މާލެ
ފައިނު
އިމްސާކް
04:14
04:14
ފަތިސް
04:34
04:34
އިރުއަރާ
05:52
05:52
މެންދުރު
12:09
12:12
އަޞްރު
15:32
15:35
މަޣްރިބް
18:17
18:22
ޢިޝާ
19:35
19:41
ފޮޓޯ: އިންޓަނެޓް

އާޚިރަތް ދުވަހާއިމެދު ވާހަކަ ދެއްކުމަކީ ގިނަގިނައިން ކުރަންޖެހޭ ކަމެއް - ޚުޠުބާ

އަޙްމަދު ޝަރީފް

އާޚިރަތް ދުވަހާއިމެދު ގިނަގިނައިން ވާހަކަ ދެއްކުމަކީ ވަރަށް ގިނައިން ކުރަންޖެހޭ ކަމެއްކަމުގައި މިއަދުގެ ޚުޠުބާގައި ގޮވާލައިފިއެވެ. "ތިމާކުޅަ ޢަމަލު ތިމާދެކޭނެ ދުވަސް" މިމަޢުޟޫއަށް މިއަދު އިއްވިގެންދިޔަ ޚުޠުބާގައިވަނީ އާޚިރަތް ދުވަހަށް އީމާންވުމަކީ އީމާންކަމުގެ ރުކުނެއް ކަމާއި އެރުކުނުގެ ކޮބައިކަން ވަރަށް ތަފްޞީލްކޮށް ބަޔާން ކޮށްދެއްވާފައެވެ. އަދި ހަމައެއާއިއެކު، އެދުވަސްވަނީ ސިއްރު ކުރެވިގެންކަމާއި އެކަން ދެނެވޮޑިގެންވަނީ ހަމައެކަނީ އަހަހުށި ﷲ ތަޢާލާކަމާއި، އެދުވަހަކީ ވަރަށް ކައިރީގައިވާ ދުވަހެއް ކަމުގައި ވެސްވަނީ ހަނދާން ކޮށްދީފައެވެ.

ޤިޔާމަތް ކައިރިވުމުން ކަންކަން ދުނިޔޭގައި ހިނގާނެގޮތް ޚުލާސާ ކޮށްދެއްވަމުން ވިދާޅުވެފައިވަނީ ޤިޔާމަތުގެ ޢަލާމަތްތައް ފާޅުވަމުންދާކަމާއި، އެންމެ ފަހުން ދުނިޔޭގައި ތިބޭނެ އެންމެ ނުބައި މީހުންކަމާއި، ތާޅަފިލި ފުމެލެއްވުމަށްޓަކައި އިސްރާފީލް ޢަލައިހިއްސަލާމް އެޒިންމާއައިގެން ﷲ ގެ ޢަމުރުފުޅުގެ އިންތިޒާރުގައި ހުންނެވިކަން ވެސްވަނީ ފާހަގަ ކުރައްވާފައެވެ. 
ޤިޔާމަތުގެ ވަގުތު ޖެހުމުން ﷲ ގެ އަމުރުފުޅަށް ތާޅަފިލި ފުމެލެއްވުމުން ﷲ އިރާދަކުރެއްވި މަޚްލޫޤުން ނޫންހައި އެއްޗެއް ފަނާވެ ދާނެކަމާއި، އެއަޑުޖެހުމާއިއެކު ހިނދުކޮޅެއް ވެސް ނުވެ މަރުވާނެކަން ވެސްވަނީ ހަނދާންކޮށްދީފައެވެ. 

