަހެޔޮކަން ލިބިދާނެ ހުރިހާ ކަމެއްވަނީ ޙަރާމް ކުރައްވާފައެވެ.

ޞިއްޙަތާއި ދުޅަހެޔޮކަމަކީ ޙަޔާތުގެ މައިކަށިކަން ބަޔާންކޮށްދެއްވަމުން މިއަދުގެ ޚުޠުބާގައިވަނީ ޤައުމެއް ތަރައްޤީވެ ކުރިއަރާދާނީ ރައްޔިތުންގެ ދުޅަހެޔޮކަމުންކަމާއި މަސައްކަތްތެރިކަމުންކަމާއި، ގައިބާރާއި ޢަޒުމްވަރުގަދަކަމުންނާއި، ކިޔަމަންތެރިކަމާއި ވަފާތެރިކަމޔގެ ސަބަބުންނާއި، ބަލިމަޑުކަމުން ސަލާމަތްވެގެންވުމުންނެވެ. މީގެ އިތުރުންވެސް، ޞިއްޙަތާއި ދުޅަހެޔޮކަމަކީ އިންސާނާގެ ހިވާގިކަމުގެ ފީތާކަމާއި، އާރާބާރާއި ހަކަތައިގެ ސަބަބުންނެވެ. 

ދުޅަހެޔޮ ސިއްޙަތަކަށް އެދޭނަމަ އެންމެ އިސްކަމެއް ދޭންޖެހެނީ ސާފްތާހިރުކަންކަމުގައި ކޮންމެ މީހަކުވެސް ޤަބޫލުކުރާނެކަން ކަށާވަރެވެ. މިފަދައިން ބާރުއަޅުއްވާފައިވާ ހަމައެކަނި ދީނަކީ އިސްލާމްދީންކަމާއި އެދީނުގެ އެންމެހައި ވާޖިބުތަކާއި ސުންނަތްތަކުގެ ޢަމާޒަކީ ސާފްތާޙިތުކަމެވެ. 

ދުޅަހެޔޮކަމާއި ފުރިހަމަ ޞިއްޙަތަކަށް އެދޭ ކޮންމެ ފަރުދަކަށާއި މުޖުތަމަޢުއަކަށް އެދޭނަމަ ޢަމަލުކުރަންވީ އުޞޫލުތަކާއި ޙުކުމްތައް އިސްލާމްދީނުގައިވަނީ ބަޔަންކުރައްވާފައެވެ. އެގޮތުން ފާހަގަކޮށްލެވޭ ކަންތައްތަކުގެ ތެރޭގައި؛

- އިންސާނާއަށް ގެއްލުން ލިބޭ ހުރިހާ އެއްޗެއް ކެޔުމާއި ބުއިން ޙަރާމްކުރެއްވުން.
- ދިރިއުޅޭ ތަންތަން ސާފުކޮށް ބޭއްވުމާއި ބެލެހެއްޓުން.
- ފާޙިޝް ޢަމަލުތަކަށް އަރައިނުގަތުން
- ނުހިނގާ ނުވަތަ ނުދެމޭ ފެންގަނޑުގަނޑަށް ނުވަތަ ކޯރުތަކަށް ޤަޟާޙާޖާ ނުކުރުމާއި ނަޖިސްފަދަ ތަކެތި އެފަދަ ތަންތަނަށް އުކާނުލުން.
- ﷲށް ވަކީލުކުރުމާއިއެކު ޙަރާމްކުރައްވާފައިވާ އެއްޗެއްނޫން އެއްޗަކުން ބޭސްފަރުވާ ކުރުންފަދަ ކަންކަން ކުރުން.
- ދުޢާކުރުން
- ހާސްވެ ކަންބޮޑުނުވުމާއި މާޔޫސްނުވުން.

އަދި ހަމައެއާއިއެކު، މިއަދު ދުނިޔޭގައި ހަލުވި ކަމާއިއެކު ފެތުރެމުންދާ ކޮވިޑް 19ގެ ޙާލާތުގައިވެސް އޮތީ ﷲށް ވަކީލްކުރުމާއިއެކު ސަބަބުތަކުގައި ހިފައި ކަމާއިބެހޭ ފަރާތްތަކުން ދޭ އިރްޝާދުތަކަށް ތަބާޢުވެ މިހާލަތުން އަރައިގަތުމަށްވެސްވަނީ މިއަދުގެ ޚުޠުބާގައި ގޮވާލާއްވާފައެވެ. މީގެ އިތުރުންވެސް، ކާއިނާތުގެ ހުރިހާކަމެއް ހިންގަވަނީ ﷲ ތަޢާލާކަމާއި އެއީ އެކަލާނގެ އަޅުތަކުން އިމްތިޙާނުކުރެއްވުމަށްކަމުގައި އަބަދުވެސް ހިތްމައްޗަށް ގެނެސްގެން ޢަމަލުތައް ބެހެއްޓުމަށާއި ދުޢާކުރުން ގިނަކުރުމަށްވެސްވަނީ ހަނދާންކޮށްދީފައެވެ. 

ލޮބިވެތި ކިޔުންތެރިން!! ދުނިޔެމަތީގައި އުޅޭއިރު، ހިތްދަތިކަމާއި އުފަލާއި ހިތާމަ ކުރިމަތީވާނެއެވެ. ވޭނާއި ކެކުޅުމާއި އަނިޔާއާއި ބަލިމަޑުކަންވެސް މެދުވެރިވާނެއެވެ. ދަންނަންވީ ކަމަކީ މިއިން ކޮންމެ ކަމަކަށްވެސް ކެތްތެރިވެ ﷲށް ވަކީލްކޮށް ސަބަބުތަކުގައި ހިފައިކަމުގައިވާނަމަ އެކަމަކީ އެމީހަކަށްވާ ފާފަ ފުއްސެވުމެއްކަމާއި ރުއްސެވުމެއް ކަމުގައި ދެކޭށެވެ. ތިބާ ހިތްއެދޭހާ އަވަހަށް ކަންކަން ނުވެދާނެއެވެ. ނަމަވެސް ޝަކުވާ ނުކުރާށެވެ. ކެތްތެރި، ﷲ ރަޙްމަތަށް އުއްމީދުކިޔާށެވެ. ޝިފާދެއްވާނީ ﷲއެވެ. އެހެން ކަމުން އަހަރެމެންނަށް އޮތީ ސަބަބުތަކުގައި ހިފުމާއިއެކު ﷲށް ވަކީލްކޮށްގެން ކެތްތެރިވުމެވެ. 

ގުޅޭ ލިޔުންތައް

އަޙްމަދު ޝަރީފް

Ahmed Shareef

އަޙުމަދު ޝަރީފަކީ ފައިނު ސްކޫލްގައި ވަޒީފާ ޢަދާ ކުރަމުންގެންދާ މުދައްރިސެކެވެ. އަދި ރައްޔިތުންގެ ދީނީ ހޭލުންތެރިކަން އިތުރުކުރުމަށް ރަށު ފެންވަރުގައި އިސްވެ އުޅުއްވާ ފަރާތެކެވެ.

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