މީގެ އިތުރުންވެސް ޚުޠުބާގައި އިތުރަށް ހަނދާންކޮށްދެއްވަމުން ވިދާޅުވެފައިވަނީ ދެވަނަ ތާޅަފިއްޔާއެކު އެންމެން މަޙްޝަރު ކުރެވޭނެކަމާއި، އެންމެވެސް ތިބޭނީ ހުސްގަޔާއި ހުސްފަޔާ (ދުނިޔެއަށް އުފަންވީއުރު ހުރިގޮތަށް) ކަމުގައެވެ. އެމީހަކު ކުރި ޢަމަލާއި އެކަށީގެންވާ ގޮތުގައެވެ. ކިޔަމަންތެރިކަމުން އެއްކިބާވި މީހުންވާނީ ކަނު، ބީރު މަންމަން ބައެއްގެ ގޮތުގައެވެ. އަދި ހަމައެއާއިއެކު، އިރު މީސްތަކުންނާއި ކައިރި ކުރެވޭނެކަމާއި، އެމީހަކު ކޮށްފައިވާ ޢަމަލަކާއި ގުޅޭގޮތުން ކަމުގައި ޞައްޙަ ޙަދީޘުން ޘާބިތުވާކަމުގައި ވެސްވަނީ ފާހަގަކުރައްވާފައެވެ. އަދި އެދުވަހަކީ އެމީހަކު ކުރި ޢަމަލެއްގެ ފުރިހަމަ ހިސާބު ބެއްލެވޭނެ ދުވަހެއްކަމުގައި ވެސްވަނީ ފާހަގަ ކުރައްވާފައެވެ. 
އެދުވަހުގެ ބިރުވެރިކަން އިންތިހާޔަށްއަށްދާނެ ވަގުތަކީ އެމީހެއްގެ ފަތް އެމީހަކަށް ލިބޭވަގުތުކަމުން، އެދުވަހުން އިންސާނާވާނީ ހައިރާންވެގެންވާ ޙާލުގައެވެ. ޛައްރެއްގެ މިންވަރުވެސް ދޫކުރައްވާފައިނުވާތީއެވެ. 


ލޮބިވެތި ކިޔުންތެރިން! ﷲ އަށް ބިރުވެތިވެ އަޅުވެތިވަމާ ހިނގާށެވެ. ކޮންމެ ނަފްސަކީވެސް މަރުރަހަ ލިބިގަންނާނޭ ނަފްސެކެވެ. މަރުވުމުން އެމީހެއްގެ ޤިޔާމަތް ފެށުނީކަމުގައިވާއިރު، އަބަދާއި އަބަދު މަރު ހަނދާން ކުރަމާ ހިނގާށެވެ. އޭރުން ޢަމަލުތައް ސިދާވެ، ހެޔޮ ޢަމަލު ކުރުމުގައި އުޅުމުގެ ބާރަކަށް ވާނެއެވެ. ޤިޔާމަތުގެ ވާހަކަތައް އަޑުއަހައި އެފަދަ މަޖިލީސްތަށް ދޫކޮށްނުލައި، އެދުވަހުގެ ވާހަކަތައް ގިނަގިނައިން ދައްކަމާ ހިނގާށެވެ.

ގުޅޭ ލިޔުންތައް

އަޙްމަދު ޝަރީފް

Ahmed Shareef

އަޙުމަދު ޝަރީފަކީ ފައިނު ސްކޫލްގައި ވަޒީފާ ޢަދާ ކުރަމުންގެންދާ މުދައްރިސެކެވެ. އަދި ރައްޔިތުންގެ ދީނީ ހޭލުންތެރިކަން އިތުރުކުރުމަށް ރަށު ފެންވަރުގައި އިސްވެ އުޅުއްވާ ފަރާތެކެވެ.

މިލިޔުން ކިޔާލުމުން

0%
އުފާވި
0%
ދެރަވި
0%
ހިނިއައި
0%
ރުޅިއައި

0 ކޮމެންޓް

އިޖްތިމާއީ މިންގަނޑަށް ނުފެތޭ ކޮމެންޓްތައް ބަލައިނުގަނެވޭނެއެވެ.

މީސްމީޑިޔާ

ނިޔުސްލެޓަރ

ކޮންމެ ދުވަހެއްގެ މަޤުބޫލު ޚަބަރުތައް ލިބިލައްވަން ބޭނުންފުޅުވާނަމަ ތިރީގައި އީމެއިލް ޖެއްސެވުމަށްފަހު ސަބްސްކުރައިބް ކުރައްވާ.

އެންމެ ފަސް

ހޯދަންބޭނުންވާ ބަސް ޖެއްސެވުމަށްފަހު އިންޓަރއަށް ފިއްތަވާލައްވާ